ഓടക്കുഴല്‍ പുരസ്കാരം റഫീഖ് അഹമ്മദിന്

കൊച്ചി: ഈ വര്‍ഷത്തെ ഓടക്കുഴല്‍ പുരസ്കാരം കവി റഫീഖ് അഹമ്മദിന്. ‘റഫീഖ് അഹമ്മദിന്‍െറ കവിതകള്‍’ സമാഹാരമാണ് പുരസ്കാരത്തിന് അര്‍ഹമായത്. സച്ചിദാനന്ദന്‍, പ്രഫ. കെ.ജി. ശങ്കരപ്പിള്ള, ഡോ. ഇ.വി. രാമകൃഷ്ണന്‍ എന്നിവരടങ്ങിയ അവാര്‍ഡ് നിര്‍ണയ സമിതിയാണ് കൃതി തെരഞ്ഞെടുത്തത്. 15,000 രൂപയും പ്രശസ്തി പത്രവും അടങ്ങുന്ന അവാര്‍ഡ് മഹാകവി ജിയുടെ 37ാം ചരമവാര്‍ഷികമായ ഫെബ്രുവരി രണ്ടിന് എറണാകുളം മാഹാകവി ജി ഓഡിറ്റോറിയത്തില്‍ നടക്കുന്ന ചടങ്ങില്‍ ഡോ. എം. ലീലാവതി റഫീഖ് അഹമ്മദിന് സമ്മാനിക്കും. 2013ല്‍ മലയാളത്തില്‍ പ്രസിദ്ധീകരിച്ച സാഹിത്യകൃതികളാണ് അവാര്‍ഡിന് പരിഗണിച്ചത്.