ടാഗോറിനെപ്പറ്റി നാഷനല്‍ സെമിനാര്‍

തിരുവനന്തപുരം: കേരള ഹിന്ദി സാഹിത്യ അക്കാദമിയുടെ ആഭിമുഖ്യത്തില്‍ ജൂണ്‍ 19ന് തിരുവനന്തപുരത്ത് കേശവദാസപുരത്തുള്ള പെന്‍ഷനേഴ്സ് ഭവനില്‍ ടാഗോറിനെപ്പറ്റി ഏകദിന സെമിനാര്‍ നടക്കും. സെമിനാറില്‍ മഹാരാഷ്ട്ര കാളിദാസ ക്ഷേത്രം, കാണ്‍പൂര്‍, ദല്‍ഹി തുടങ്ങിയ മേഖലകളില്‍നിന്ന് സാഹിത്യ നായകന്മാര്‍ സംബന്ധിക്കും. മന്ത്രി വി.എസ്. ശിവകുമാര്‍, ദേവസ്വംബോര്‍ഡ് പ്രസിഡന്‍റ് എം.പി. ഗോവിന്ദന്‍നായര്‍ എന്നിവര്‍ വിവിധ സമ്മേളനങ്ങള്‍ ഉദ്ഘാടനം ചെയ്യും. ഗവേഷണ വിദ്യാര്‍ഥികള്‍ ടാഗോറിനെപ്പറ്റി പ്രബന്ധം അവതരിപ്പിക്കും. വൈകുന്നേരം നാലിന് ഹിന്ദി കവി സമ്മേളനം ഉണ്ടായിരിക്കും.