കാമറ വായിച്ച മയ്യഴിയും തസ്രാക്കും

MANOJ-PHOTO

മയ്യഴിപ്പുഴയുടെ തീരങ്ങളിൽ, ഖസാഖി​​െൻറ ഇതിഹാസം എന്നീ നോവലുകളെ ആസ്​പദിച്ച്​ വൈക്കം ഡി. മനോജ്​  എന്ന ഫോ​േട്ടാഗ്രാഫർ നടത്തിയ ചിത്രയാത്രയിൽ നിന്ന്​...

‘‘ദൈവങ്ങളും മാലാഖമാരും വെള്ളിയാങ്കല്ലിനെ നോക്കിക്കണ്ടാൽ അതെങ്ങനെയിരിക്കും? ഞാൻ പലപ്പോഴും സ്വയം ചോദിച്ചിട്ടുള്ളതാണത്. ആ ചോദ്യത്തിനുള്ള ഉത്തരം മനോജി​​െൻറ പുസ്​തകത്തിലുണ്ട്. ദൈവത്തി​​െൻറ കണ്ണ് കാമറക്കണ്ണാകുന്ന കാഴ്ചയാണിത്.’’ മയ്യഴിപ്പുഴയുടെ തീരങ്ങളിൽ  നോവലിനെ ആസ്​പദമാക്കി മയ്യഴിയെയും നോവലിലെ കഥാപാത്രങ്ങളെയും പകർത്തിയെടുത്ത വൈക്കം ഡി. മനോജി​​െൻറ  ഫോട്ടോ ആൽബത്തിന് എം. മുകുന്ദൻ നൽകിയ ആമുഖത്തിലെ വരികളാണിത്​. 

മലയാള സാഹിത്യത്തിൽ നോവലിലും ചെറുകഥയിലും ആധുനികതയുടെ ശംഖൊലി മുഴക്കി ചരിത്രത്തിൽ ഇടംനേടിയ പ്രതിഭാധനനായ മുകുന്ദ​​െൻറ മയ്യഴിപ്പുഴയുടെ തീരങ്ങളിൽ നോവൽ അര നൂറ്റാണ്ടിലെത്തുകയാണ്. മയ്യഴിപ്പുഴയുടെ തീരങ്ങൾ പലവട്ടം വായിച്ച മനോജ്​, അതിലെ അത്ഭുതങ്ങൾ ഒളിച്ചിരിക്കുന്ന വെള്ളിയാങ്കല്ലിനെയ​ും തുമ്പികളെയും തേടി ത​​െൻറ കാമറയുമായി പലപ്രാവശ്യം മയ്യഴിയിലെത്തി. മയ്യഴിയുടെ തീരങ്ങളിൽ ഒരവധൂതനെപ്പോലെ അലഞ്ഞുനടന്ന് നോവലിലെ പശ്ചാത്തലപ്രദേശങ്ങളും ചരിത്രാവശിഷടങ്ങളും കണ്ടും കേട്ടും അറിഞ്ഞും പകർത്തി. 

MAYYAZHI.
മുണ്ടു മടക്കിക്കുത്തി, തലയുയർത്തിപ്പടിച്ച്​ അവൻ ബംഗ്ലാവിലേക്ക്​ നടന്നു. ബംഗ്ലാവിന്​ മുമ്പിൽ കാവൽ നിന്നിരുന്ന പൊലീസുകാർ വഴിമാറിക്കൊടുത്തു. ഉദ്യാനത്തിന്​ നടുവിലെ നടപ്പാതയിലൂടെ അവൻ നടന്നു.
 

