കെ.എസ്.ആര്‍.ടി.സി ബസ് നിയന്ത്രണം വിട്ട് റോഡരികിലേക്ക് ചരിഞ്ഞു

കായംകുളം: ഓവര്‍ടേക്ക് ചെയ്ത് കയറിവന്ന വാഹനത്തെ ഇടിക്കാതിരിക്കാന്‍ വെട്ടിക്കുന്നതിനിടെ നിയന്ത്രണം തെറ്റിയ കെ.എസ്.ആര്‍.ടി.സി ബസ് റോഡരികിലേക്ക് ചരിഞ്ഞു. യാത്രക്കാര്‍ പരിക്കേല്‍ക്കാതെ രക്ഷപ്പെട്ടു. കരുനാഗപ്പള്ളിയില്‍നിന്ന് എറണാകുളത്തേക്ക് പോവുകയായിരുന്ന കെ.എസ്.ആര്‍.ടി.സി ബസാണ് അപകടത്തില്‍പ്പെട്ടത്. ദേശീയപാതയില്‍ കൊറ്റുകുളങ്ങരക്ക് സമീപം ബുധനാഴ്ച രാവിലെ ഏഴുമണിയോടെയായിരുന്നു അപകടം. ബസ് റോഡരികിലെ മരത്തിലിടിച്ച് നിന്നതാണ് അപകടം ഒഴിവാകാന്‍ കാരണമായത്. യാത്രക്കാരെ മറ്റ് ബസുകളില്‍ കയറ്റിവിട്ടു.