Top
Begin typing your search above and press return to search.
keyboard_arrow_down
Login
exit_to_app
exit_to_app
ആരോടും കലഹിക്കാതെ പതിയെ മറഞ്ഞ കഥാകാരൻ
cancel

തൃ​ശൂ​ർ: അ​രു​ചി​യേ​തു​മി​ല്ലാ​തെ, ​മ​നോ​ഹ​ര​മാ​യി വി​ള​മ്പി​യ ഒ​രു സ​ദ്യ​വ​ട്ടം. അ​താ​ണ്​ ഹ​രി​കു​മാ​റി​​െൻറ ക​ഥ​ക​ൾ. വാ​ക്കു​ക​ൾ​കൊ​ണ്ടു​ള്ള ക​ളി​യി​ല്ല, സാ​ഹി​ത്യ​ലോ​ക​ത്തെ കോ​ലാ​ഹ​ല​മി​ല്ലാ​തെ പ​തി​ഞ്ഞ്​ പോ​യ ക​ഥാ​കാ​ര​ൻ. സ​ർ​ഗ​പ​ര​മാ​യ ക​ഴി​വു​ക​ൾ​ക്ക​പ്പു​റം കെ​ട്ടു​കാ​ഴ്​​ച​യും സാ​ഹി​ത്യ ലോ​ക​​ത്ത​ി​​െൻറ വ​രേ​ണ്യ​ത​യും തൊ​ട്ടു​തീ​ണ്ടി​യി​രു​ന്നി​ല്ല അ​ദ്ദേ​ഹം.


ആ​റു പ​തി​റ്റാ​ണ്ടോ​ള​മെ​ത്തി​യ സ​ർ​ഗ​വ​ഴി​യി​ൽ ഹ​രി​കു​മാ​ർ മ​ല​യാ​ള​ത്തി​ന്​ സ​മ്മാ​നി​ച്ച​ത്​ 170ഓ​ളം ക​ഥ​ക​ൾ. ഒ​മ്പ​ത്​ ചെ​റു​നോ​വ​ലും അ​ഞ്ച് തി​ര​ക്ക​ഥ​യും ഒ​രു നാ​ട​ക​വും വേ​റെ. മ​ഹാ​ക​വി ഇ​ട​ശ്ശേ​രി​യു​ടെ മ​ക​നാ​യി​ട്ടും എ​ഴു​ത്തി​ലൂ​ടെ ക​ഴി​വ്​ തെ​ളി​യി​ച്ചി​ട്ടും ഈ ​എ​ഴു​ത്തു​കാ​ര​നെ വേ​ണ്ട​പോ​ലെ സാ​ഹി​ത്യ​ലോ​കം പ​രി​ഗ​ണി​ച്ചോ എ​ന്ന ചോ​ദ്യ​മാ​ണ്​ ഹ​രി​കു​മാ​റി​​െൻറ വി​യോ​ഗം ഉ​യ​ർ​ത്തു​ന്ന​ത്.

