വിടവാങ്ങിയത്​ തേങ്ങാപ്പട്ടണത്തി​െൻറ എഴുത്തുകാരൻ

എം. ​ഷി​ബു
08:25 AM
11/05/2019
Thoppil-Mohamed-Meeran-with-Sachidanandan-and-Zacharia
സച്ചിദാനന്ദനും സക്കറിയക്കുമൊപ്പം തോ​പ്പി​ൽ മു​ഹ​മ്മ​ദ്​ മീ​രാ​ൻ (ഫയൽ ചിത്രം)

തി​രു​​വ​ന​ന്ത​പു​രം: തീ​ര​ഗ്രാ​മ​മാ​യ തേ​ങ്ങാ​പ്പ​ട്ട​ണ​ത്തി​​​െൻറ സ​മൂ​ഹ​ജീ​വി​ത​​വ​ും ഉ​ൾ​ത്തു​ടി​പ്പു​ക​ളും സൂ​ക്ഷ്​​മ​മാ​യി അ​ക്ഷ​ര​ങ്ങ​ളി​ലേ​ക്ക്​ പ​ക​ർ​ത്തി​യ എ​ഴു​ത്തു​കാ​ര​നാ​യി​രു​ന്നു തോ​പ്പി​ൽ മു​ഹ​മ്മ​ദ്​ മീ​രാ​ൻ. തസ്രാക്കി​​നെ ഒ.​വി. വി​ജ​യ​ൻ അ​ക്ഷ​ര​ങ്ങ​ളി​ലൂ​ടെ അ​ന​​​ശ്വ​​ര​ദേ​ശ​മാ​ക്കി​യ​പോ​ലെ തേ​ങ്ങാ​പ്പ​ട്ട​ണ​ത്തെ മീ​രാ​നും വാ​യ​ന​സ​മൂ​ഹ​ത്തി​ന്​ മു​ന്നി​ൽ അ​വി​സ്​​മ​ര​ണീ​യ​ദേ​ശ​മാ​ക്കി. ഭൂ​മി​ശാ​സ്​​ത്ര​പ​ര​മാ​യി ത​മി​ഴ്​​നാ​ട്ടി​ലാ​ണെ​ങ്കി​ലും ത​മി​ഴേ​ാ മ​ല​യാ​ള​മോ എ​ന്ന്​ ഉ​റ​പ്പി​ച്ച്​ പ​റ​യാ​നാ​കാ​ത്ത ത്രി​ശ​​ങ്കു​ദേ​ശ​മെ​ന്ന്​ വി​ശേ​ഷി​പ്പി​ക്കാ​വു​ന്ന നാ​ടാ​ണ്​ തേ​ങ്ങാ​പ്പ​ട്ട​ണം. 

നീ​ല പ​ത്മ​നാ​ഭ​നും സു​ന്ദ​ര​രാ​മ​സ്വാ​മി​യു​മെ​ല്ലാം മു​ഖ്യ​ധാ​ര​യെ പ്ര​തി​നി​ധീ​ക​രി​ച്ച​പ്പോ​ൾ ​ര​ണ്ട്​ കി​ലോ​മീ​റ്റ​റോ​ളം  മാ​ത്രം ചു​റ്റ​ള​വു​ള്ള തേ​ങ്ങാ​പ്പ​ട്ട​ണ​ത്തി​​െൻറ വി​യ​ർ​പ്പു​ണ​ങ്ങാ​ത്ത പ​ച്ച ജീ​വി​ത​ങ്ങ​ളെ മീ​രാ​ൻ വാ​യ​ന​സ​മൂ​ഹ​ത്തി​ന്​ മു​ന്നി​ലേ​ക്ക്​ തു​റ​ന്നു​വെ​ച്ചു. ഇ​വി​ട​ത്തെ മി​ത്തു​ക​ളു​ം ഭാ​വ​ന​യും കെ​ട്ടു​ക​​ഥ​ക​​ളു​മെ​ല്ലാം പു​തി​യ ഭാ​വ​ത്തി​ൽ ആ​വി​ഷ്​​ക​രി​ച്ചു. ജീ​വി​ത​ങ്ങ​ളെ ആ​ഴ​ത്തി​ൽ അ​ട​യാ​ള​പ്പെ​ടു​ത്തി. 

