നന്മയുടെ കഥ പറഞ്ഞ ഉറൂബി​െൻറ ഓർമയിൽ കോഴിക്കോട്​

മ​നു​ഷ്യ​ന​ന്മ​യു​ടെ ക​ഥ​പ​റ​ഞ്ഞ എ​ഴു​ത്തു​കാ​ര​ൻ ഉ​റൂ​ബി​​​െൻറ ഓ​ർ​മ​യി​ൽ കോഴിക്കോട്​ ന​ഗ​രം. ഒരു പിടി നല്ല എഴുത്തുകൾ സമ്മാനിച്ച പി.സി കുട്ടികൃഷ്​ണൻ എന്ന ഉറൂ​ബിൻെറ തൂലിക ചലിക്കാതായിട്ട്​ 40 വർഷം പിന്നിടുന്നു. സാ​ഹ ി​ത്യ​ലോ​ക​ത്ത് ഇ​ന്നും പു​തു​മ ചോ​രാ​തെ നി​ല്‍ക്കു​ന്ന അ​ദ്ദേ​ഹ​ത്തി​​​െൻറ കൃ​തി​കൾ വ്യ​ത്യ​സ്ത ഭാ​വ​ത​ല ​ങ്ങ​ളാണ്​ അ​നു​വാ​ച​ക​ന് സ​മ്മാ​നി​ക്കു​ന്നത്​. ഇ​ട​ശ്ശേ​രി സ്‌​മാ​ര​ക സ​മി​തി​യു​ടെ സ​ഹ​ക​ര​ണ​ത്തോ​ടെ ഉ​റൂ​ബ് സാം​സ്‌​കാ​രി​ക സ​മി​തി ഉ​റൂ​ബ് അ​നു​സ്മ​ര​ണം സം​ഘ​ടി​പ്പി​ച്ചു.

സംസ്​കാരവുമായി ഒരു ബന്ധവുമില്ലാത്തവർ സാംസ്​കാരിക വകുപ്പ്​ ഭരിക്കുമ്പോൾ ഉറൂബിനെ മറക്കുന്നതിൽ അത്​ഭുതമില്ലെന്ന്​ അനുസ്​മരണ പ്രഭാഷണം നടത്തിയ നോ​വ​ലി​സ്​​റ്റ്​ ടി.​പി. രാ​ജീ​വ​ൻ അഭിപ്രായപ്പെട്ടു. ഇപ്പോഴുള്ള പല സ്​മാരകങ്ങളും ചില സ്ഥാന മോഹിക​െള കുടിയിരുത്താനുള്ള ഇടമായി മാറിയിരിക്കുകയാണെന്നും ഒരു കണക്കിന്​ ഉറൂബിന്​ സ്​മാരകമില്ലാത്തത്​ നന്നായെന്നും അദ്ദേഹം പറഞ്ഞു.

ഉറൂബിൻെറ പ്രതിമയൊന്നും എവിടേയും സ്ഥാപിക്കാതിരുന്നത്​ നന്നായെന്നും പാലക്കാട്ട്​ സ്ഥാപിച്ച ഒ.വി. വിജയൻെറ പ്രതിമക്ക്​ വന്ന ഗതി വരില്ലല്ലോ എന്നും രാജീവൻ പറഞ്ഞു. ഏതെങ്കിലും ഒരു പ്രസ്ഥാനത്തിൻെറ ഭാഗമായിരുന്ന സാഹിത്യകാരൻമാർ മാത്രമേ ഇവിടെ അനുസ്​മരിക്കപ്പെടുന്നുള്ളൂവെന്നും എഴുത്തുകാരെ ആദരിക്കാനും ബഹുമാനിക്കാനും മലയാളിക്ക്​ അറിയില്ലെന്നും അദ്ദേഹം കൂട്ടി​ച്ചേർത്തു.