അക്കിത്തത്തിന് ഇന്ന് നവതി

പാലക്കാട്: മലയാളത്തിന്‍റെ മഹാകവി അക്കിത്തത്തിന് ഇന്ന് നവതി. 90 വയസു തികയുന്ന നാൾ നാട്ടുകാരും സുഹൃത്തുക്കളും ചേർന്നാണ് ആഘോഷിക്കുന്നത്. രാവിലെ ഒൻപതു മണിക്ക് തന്നെ നവതിയാഘോഷ ചടങ്ങുകൾ തുടങ്ങി. പൂർണകുഭം നൽകി സ്വീകരിക്കുന്ന ചടങ്ങാണ് 9 മണിക്ക് കടവല്ലൂരിൽ നടന്നത്. തുടർന്ന് നടന്ന പൊതുസമ്മേളനം  പി.കെ.ബിജു എം.പി ഉദ്ഘാടനം ചെയ്തു. തുടർന്ന് അക്കിത്തം കവിതകളെക്കുറിച്ചുള്ള സെമിനാറും കവിതാലാപനവുമാണ് നടക്കുക. വൈകീട്ട് നടക്കുന്ന പൊതുസമ്മേളനം എം.ടി. വാസുദേവൻ നായർ ഉദ്ഘാടനം ചെയ്യും.