തന്നെ അപമാനിച്ചെന്ന സ്​ത്രീയുടെ​ വെളിപ്പെടുത്തൽ; ക്ഷമാപണവുമായി ചേതൻ ഭഗത്​ 

18:44 PM
06/10/2018
chetan-bhagat

ന്യൂഡൽഹി: സമൂഹമാധ്യമം വഴി അയച്ച സ​ന്ദേശത്തിലൂടെ തന്നെ അപമാനിച്ചെന്ന സ്​ത്രീയുടെ ആരോപണത്തെ തുടർന്ന്​ ക്ഷമാപണവുമായി എഴുത്തുകാരൻ ചേതൻ ഭഗത്​. ത​​​െൻറ ഫേസ്​ബുക്ക്​ അക്കൗണ്ടിലൂടെയാണ്​ ചേതൻ ഭഗത്​ തനിക്കെതിരെ ആരോപണം ഉന്നയിച്ച സ്​ത്രീയോടും ത​​​െൻറ ഭാര്യ അനുഷയോടും ക്ഷമ ചോദിച്ചത്​.

സ്​ക്രീൻഷോട്ട്​ ഉൾപ്പെടെ പുറത്തു വന്ന വെളി​െപ്പടുത്തൽ സത്യമാണെന്നും തനിക്ക് ​തെറ്റു പറ്റിയെന്നും ക്ഷമ ചോദിക്കുന്നുവെന്നുമാണ്​ വിശദമായി എഴുതിയ ഫേസ്​ബുക്ക്​ പോസ്​റ്റിലൂടെ അദ്ദേഹം വ്യക്തമാക്കിയത്​. ​ചേതൻ ഭഗത്​ യ​ുവതിയോട്​ പ്രണയാഭ്യർഥന നടത്തുന്നതായുള്ള സന്ദേശത്തി​​​െൻറ സ്​ക്രീൻഷോട്ടുകളാണ്​ സമൂഹമാധ്യമങ്ങളിൽ പ്രചരിക്കുന്നത്​. 

തങ്ങൾ വളരെ നല്ല സുഹൃത്തുക്കളായിരുന്നു. തനിക്ക്​ വളരെ ആഴത്തിലുള്ള ഒരു ബന്ധം അവരോട്​ തോന്നിയിരുന്നു. നല്ലൊരു മനുഷ്യനായാണ്​ അവരെ കണ്ടത്​. അങ്ങനെ തോന്നിയതും അത്​ അവരുമായി പങ്കു വെച്ചതും തനിക്കു പറ്റിയ മണ്ടത്തരമാണ്​. താൻ ഇതേകുറിച്ച്​ ഭാര്യയുമായി സംസാരിച്ചു. ഇങ്ങനെയൊക്കെ സംഭവിച്ചതിൽ ഭാര്യയോട്​ ക്ഷമ ചോദിച്ചു. എന്നാൽ ആഭാസകരമായ രീതിയിലുള്ള വാക്കുകളോ ചിത്രമോ താൻ പങ്കുവെച്ചിട്ടി​ല്ലെന്നെും ചേതൻ ഭഗത്​ പറഞ്ഞു. 

അത്​ വളരെ പഴയ ഒരു​ സംഭവമാണ്​. കൃത്യമായി ഒാർക്കാൻ സാധിക്കുന്നില്ല. നമുക്ക്​ ചില കാര്യങ്ങൾ ചില സമയത്ത്​ തോന്നും. തനിക്കും അങ്ങനെ സംഭവിച്ചു. മറ്റുള്ളവരിൽ നിന്ന്​ വ്യത്യസ്​തയായി ആ സ്​ത്രീയെ കണ്ടു. അങ്ങനെ കാണാൻ പാടില്ലായിരുന്നു. സ്വകാര്യ സംഭാഷണത്തിൽ അക്കാര്യം പങ്കുവെക്കരുതായിരുന്നുവെന്നും അദ്ദേഹം ഫേസ്​ബുക്കിൽ കുറിച്ചു. 

ആരോപണത്തിൽ പ്രതിപാദിക്കുന്ന സ്​ത്രീയോടും എല്ലാത്തിലുമുപരി ത​​​െൻറ ഭാര്യയോടും താൻ ഒരിക്കൽകൂടി ക്ഷമചോദിക്കുന്നുവെന്നും അവർക്ക്​ തന്നോട്​ ക്ഷമിക്കാൻ സാധിക്കുമെന്നാണ്​ താൻ കരുതുന്നതെന്നും പറഞ്ഞാണ്​ അദ്ദേഹം ​ഫേസ്​ബുക്ക്​ പോസ്​റ്റ്​ അവസാനിപ്പിക്കുന്നത്​.

Loading...
COMMENTS