സത്യസന്ധനായ ഉദ്യോഗസ്ഥന് നീതിപൂർവം പ്രവർത്തിക്കാനാവാത്ത അവസ്ഥ –സുഗതകുമാരി

തി​രു​വ​ന​ന്ത​പു​രം: സ​ത്യ​സ​ന്ധ​നാ​യ ഉ​ദ്യോ​ഗ​സ്ഥ​ന് നീ​തി​പൂ​ർ​വം പ്ര​വ​ർ​ത്തി​ക്കാ​ൻ ക​ഴി​യാ​ത്ത അ​വ​സ്ഥ​യാ​ണ് കേ​ര​ള​ത്തി​ലു​ള്ള​തെ​ന്ന് ക​വ​യി​ത്രി സു​ഗ​ത​കു​മാ​രി. മു​ൻ വി​വ​രാ​വ​കാ​ശ ക​മീ​ഷ​ണ​ർ ഡോ. ​സി​ബി മാ​ത്യൂ​സി‍​െൻറ ‘നി​ർ​ഭ​യം’ പു​സ്ത​കം ഭ​ര​ണ​പ​രി​ഷ്കാ​ര ക​മീ​ഷ​ൻ ചെ​യ​ർ​മാ​ൻ വി.​എ​സ്. അ​ച്യു​താ​ന​ന്ദ​നി​ൽ​നി​ന്ന് ഏ​റ്റു​വാ​ങ്ങി സം​സാ​രി​ക്കു​ക​യാ​യി​രു​ന്നു അ​വർ.

നീ​തി​ന​ട​പ്പാ​ക്കാ​ൻ വി​ധി​ക്ക​പ്പെ​ട്ട ഉ​ന്ന​ത ഉ​ദ്യോ​ഗ​സ്ഥ​രു​ടെ കൈ​ക​ളും മ​ന​സ്സും വി​ല​ങ്ങി​ലാ​ണ്. അ​പ്പോ​ൾ പി​ന്നെ ത​ങ്ങ​ളെ​പ്പോ​ലെ​യു​ള്ള അ​സം​ഘ​ടി​ത​ർ ആ​രെ​യാ​ണ് വി​ശ്വ​സി​ക്കേ​ണ്ട​തെ​ന്ന്​ സു​ഗ​ത​കു​മാ​രി ചോ​ദി​ച്ചു. രാ​ഷ്​​ട്രീ​യ, മ​ത ഇ​ട​പെ​ട​ലു​ക​ൾ​ക്കും ക​ള്ള​പ്പ​ണ​ക്കാ​രു​ടെ ഇ​ഗി​ത​ങ്ങ​ൾ​ക്കും വ​ഴ​ങ്ങാ​ത്ത ഉ​ദ്യോ​ഗ​സ്ഥ​ർ​ക്ക് നി​ല​നി​ൽ​പി​ല്ലാ​താ​യി. സൂ​ര്യ​നെ​ല്ലി പെ​ൺ​കു​ട്ടി മു​ത​ൽ ബ​ലാ​ത്സം​ഗം ചെ​യ്ത് തൂ​ക്കി​ക്കൊ​ന്ന ഒ​മ്പ​താം​ക്ലാ​സു​കാ​രി​വ​രെ നീ​തി​ക്ക് വേ​ണ്ടി വ​ർ​ഷ​ങ്ങ​ൾ കാ​ത്തി​രി​ക്കേ​ണ്ട ഗ​തികേ​ടി​ലാ​ണ്. മ​ദ്യ​ന​യ​ത്തി‍​െൻറ രാ​​ഷ്​​ട്രീ​യ സാ​മ്പ​ത്തി​ക വ​ശ​ങ്ങ​ളെ​ക്കു​റി​ച്ച് ത​നി​ക്ക​റി​യി​ല്ല. എ​ന്നാ​ൽ ക​ട്ടി​ലി​ൽ ര​ക്തം ഛർ​ദി​ക്കു​ന്ന മ​ക​നെ നോ​ക്കി​യി​രി​ക്കു​ന്ന അ​മ്മ​യു​ടെ ശാ​പം ആ​ർ​ക്കാ​ണ് കൊ​ള്ളു​ന്ന​ത്. മ​ദ്യ​പി​ച്ച് സ്വ​ന്തം പെ​ൺ​മ​ക്ക​ളെ ഉ​പ​ദ്ര​വി​ക്കു​ന്ന പി​താ​വി​ൽ​നി​ന്ന് ര​ക്ഷ​നേ​ടാ​ൻ മ​ക്ക​ളെ​യുംകൊ​ണ്ട് പാ​തി​രാ​ത്രി​ വീ​ട്ടി​ൽ​നി​ന്ന് ഇ​റ​ങ്ങി​യോ​ടു​ന്ന അ​മ്മ​മാ​രു​ടെ ക​ണ്ണീ​രി​ന് ആ​ര് സ​മാ​ധാ​നം പ​റ​യു​മെ​ന്നും അവർ ചോ​ദി​ച്ചു. 

കേ​ര​ള രാ​ഷ്​​ട്രീ​യ​ത്തി‍​െൻറ​യും കു​റ്റാ​ന്വേ​ഷ​ണ​ങ്ങ​ളു​ടെ​യും മൂ​ന്ന് പ​തി​റ്റാ​ണ്ട​ത്തെ ച​രി​ത്ര​മാ​ണ് ‘നി​ർ​ഭ​യം’ മു​ന്നോ​ട്ടു​വെ​ക്കു​ന്ന​തെ​ന്ന് വി.​എ​സ്. അ​ച്യു​താ​ന​ന്ദ​ൻ പ​റ​ഞ്ഞു. ചാ​ര​ക്കേ​സു​മാ​യി ബ​ന്ധ​പ്പെ​ട്ട​വ​രെ​ല്ലാം പു​റ​ത്തു​വ​ന്നു​ക​ഴി​ഞ്ഞു. ഈ​ഘ​ട്ട​ത്തി​ൽ അ​ന്വേ​ഷ​ണ ഉ​ദ്യോ​ഗ​സ്ഥ​നാ​യ സി​ബി മാ​ത്യൂ​സി‍​െൻറ വാ​ക്കു​ക​ൾ​ക്ക് പ്ര​സ​ക്തി​യു​ണ്ടെ​ന്നും അ​ദ്ദേ​ഹം പ​റ​ഞ്ഞു. പു​സ്ത​ക​ത്തി​ലൂ​ടെ ആ​രെ​യും അ​പ​മാ​നി​ക്കാ​ൻ ശ്ര​മി​ച്ചി​ട്ടി​ല്ലെ​ന്നും എ​ന്നാ​ൽ ചി​ല​കാ​ര്യ​ങ്ങ​ൾ തു​റ​ന്നു​പ​റ​യു​മ്പോ​ൾ ആ​ർ​ക്കെ​ങ്കി​ലും വി​ഷ​മം തോ​ന്നി​യേ​ക്കാ​മെ​ന്നും മ​റു​പ​ടി​പ്ര​സം​ഗ​ത്തി​ൽ ഡോ. ​സി​ബി മാ​ത്യൂ​സ് പ​റ​ഞ്ഞു. പെ​രു​മ്പ​ട​വം ശ്രീ​ധ​ര​ൻ മു​ഖ്യ​പ്ര​ഭാ​ഷ​ണം ന​ട​ത്തി.