ടോണി മോറിസൺ അന്തരിച്ചു

ന്യൂയോർക്​: വിഖ്യാത ആഫ്രോ-അമേരിക്കൻ എഴുത്തുകാരി ടോണി മോറിസൺ വിടവാങ്ങി. 88 വയസ്സായിരുന്നു. മോറി‍സണി‍​െൻറ പ ്രസാധകരായ നോഫ് ആണ് മരണവാര്‍ത്ത ലോകത്തെ അറിയിച്ചത്. മരണകാരണം സ്ഥിരീകരിച്ചിട്ടില്ല.

1993ൽ സാഹിത്യ നൊബേല്‍ പുര സ്‍കാരം, 1988ൽസാഹിത്യത്തിനുള്ള പുലിറ്റ്‍സര്‍ പുരസ്‍കാരം എന്നിവ ലഭിച്ചു. ആഫ്രോ-അമേരിക്കൻ എഴുത്തുകാരിൽ നൊബേൽ ലഭിച്ച ആദ്യ വ്യക്തിയായിരുന്നു. ആഫ്രിക്കന്‍-അമേരിക്കന്‍ ജീവിതങ്ങള്‍ ആധാരമാക്കി എഴുതിയ മോറിസണി‍​െൻറ നോവലുകള്‍ നേര്‍ജീവിതക്കാഴ്‍ചകളായിരുന്നു. ബിലവ്ഡ്‍, സോങ് ഓഫ് സോളമന്‍, സുല, ബ്ലൂവെസ്​റ്റ്​ ഐ എന്നിവയാണ് പ്രധാനപ്പെട്ട നോവലുകള്‍.

2012ല്‍ ടോണി മോറിസണ് അമേരിക്കയിലെ ഏറ്റവും വലിയ സിവിലിയന്‍ പുരസ്‍കാരമായ പ്രസിഡന്‍ഷ്യല്‍ മെഡല്‍ ഓഫ് ഫ്രീഡം പ്രസിഡൻറ്​ ബറാക്​ ഒബാമ സമ്മാനിച്ചു.

ആഫ്രോ-അമേരിക്കൻ ജീവിതങ്ങൾ പകർത്തി അഞ്ചു ദശകത്തോളം സാഹിത്യരംഗത്ത്​ നിറഞ്ഞുനിന്നു. മൂർച്ചയുള്ള സംഭാഷണങ്ങളും സൂക്ഷ്മതയാർന്ന കഥാപാത്രസൃഷ്​ടിയുമാണ് ടോണി മോറിസൺ നോവലുകളുടെ സവിശേഷത. 1931ൽ ഒഹായോയിലെ ​തൊഴിലാളിവർഗ കുടുംബത്തിലായിരുന്നു​ ജനനം. നോവലിസ്​റ്റ്​, എഡിറ്റർ, പ്രഫസർ എന്നീ നിലകളിൽ പ്രശസ്തിയാർജിച്ചു.1953ൽ ഹൊവാഡ്‌ യൂനിവേഴ്‌സിറ്റിയിൽനിന്നു ബിരുദം നേടി.