കേ​ന്ദ്ര​സാ​ഹി​ത്യ അ​ക്കാ​ദ​മി അ​വാ​ർ​ഡ്​ കി​ട്ടി​യ കൃ​തി​യാ​യ ചാ​യ്​​വു നാ​ർ​ക്കാ​ലി, ഒ​രു ക​ട​ലോ​ര ഗ്രാ​മ​ത്തി​ൻ ക​ഥൈ എ​ന്നി​വ​യി​ലെ​ല്ലാം തി​രു​വി​താം​കോ​ടും തേ​ങ്ങാ​പ്പ​ട്ട​ണ​വു​മെ​ല്ലാം നേ​രി​ൽ ക​ണ്ട്​ അ​നു​ഭ​വി​ക്കാം. ചാ​രു​ക​സേ​ര​യെ കേ​ന്ദ്ര​മാ​ക്കി ഒ​രു കു​ടും​ബ​ത്തി​​െൻറ ത​ല​മു​റ​ക​ളെ ചി​ത്രീ​ക​രി​ച്ച കൃ​തി​യാ​യ ചാ​യ്​​വു​നാ​ർ​ക്ക​ലി സ​മാ​ന​ത​ക​ളി​ല്ലാ​ത്ത സാ​ഹി​ത്യാ​വി​ഷ്​​കാ​ര​മാ​ണ്.

അ​ക്ഷ​ര​മ​റി​യാ​വു​ന്ന ഏ​തൊ​രാ​ളി​നും തേ​ങ്ങാ​പ്പ​ട്ട​ണം സു​പ​രി​ചി​ത​മാ​ണെ​ങ്കി​ൽ അ​തി​ന്​ പി​ന്നി​ലെ പ​രി​ശ്ര​മ​ങ്ങ​ൾ തോ​പ്പി​ൽ മു​ഹ​മ്മ​ദ്​ മീ​രാ​ന്​ അ​വ​കാ​ശ​പ്പെ​ട്ട​താ​ണ്. തേ​ങ്ങാ​പ്പ​ട്ട​ണ​ത്തി​​െൻറ ച​രി​ത്ര​പ​ര​മാ​യ പ്രാ​ധാ​ന്യ​ത്തെ കൃ​ത്യ​മാ​യി അ​േ​ദ്ദ​ഹം നോ​വ​ലു​ക​ളി​ൽ അ​ട​യാ​​ള​പ്പെ​ടു​ത്തി. മു​ൻ​വി​ധി​ക​ളി​ൽ​നി​ന്നും പ​ക്ഷ​പാ​തി​ത്വ​ങ്ങ​ളി​ൽ​നി​ന്നു​മെ​ല്ലാം മു​ക്ത​നാ​യ എ​ഴു​ത്തു​കാ​ര​നാ​യി​രു​ന്നു മീ​രാ​ൻ. ചെ​റി​യ ക​ഥാ​പാ​ത്ര​ത്തി​നു​പോ​ലും വ​ലി​യ ആ​ഴം വാ​യ​ന​ക്കാ​ര​ന്​ കാ​ട്ടി​ത്ത​ന്നു. മ​റ്റു​ള്ള​വ​ർ നാ​ടു​വി​ട്ട്​ മ​റു​നാ​ട്ടി​ലേ​ക്ക്​ ര​ച​നാ​സ​േ​ങ്ക​ത​ങ്ങ​ൾ തേ​ടി​യ​പ്പോ​ഴും മീ​രാ​​െൻറ എ​ഴു​ത്തു​ക​ളി​ലെ​ല്ലാം നി​റ​ഞ്ഞ​ത്​ സ്വ​ന്തം നാ​ട്​ ​ത​ന്നെ​യാ​യി​രു​ന്നു. 

