Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightAlappuzhachevron_rightഅരൂര്‍-അരൂക്കുറ്റി...

അരൂര്‍-അരൂക്കുറ്റി റോഡില്‍ ഗതാഗതതടസ്സം പതിവാകുന്നു

text_fields
bookmark_border
അരൂര്‍: അരൂര്‍-അരൂക്കുറ്റി റോഡില്‍ ഗതാഗതതടസ്സം പതിവാകുന്നു. ചെറിയ തടസ്സംപോലും മണിക്കൂറുകള്‍ നീളുന്ന ഗതാഗതസ്തംഭനത്തിന് ഇടയാക്കുകയാണ്. കഴിഞ്ഞദിവസം രാവിലെ ഏഴുമണിക്ക് ടിപ്പര്‍ലോറി കേടായതുമൂലം റോഡിലെ ഗതാഗതം തടസ്സപ്പെട്ടത് നാലുമണിക്കൂറിലേറെയാണ്. വളവുതിരിവുകള്‍ ഏറെയുള്ള റോഡിന് വീതിയില്ലാത്തതാണ് കാരണം. വീതികൂട്ടാനുള്ള നടപടികള്‍ ഇനിയും ആരംഭിക്കാത്തതും പ്രശ്നം രൂക്ഷമാക്കുന്നു. അരൂര്‍-അരൂക്കുറ്റി പാലം പണിക്കൊപ്പം തന്നെ റോഡിന്‍െറ വശങ്ങളിലെ ഭൂമിയെടുപ്പ് നടപടികളും പൂര്‍ത്തിയാക്കണമെന്ന നാട്ടുകാരുടെ ആവശ്യം പരിഗണിക്കാതെപോയതാണ് ദുരിതങ്ങള്‍ക്ക് കാരണം. പാലം യാഥാര്‍ഥ്യമായതോടെ സ്ഥലത്തിന് നിയന്ത്രണാതീതമായി വിലകയറിയത് വീതികൂട്ടല്‍ നടപടികള്‍ക്ക് ഇനി തടസ്സമാകും. പാലം വന്നതോടെ ഗതാഗതം പത്തിരട്ടിയായി വര്‍ധിച്ചത് നിരന്തര തടസ്സങ്ങള്‍ക്കും ഗതാഗതസ്തംഭനത്തിനും യാത്രാദുരിതങ്ങള്‍ക്കും ഇടയാക്കുകയാണ്.
Show Full Article
TAGS:
Next Story