കോബി ബ്രയാൻറിനൊപ്പം​ തയാറാക്കിക്കൊണ്ടിരുന്ന പുസ്തകരചന അവസാനിപ്പിച്ച്​ പൗലോ കൊയ്​ലോ

കാലിഫോണിയ: അന്തരിച്ച അമേരിക്കൻ ബാസ്​ക്കറ്റ്​ ബോൾ ഇതിഹാസം കോബി ബ്രയാൻറുമായി ചേർന്ന്​ തയാറാക്കിക്കൊണ്ടിര ുന്ന കുട്ടികൾക്കുള്ള പുസ്തകത്തി​​െൻറ രചന അവസാനിപ്പിക്കാൻ ബ്രസീലിയൻ നോവലിസ്റ്റ് പൗലോ കൊയ്​ലോ തീരുമാനിച്ചു . കോബി ബ്രയാൻറി​​െൻറ മരണശേഷം പദ്ധതി തുടരുന്നതിൽ അർത്ഥമില്ലെന്നും അതിനാലാണ്​ പദ്ധതി ഒഴിവാക്കുന്നതെന്നും അദ്ദ േഹം പറഞ്ഞു.

മോശം സമയത്തെ അതിജീവിക്കാൻ നിരാലംബരായ കുട്ടികളെ പ്ര​േചാദിപ്പിക്കുന്നതിനായി ഒരു പുസ്​തകം തയാറാക്കുന്ന പദ്ധതിയെകുറിച്ച്​ ബ്രയാൻറും താനും 2016ൽ ചർച്ച ചെയ്​തിരുന്നു.​ ബ്രയാൻറ്​ അദ്ദേഹത്തി​​െൻറ 20 വർഷത്തെ ബാസ്​ക്കറ്റ്​ ബോൾ ജീവിതത്തിൽ നിന്ന്​​ വിരമിച്ചപ്പോഴായിരുന്നു അത്​. ഏതാനും മാസങ്ങൾക്ക്​ മുമ്പാണ്​ അതി​​െൻറ രചന ആരംഭിച്ചതെന്നും ദി ആൽക്കെമിസ്​റ്റ്​ എന്ന വിഖ്യാത കൃതിയുടെ രചയിതാവ്​ കൂടിയായ പൗലോ കൊയ്​ലോ പറഞ്ഞു.

ബ്രയാൻറ​ും അദ്ദേഹത്തി​​െൻറ 13 വയസുള്ള മകളും ഹെലികോപ്​റ്റർ അപകടത്തിൽ മരിച്ച്​ മണിക്കൂറുകൾക്കകം, തനിക്ക്​ ഇൗ പദ്ധതി തുടരാൻ സാധിക്കില്ലെന്ന്​ പൗലോ കൊയ്​ലോ ട്വീറ്റ്​ ചെയ്​തിരുന്നു.

‘‘പ്രിയപ്പെട്ട കോബി ബ്രയാൻറ്​, താങ്കൾ ഒരു കായിക താരത്തേക്കാൾ മുകളിലായിരുന്നു. താങ്കളുമായി ബന്ധ​പ്പെട്ടതിലൂടെ ഞാൻ ഒരുപാട്​ കാര്യങ്ങൾ പഠിച്ചു. ഈ പുസ്​തകത്തിന്​ അതി​​െൻറ പ്രേരണ നഷ്​ടമായിരിക്കുന്നു. അതിനാൽ കരട്​ രൂപം ഞാൻ ഇപ്പോൾതന്നെ മായ്​ച്ചു കളയും’’ -പൗലോ കൊയ്​ലോ ട്വീറ്റ്​ ചെയ്​തു.

എന്നാൽ പൗലോ കൊയ്​ലോ ആ പുസ്​തകത്തി​​െൻറ രചന അവസാനിപ്പിക്കരുതെന്നും കോബി ബ്രയാൻറിന്​​ സമർപ്പണമായി പുസ്​തകം പ്രസിദ്ധീകരിക്കണമെന്നും ആവശ്യ​പ്പെട്ട്​ നിരവധി പേർ കമൻറിട്ടു. എന്നാൽ ബ്രയാൻറ്​ ഇല്ലാതെ ആ പുസ്​തകം പ്രസിദ്ധീകരിക്കുന്നതിൽ അർഥമില്ലെന്നും പുസ്​തകത്തി​​െൻറ കരട്​ താൻ മായ്​ച്ചുകളഞ്ഞെന്നും അദ്ദേഹം വ്യക്തമാക്കി.