നാ​ഗ​ർ​കോ​വി​ൽ എ​സ്.​ഡി കോ​ള​ജി​ൽ​നി​ന്ന്​ സാ​മ്പ​ത്തി​ക​ശാ​സ്ത്ര​ത്തി​​ലാ​യി​രു​ന്നു ബി​രു​ദം. തു​ട​ർ​ന്നാ​ണ്​ എ​ഴു​ത്തി​​െൻറ വ​ഴി​ക​ളി​ലേ​ക്ക്​ ചു​വ​ടു​മാ​റി​യ​ത്. പ​ഠ​ന​വി​ഷ​യം പോ​ലും സാ​ഹി​ത്യ​മാ​യി​രു​ന്നി​ല്ല. മീ​രാ​​െൻറ എ​ഴു​ത്തി​നെ പ്ര​ചോ​ദി​പ്പി​ച്ച മ​ല​യാ​ളി എ​ഴു​ത്തു​കാ​ര​ൻ വൈ​ക്കം മു​ഹ​മ്മ​ദ്​ ബ​ഷീ​ർ ത​ന്നെ​യാ​യി​രു​ന്നു. 

അ​ദ്ദേ​ഹം  ബ​ഷീ​റി​നെ പ​ല​വ​ട്ടം നേ​രി​ൽ ക​ണ്ടു. മാ​ത്ര​മ​ല്ല, ബ​ഷീ​റി​നെ​ക്കു​റി​ച്ച്​ പ​ല​വേ​ള​ക​ളി​ലും നി​റ​ഞ്ഞ ഹൃ​ദ​​യ​ത്തോ​ടെ അ​ദ്ദേ​ഹം സം​സാ​രി​ച്ചു. ത​ന്നെ എ​ഴു​ത്തി​ലേ​ക്ക്​ കൊ​ണ്ടു​വ​ന്ന​ത്​ ബ​ഷീ​ർ ര​ച​ന​ക​ളാ​ണെ​ന്ന​ും അ​ദ്ദേ​ഹം പ​റ​ഞ്ഞി​രു​ന്നു.

എ​ഴു​ത്തി​നി​ട​യി​ലും ചാ​ല​യി​ലെ​ത്തി, മു​ള​ക്​ ക​ച്ച​വ​ട​ത്തി​നാ​യി 
എ​ഴു​ത്തി​​െൻറ വ​ഴി​ക​ളി​ൽ ഉ​യ​ര​ങ്ങ​ൾ താ​ണ്ടു​േ​മ്പാ​ഴും ജീ​വി​താ​യോ​ധ​ന​ത്തി​ന്​ അ​ദ്ദേ​ഹ​ത്തി​ന്​ വേ​റെ വ​ഴി ക​ണ്ടെ​ത്തി​യി​രു​ന്നു. തി​രു​വ​ന​ന്ത​പു​രം ചാ​ല​യി​ൽ വ​ന്ന്​ മു​ള​കെ​ടു​ത്ത്​ തി​രു​നെ​ൽ​വേ​ലി​യി​ൽ കൊ​ണ്ട്​ ​വ്യാ​പാ​രം ന​ട​ത്തി​യാ​യി​രു​ന്നു ​അ​ദ്ദേ​ഹം ജീ​വി​ച്ച​ത്. സാ​ധാ​ര​ണ ക​ച്ച​വ​ട​ക്കാ​ര​നാ​യി മ​ു​ണ്ടും മ​ട​ക്കി​ക്കു​ത്തി ചാ​ല​യി​ൽ ക​ച്ച​വ​ട​ത്തി​നെ​ത്തി​യ ഇ​ദ്ദേ​ഹ​ത്തെ പ​ക്ഷേ ഇ​വി​ടെ ആ​രും തി​രി​ച്ച​റി​ഞ്ഞ​തു​മി​ല്ല. എ​ഴു​ത്ത് കൊ​ണ്ട് ജീ​വി​തം ത​ള്ളി​നീ​ക്കാ​നാ​വാ​ത്ത​ത് കൊ​ണ്ടാ​ണ് വ​റ്റ​ൽ​മു​ള​കി​നെ ആ​ശ്ര​യി​ക്കേ​ണ്ടി​വ​ന്ന​െ​ത​ന്ന് തോ​പ്പി​ൽ പ​റ​യാ​റു​ണ്ടാ​യി​രു​ന്നു. യാ​ത്ര ചെ​യ്യാ​ൻ ക​ഴി​യു​ന്ന​തു​വ​രെ ആ ​ക​ച്ച​വ​ട​മാ​യി​രു​ന്നു ജീ​വ​നോ​പാ​ധി. കേ​ര​ള​ത്തി​ൽ പാ​ടി​പ്പ​തി​ഞ്ഞ മാ​പ്പി​ള​പ്പാ​ട്ടു​ക​ളെ​ക്കു​റി​ച്ച്​ കൃ​ത്യ​മാ​യ പ​ഠ​ന​വും രേ​ഖ​പ്പെ​ടു​ത്ത​ലും ന​ട​ന്നി​ട്ടു​ണ്ട്. 

