കെ. ആർ മീരക്ക് മുട്ടത്തു വർക്കി സാഹിത്യ അവാർഡ്

കോട്ടയം: 27ാമത് മുട്ടത്തു വർക്കി സാഹിത്യ അവാർഡ് കെ.ആർ. മീരക്ക്. 'ആരാച്ചാർ' എന്ന നോവലിനാണ് അവാർഡ്. 50,000 രൂപയും പ്രഫ.പി.ആർ.സി നായർ രൂപകൽപന ചെയ്ത ശിൽപവും പ്രശംസാപത്രവും ചേർന്നതാണ് മുട്ടത്തു വർക്കി പുരസ്കാരം . മേയ് 28ന് കോട്ടയം ഡി.സി ഓഡിറ്റോറിയത്തിൽ നടക്കുന്ന സാംസ്കാരിക സമ്മേളനത്തിൽ ശ്രീകുമാരൻ തമ്പി അവാർഡ് സമ്മാനിക്കും. മാധ്യമം ആഴ്ചപ്പതിപ്പിൽ പ്രസിദ്ധീകരിച്ച നോവലാണ് 'ആരാച്ചാർ'.