ഇൗ ഖബറുകൾ പറയും; ആ പോരാട്ട കഥകൾ

മലബാർ വിപ്ലവ ചരിത്രത്തിൽ പരാമർശിക്കാത്ത 246 പേർ കൊല്ലപ്പെട്ട മേൽമുറി-അധികാരത്തൊടി കൂട്ടക്കൊലയെക്കുറിച്ച്​ മാധ്യമം ലേഖകൻ നടത്തുന്ന അന്വേഷണം ഇൗ ലക്കം ആഴ്​ചപതിപ്പിൽ

കോഴിക്കോട്​: മലപ്പുറം പട്ടണത്തിൽ നിന്ന്​ ഏതാനും കിലോമീറ്ററുകൾ അകലെയുള്ള മേൽമുറിയിലെയും അധികാരത്തൊടിയിലെയും ആ ഖബറുകൾക്ക്​ പറയാനുള്ളത്​ വലിയൊരു പോരാട്ടത്തി​​െൻറ കഥയാണ്​. ബ്രിട്ടീഷ്​ രാജിനെതിരെ സ്​ത്രീകളും കുട്ടികളുമടങ്ങുന്ന വൻപട നടത്തിയ ധീരോദാത്തമായ പ്രതിരോധത്തി​​െൻറ കഥ. 1921 ഒ​​ക്ടോ​​ബ​​ർ 25 ന്​, ബ്രി​ട്ടീ​​ഷ് സൈ​​നി​​ക വി​​ഭാ​​ഗ​​മാ​​യ ഡോ​​ർ​​സെ​​റ്റ് റെ​​ജി​​മെ​​ൻ​​റ് നടത്തിയ സമാനതകളില്ലാത്ത നരഹത്യയുടെ ബാക്കിപത്രമാണ്​ ഇൗ ഖബറുകൾ.

പീരങ്കിയുൾപ്പെടെ വൻ സന്നാഹങ്ങളുമായി മേഖലയിലെത്തിയ സൈന്യം 246 പേരെയാണ്​ ഏതാനും മണിക്കൂറിനുള്ളിൽ കൊലചെയ്​തത്​. മലബാർ വിപ്ലവത്തി​ലെ സവിശേഷ ഏടുകളിലൊന്നായിട്ടും ചരിത്രകാരന്മാർ അവഗണിച്ച ഇൗ സംഭവത്തി​​െൻറ ഉള്ളറകൾതേടുകയാണ്​ ഇൗ ലക്കം മാധ്യമം ആഴ്​ചപതിപ്പ്​. 350ലേറെ പേർ കൊല്ലപ്പെട്ട പൂ​​ക്കോ​​ട്ടൂ​​ർ യു​​ദ്ധത്തി​​െൻറ കണ്ണീരുണങ്ങും മുമ്പാണ്​ ഏതാനും കിലോമീറ്റർ അകലെ വീണ്ടും ബ്രിട്ടീഷ്​ സൈനിക നരഹത്യ അരങ്ങേറിയത്​.ബ്രിട്ടീഷ്​ ലെ​​ഫ്റ്റ​​ന​​ൻ​​റു​​മാ​​രാ​​യ ഹെ​​വി​​ക്, ഗോ​​ഫ് എ​​ന്നി​​വ​​രു​​ടെ നേ​​തൃ​​ത്വ​​ത്തി​​ൽ നടന്ന ഒാപറേഷനിൽ ആളുകളെ വെടിവെച്ച്​ കൊല്ലുകയും വീ​​ട് കൊ​​ള്ള​​യ​​ടി​​ച്ച ശേ​​ഷം ചുെ​​ട്ട​​രി​​ക്കു​​ക​​യുമായിരുന്നത്രെ.

വീ​​ട്ടു​മു​​റ്റ​​ത്ത് വെ​​ച്ച് വെ​​ടി​​യേ​​റ്റ് മ​​രി​​ച്ച​​വ​​രെ അ​​വി​​ടെ​ത​​ന്നെ മ​​റ​​വ് ചെ​​യ്യു​​ക​​യാ​​യി​​രു​​ന്നു. ഒരു ഖബറിൽ തന്നെ ഒന്നിലധികം പേരെ ഖബറടക്കിയിട്ടുണ്ട്​. അത്തരത്തിലുള്ള ഒമ്പത്​ ഖബറുകളാണ്​ ഇപ്പോഴും പിന്മറുക്കാരാൽ സംരക്ഷിക്കപ്പെട്ടിട്ടുള്ളത്​. ഇവിടെ അടക്കം ചെയ്യപ്പെട്ട 40 ആളുകളുടെ പേരുവിവവങ്ങൾ ശേഖരിക്കാനും ‘മാധ്യമം’ ലേഖകൻ ​െഎ.സമീൽ നടത്തിയ അന്വേഷണത്തിൽ സാധിച്ചു. ചരിത്രകാരന്മാർ അവഗണിച്ച ഇൗ സംഭവത്തി​​െൻറ സാമൂഹികവും രാഷ്​ട്രീയവുമായ കാരണങ്ങൾ കൂടി ഇൗ പഠനത്തിലൂടെ അന്വേഷണ വിധേയമാക്കുന്നു. ആഴ്​ചപതിപ്പ്​ തിങ്കളാഴ്​ച വിപണിയിലെത്തും.