സച്ചിന്‍റെ ആത്മകഥ 'പ്ലെയിങ് ഇറ്റ് മൈ വേ'ക്കും റെക്കോഡ്

ക്രിക്കറ്റിൽ അനവധി റെക്കോഡുകളുടെ ഉടമയായ സച്ചിന്‍റെ ആത്മകഥക്കും റെക്കോഡ്. സച്ചിന്‍റെ ആത്മകഥയായ 'പ്ലെയിങ് ഇറ്റ് മൈ വേ'യാണ് ലിംകാ ബുക്ക് ഓഫ് റെക്കോഡ്സില്‍ ഇടംപിടിച്ചിരിക്കുന്നത്. ഫിക്ഷൻ, നോൺ ഫിക്ഷൻ വിഭാഗത്തിലും ഈ പുസ്തകം റെക്കോർഡ് നേടിയിട്ടുണ്ട്.

2014നവംബർ ആറിനാണ് സച്ചിന്‍റെ ആത്മകഥ പുറത്തിറക്കിയത്. പുസ്തകത്തിന്‍റെ 1,50, 289 കോപ്പികളാണ് ഇതുവരെ വിറ്റുപോയിരിക്കുന്നത്. 13.51 കോടി രൂപയാണ് പുസ്തക വിൽപ്പനയിൽ നിന്ന് ലഭിച്ചിരിക്കുന്നത്. പുറത്തിറങ്ങിയ ആദ്യ ദിനം തന്നെ റെക്കോർഡ് വിൽപ്പന നടത്തിയ ഡാൻ ബ്രൗൺസിന്‍റെ ഇൻഫെർനോ, ജെ.കെ റൗളിങിന്‍റെ കാഷ്വൽ വേക്കൻസി തുടങ്ങിയ പുസ്തകങ്ങളെ സച്ചിന്‍റെ ആത്മകഥ മറികടന്നു.