കേ​ര​ള​ത്തി​ലെ അ​റ​ബി​മ​ല​യാ​ള​െ​​ത്ത​പ്പോ​ലെ ത​മി​ഴ്​​നാ​ട്ടി​ൽ അ​റ​ബി​ത്ത​മി​ഴു​ണ്ട്. അ​റ​ബി​ത്ത​മി​ഴി​ൽ  ധാ​രാ​ളം പാ​ട്ടു​ക​ളും. മാ​പ്പി​ള​പ്പാ​ട്ടു​ക​ളെ​ക്കാ​ൾ ത​ല​മു​റ​ക​ൾ  പ​ഴ​ക്ക​മു​ള്ള പാ​ട്ടു​ക​ൾ ത​മി​ഴ്​​നാ​ട്ടി​ലു​ണ്ട്.  ​ഇ​ത്ത​ര​ത്തി​ൽ ശ​ബ്​​ദ​ലേ​ഖ​നം പോ​ലും ചെ​യ്യാ​ത്ത അ​റ​ബി​ത്ത​മി​ഴ്​ കൃ​തി​ക​ളെ​യും പാ​ട്ടു​ക​ളെ​യും തോ​പ്പി​ൽ മു​ഹ​മ്മ​ദ്​ മീ​രാ​ൻ  ക​ണ്ടെ​ടു​ക്കു​ക​യും ആ​ഴ​ത്തി​ൽ പ​ഠ​നം ന​ട​ത്തു​ക​യും എ​ഴു​തു​ക​യും അ​വ​യെ മു​ഖ്യ​ധാ​ര​യി​ലെ​ത്തി​ക്കു​ക​യും ചെ​യ്​​തു. ശൂ​ര​നാ​ട്​ ര​വി​യാ​ണ്​ അ​ദ്ദേ​ഹ​ത്തി​​െൻറ കൃ​തി​ക​ൾ അ​ധി​ക​വും മ​ല​യാ​ള​ത്തി​ലേ​ക്ക്​ ത​ർ​ജ​മ ചെ​യ്​​ത​ത്. ത​മി​ഴും മ​ല​യാ​ള​വും ഒ​രു​പോ​ലെ വ​ഴ​ങ്ങു​ന്ന മീ​രാ​ൻ ഇ​രു ഭാ​ഷ​ക​ളി​ലും ര​ച​ന​ക​ൾ നി​ർ​വ​ഹി​ച്ചി​ട്ടു​ണ്ട്. അ​തേ​സ​മ​യം ഇ​രു ഭാ​ഷ​ക​ളി​ലും അ​ർ​ഹ​മാ​യ അം​ഗീ​കാ​രം കി​ട്ടി​യി​ല്ലെ​ന്ന​തും യാ​ഥാ​ർ​ഥ്യം.

Loading...
COMMENTS