‘‘സാ​ഹി​ത്യ​ര​ച​ന എ​ന്നെ സം​ബ​ന്ധി​ച്ച് ഈ ​അ​ന്വേ​ഷ​ണ​മാ​ണ്. ദീ​ര്‍ഘ​കാ​ല​മാ​യു​ള്ള, എ​വി​ടെ​യും എ​ത്തി​യി​ട്ടി​ല്ലാ​ത്ത അ​ന്വേ​ഷ​ണം. ജ​ന്മാ​ന്ത​ര​ങ്ങ​ളി​ല്‍ ഞാ​ന്‍ ക​ണ്ടു​മു​ട്ടു​ക​യോ പ​രി​ച​യ​പ്പെ​ടു​ക​യോ ചെ​യ്യു​ക​യും പി​ന്നീ​ട് മ​റ​വി​യു​ടെ ആ​ഴ​ങ്ങ​ളി​ലെ​വി​ടെ​യോ ന​ഷ്​​ട​പ്പെ​ടു​ക​യും ചെ​യ്ത സം​ഭ​വ​ങ്ങ​ളോ വ്യ​ക്തി​ക​ളോ ആ​യി​രി​ക്ക​ണം പി​ന്നീ​ട് ക​ഥാ​ബീ​ജ​മാ​യും അ​തി​ലെ ക​ഥാ​പാ​ത്ര​ങ്ങ​ളാ​യും എ​​െൻറ മ​ന​സ്സി​ല്‍ പ്ര​ത്യ​ക്ഷ​പ്പെ​ടു​ന്ന​ത്. ക്ഷ​ണി​ക്കാ​തെ ക​ട​ന്നു​വ​ന്ന അ​തി​ഥി​ക​ള്‍ എ​​െൻറ അ​ബോ​ധ​മ​ന​സ്സി​ല്‍ സ്വ​ന്ത​മാ​യ ഒ​രു ജീ​വി​തം ന​യി​ക്കാ​ന്‍ തു​ട​ങ്ങു​ക​യും മ​ന​സ്സി​ന്​ അ​ത്​ താ​ങ്ങാ​ന്‍ ക​ഴി​യാ​തെ വ​രു​ക​യും ചെ​യ്യു​മ്പോ​ള്‍ ഞാ​ന്‍ ക​ട​ലാ​സും പേ​ന​യു​മെ​ടു​ക്കു​ന്നു.’’-​ഇ. ഹ​രി​കു​മാ​ർ ത​​െൻറ എ​ഴു​ത്ത് ​വ​രു​ന്ന വ​ഴി​ക​ളെ​ക്കു​റി​ച്ച്​ പ​റ​യു​ന്ന​ത്​ ഇ​ങ്ങ​നെ​യാ​ണ്.

മ​ല​യാ​ള ക​ഥ​യി​ൽ ആ​ധു​നി​ക​ത പ​ച്ച​പി​ടി​ച്ചു​​നി​ന്ന അ​റു​പ​തു​ക​ളി​ലാ​ണ്​ ഇ​ദ്ദേ​ഹ​ത്തി​​െൻറ ര​ച​ന ത​ളി​ർ​ത്ത​ത്. നാ​ട്ടി​ൻ​പു​റ ജീ​വി​ത സം​സ്​​കാ​ര​ത്തി​ൽ​നി​ന്ന്​ ഉ​യി​ർ​കൊ​ണ്ട ജീ​വി​ത​ഗ​ന്ധി​യാ​യ ക​ഥ​ക​ളാ​യി​രു​ന്നു അ​ദ്ദേ​ഹ​ത്തി​​േ​ൻ​റ​ത്. അ​സാ​മാ​ന്യ കൈ​യൊ​തു​ക്ക​വും വാ​ക്കു​ക​ൾ ഒ​രു​ക്കു​ന്ന താ​ള​വു​മാ​ണ്​ ക​ഥ​ക​ളെ സ​വി​ശേ​ഷ​മാ​ക്കു​ന്ന​ത്. നാ​ട്ടി​ൻ​പു​റ​ത്തു​നി​ന്ന് ​പ​റി​ച്ചു​ന​ട​പ്പെ​ട്ട​വ​രു​ടെ വേ​രു​ക​ൾ തേ​ടി​യു​ള്ള അ​ന്വേ​ഷ​ണ​വും ബ​ന്ധ​ങ്ങ​ളു​ടെ പു​റം​പൂ​ച്ചു​ക​ളും ഏ​റെ ക​ഥ​ക​ളി​ൽ വി​ഷ​യ​മാ​യി. പ്ര​വാ​സ​ത്തി​​െൻറ എ​രി​തീ​യി​ൽ ന​ഗ​ര​ജീ​വി​ത​വു​മാ​യി സ​മ​ര​സ​പ്പെ​ട്ട്​ ജീ​വി​ക്കു​ന്ന​വ​ർ, അ​ട​ഞ്ഞ വാ​തി​ലു​ക​ള്‍ക്കു​ള്ളി​ലെ ഇ​ടു​ങ്ങി​യ ലോ​ക​ത്തി​​െൻറ ക​യ്​​പു​ണ്ണു​ന്ന​വ​ർ, വി​ര​സ​മാ​യ ഏ​കാ​ന്ത​ത ത​ള്ളി​നീ​ക്കു​ന്ന​വ​ർ...​ഇ​ട​ത്ത​രം ന​ഗ​ര​വാ​സി​ക​ളു​ടെ വി​കാ​ര​ങ്ങ​ളെ ഇ​ത്ര​യേ​റെ ക​ഥ​യി​ൽ പ്ര​തി​ഫ​ലി​പ്പി​ച്ച​വ​ർ ചു​രു​ക്കം. ക​രു​ത്തു​റ്റ സ്​​ത്രീ​പ​ക്ഷ ക​ഥാ​കാ​ര​നാ​യി സാ​ഹി​ത്യ​ലോ​കം വി​ല​യി​രു​ത്തു​ന്നു​ണ്ട്. അ​വ​ർ ഭാ​ര്യ, കാ​മു​കി, സ​ഹ​പ്ര​വ​ര്‍ത്ത​ക, അ​യ​ല്‍ക്കാ​രി, സ​ഹ​യാ​ത്രി​ക എ​ന്നി​ങ്ങ​നെ വ്യ​ത്യ​സ്​​ത സ്​​ത്രീ​സാ​ന്നി​ധ്യ​മാ​യി എ​ത്തു​ന്നു.

