കേരള സർവകലാശാലയുടെ പ്രഥമ ഒ.എൻ.വി സാഹിത്യ പുരസ്കാരം സുഗതകുമാരിക്ക്

16:29 PM
30/10/2018
sugathakumari

തിരുവനന്തപുരം: കേരള സർവകലാശാലയുടെ പ്രഥമ ഒ.എൻ.വി സാഹിത്യ പുരസ്കാരത്തിന്​ കവയ​ത്രി സുഗതകുമാരി അർഹയായി. ഒരു ലക്ഷം രൂപയും പ്രശസ്​തിപത്രവും ഫലകവുമാണ്​ പുരസ്​കാരം. സര്‍വകലാശാല അധ്യാപകരായ ഡോ.ബി.വി ശശികുമാര്‍, ഡോ.എസ്. നസീബ്, ഡോ.ജി പത്മറാവു, ഡോ.സി. ആര്‍ പ്രസാദ് എന്നിവരടങ്ങിയ പുരസ്​കാര സമിതിയാണ് സുഗതകുമാരിയെ പുരസ്‌കാരത്തിനായി തെരഞ്ഞെടുത്തത്​.

സാമൂഹിക, സാഹിത്യരംഗങ്ങളിലെ സുഗതകുമാരിയുടെ ശക്തമായ ഇടപെടലുകളുടെ അംഗീകാരമായാണ് പുരസ്​കാരം നൽകുന്നതെന്ന്​ സർവകലാശാല വാർത്താകുറിപ്പിൽ അറിയിച്ചു. കേരള പിറവി ദിനത്തിൽ പുരസ്‌കാരം സമര്‍പ്പിക്കും. 

കഴിഞ്ഞ വർഷം ഒ.എൻ.വി കൾച്ചറൽ അക്കാദമി ഏർപ്പെടുത്തിയ സമഗ്ര സംഭാവനയ്ക്കുള്ള പ്രഥമ ഒ.എൻ.വി സാഹിത്യ പുരസ്കാരവും (മൂന്നുലക്ഷം രൂപ) സുഗതകുമാരിക്ക് ലഭിച്ചിരുന്നു.

Loading...
COMMENTS