സാഹിത്യ അക്കാദമി: മലയാള ഭാഷ പ്രതിനിധിക്കായി തെരഞ്ഞെടുപ്പിന്​ സാധ്യത

ന്യൂഡൽഹി:ഇന്ന്​ നടക്കുന്ന സാഹിത്യ അക്കാദമിയില  മലയാള ഭാഷാ പ്രതിനിധിക്കായി തിരഞ്ഞെടുപ്പ് ഉണ്ടാകാൻ സാധ്യത. പ്രഭാവർമ, ഡോ: എൻ അജിത് കുമാർ എന്നിവർ മത്സരരംഗത്ത് ഉണ്ടാകും.  ബാലചന്ദ്രൻ വടക്കേടത്തും മത്സരിക്കാൻ സാധ്യതയേറെയാണ്​. ഭാഷാ പ്രതിനിധിക്ക് മറ്റു സംസ്ഥാങ്ങളിൽ നിന്ന് ഉള്ളവർക്കും വോട്ടു ചെയ്യാം. 

ജ്​ഞാപീഠ ജേതാവും ഒഡീഷ എഴുത്തുകാരിയുമായ പ്രതിഭ റായിയെ മുൻനിർത്തി അക്കാദമിയിൽ ചുവടുറപ്പിക്കാനാണ്​ സംഘപരിവാർ നീക്കം നടത്തുന്നത്​. ഇതിനെതിരെ ഒരുവിഭാഗം എഴുത്തുകാരുടെ സമവായനീക്കങ്ങളും സജീവമാണ്​. ഇതിനിടെയാണ്​ മലയാളം ഭാഷപ്രതിനിധിക്കായി അക്കാദമിയിൽ തെരഞ്ഞെടുപ്പ്​ നടക്കുന്നത്​.