കു​ട്ടി​ക​ളു​ടെ ഇ​ഷ്​​ട​പ്പെ​ട്ട ക​ഥാ​കാ​ര​ൻ കൂ​ടി​യാ​ണ്​ ഹ​രി​കു​മാ​ർ. ദി​നോ​സ​റി​​െൻറ കു​ട്ടി, ഒ​രു കു​ങ്ഫു ഫൈ​റ്റ​ര്‍, കാ​ന​ഡ​യി​ല്‍നി​ന്നു​ള്ള രാ​ജ​കു​മാ​രി, ശ്രീ​പാ​ർ​വ​തി​യു​ടെ പാ​ദം തു​ട​ങ്ങി ഒ​ട്ടെ​ല്ലാ ക​ഥ​ക​ളു​ടേ​യും കേ​ന്ദ്ര​സ്ഥാ​ന​ത്ത് കു​ട്ടി​ക​ളാ​ണ്. ഒ​രു​പ​ക്ഷേ ഹ​രി​കു​മാ​റി​​െൻറ ഏ​റെ ശ്ര​ദ്ധേ​യ ര​ച​ന​ക​ളും കു​ട്ടി​ക​ളെ കേ​ന്ദ്രീ​ക​രി​ച്ചു​ള്ള​വ​യാ​ണ്. സ്വാ​ഭാ​വി​ക ജീ​വി​ത പ​രി​സ​രം, കു​ളി​ർ​മ​ഴ​പോ​ലെ ബ​ന്ധ​ങ്ങ​ളു​ടെ ഊ​ഷ്​​മ​ള​ത, കാ​ത്തി​രി​പ്പ്, ചെ​റി​യ ​ചെ​റി​യ ദുഃ​ഖ​ങ്ങ​ൾ... വാ​യ​ന​ക്കാ​രു​ടെ മ​ന​സ്സി​ൽ ചേ​ർ​ന്നു​നി​ൽ​ക്കും വി​ധം എ​ന്തെ​ങ്കി​ലും കി​ട്ടാ​തി​രി​ക്കു​മാ​യി​രു​ന്നി​ല്ല, ആ ​പേ​ന​ത്തു​മ്പി​ൽ നി​ന്ന്...

Show Full Article
TAGS:e harikumar kerala news 
Web Title - e harikumar tribute-literature news
Next Story