അങ്കണവാടി കെട്ടിടത്തിന്‍െറ ജനല്‍ചില്ലുകള്‍ തകര്‍ത്തു

ഹരിപ്പാട്: പള്ളിപ്പാട് പഞ്ചായത്ത് എട്ടാം വാര്‍ഡിലെ 88ാം നമ്പര്‍ അങ്കണവാടി കെട്ടിടത്തിന്‍െറ ജനല്‍ചില്ലുകള്‍ സാമൂഹികവിരുദ്ധര്‍ അടിച്ചുതകര്‍ ത്തു. ബുധനാഴ്ച രാത്രിയിലാണ് സംഭവമെന്ന് കരുതുന്നു. വ്യാഴാഴ്ച രാവിലെ 9.15ന് അങ്കണവാടി വര്‍ക്കര്‍ ഗീതാലക്ഷ്മി മുന്‍വാതില്‍ തുറന്ന് അകത്തുകയറിയപ്പോഴാണ് ജനല്‍ചില്ലുകള്‍ പൊട്ടിക്കിടക്കുന്നതും അലമാരകള്‍ തുറന്ന് ഫയലുകള്‍ വാരിവലിച്ചിട്ടിരിക്കുന്നതും ശ്രദ്ധയില്‍പെട്ടത്. കെട്ടിടത്തിന്‍െറ പിന്‍ഭാഗത്തിരുന്ന് മദ്യപിച്ചതിന്‍െറ അടയാളങ്ങളും ഉണ്ട്. അങ്കണവാടിയിലെ രജിസ്റ്ററുകളും മറ്റു രേഖകളും സമീപത്തെ വയലിലെ വെള്ളക്കെട്ടില്‍ കീറിയെറിഞ്ഞ നിലയിലും കാണപ്പെട്ടു. ഇതുസംബന്ധിച്ച് ഹരിപ്പാട് പൊലീസില്‍ പരാതി നല്‍കി.