മൂപ്പൻ സായ്​പ്പി​​െൻറ ബംഗ്ലാവ് ഇപ്പോഴും ഗതകാലസ്​മരണകളുണർത്തി നിൽക്കുന്നു. വെള്ളക്കാരുടെ 200 വർഷത്തെ ഭരണത്തി​െൻറ തിരുശേഷിപ്പ്. എം. മുകുന്ദൻ മയ്യഴിപ്പുഴയുടെ തീരങ്ങൾ അഞ്ചു പതിറ്റാണ്ടുകൾക്കു മുമ്പ്​ എഴുതുമ്പോൾ ഉണ്ടായിരുന്ന കാഴ്ചകൾ ഇന്നില്ല. ഒരു നൂറ്റാണ്ടിനു മു​േമ്പയുള്ള മയ്യഴിയുടെ കഥയാണ് നോവലിൽ. സന്ധ്യക്ക് കുഞ്ചക്കൻ തെളിക്കുന്ന വിളക്കുകൾ, മൂപ്പൻ സായ്​പ്പി​െൻറ ബംഗ്ലാവ്, കുതിരവണ്ടികളുടെ കുളമ്പടി ശബ്​ദം, ചന്ദ്രികയും ദാസനും ഹൃദയങ്ങൾ ചേർത്ത് സ്വപ്നങ്ങൾ നെയ്ത് നടന്നുപോയ വഴികൾ മിത്തലമ്പലവും കന്യാമാതാവി​െൻറ ദേവാലയം, കുന്നിലെ കൊടിമരം, സ്വാതന്ത്ര്യ പ്രതിമ എന്നീ കാഴ്ചാനുഭവങ്ങൾ ധ്യാനാനുഭവങ്ങളാക്കി മാറ്റി കാമറക്കണ്ണുകളിലൂടെ ഒപ്പിയെടുത്തു. മയ്യഴിപ്പുഴയുടെ തീരങ്ങളിൽ നിറഞ്ഞുനിൽക്കുന്ന മിത്തുകളും ബിംബങ്ങളും ചരിത്രസങ്കേതങ്ങളും മയ്യഴിയുടെ പാരമ്പര്യത്തി​​െൻറയും സംസ്​കാരത്തി​​െൻറയും അടയാളങ്ങളും പകർത്തിയെടുത്തു. നോവലിലെ കഥാപാത്രങ്ങൾക്കും പ്രദേശങ്ങൾക്കും നിർവചിക്കാനാവാത്ത സൗന്ദര്യാനുഭൂതിയും അർഥഭംഗിയും കൂടി തരുന്നു ആ ചിത്രങ്ങൾ.

‘‘നമ്മുടെ ഭാഷയിൽ ആരും ഉദ്യമിച്ചിട്ടില്ലാത്ത ഒരു കലാരൂപത്തിന് മനോജ് തുടക്കം കുറിക്കുകയാണ്. എന്നോ പോ യ്മറഞ്ഞ ഒരു നോവലിലെ സ്​ഥലരാശികൾ കണ്ടെത്തി കാമറയിൽ പകർത്തുകയാണ് മനോജ് ചെയ്തിട്ടുള്ളത്. മയ്യഴിപ്പുഴയുടെ തീരങ്ങൾ വായിച്ച് അതിലെ ഭൂമികകൾ തേടി പലരും മയ്യഴിയിലേക്ക് വരാറുണ്ട്. ഇനിയതി​െൻറ ആവശ്യം വരില്ല. മനോജി​െൻറ പുസ്ത​കത്തി​െൻറ ഒരു കോപ്പി വാങ്ങിവെച്ചാൽ മതി എല്ലാം അതിലുണ്ട്’’ -നോവലിനെ അടിസ്​ഥാനമാക്കിയുള്ള വൈക്കം ഡി. മനോജി​െൻറ ഫോട്ടോഗ്രഫി പ്രദർശനം ‘മയ്യഴിയിലൂടെ’എറണാകുളം ലളിതകല അക്കാദമി ആർട്ട് ഗാലറിയിലെ ദർബാർ ഹാളിൽ ഉദ്ഘാടനം ചെയ്​ത്​ എം. മുകുന്ദൻ പറഞ്ഞു. 

Mukundan-M1
എം. മുകുന്ദൻ
 

ഇതാ ഇവിടെ​െവച്ചാണ് വൈസ്രവണൻ ചെട്ടിയാർ സർപ്പമായി വന്ന് കുഞ്ഞുമാണിക്കത്തെ പ്രാപിച്ചത്. ഇതാ, ഇവിടെ ​െവച്ചാണ് വെള്ളക്കുതിരപ്പുറത്തിരുന്ന് വെളുത്തച്ഛൻ വസൂരി ദേവതയുമായി യുദ്ധം ചെയ്തത്.  ഇതാ, ഇവിടെയാണ് കുരുത്തോലയുടുത്ത ഗുളികനാൽ ശിക്ഷിക്കപ്പെട്ട കുഞ്ചക്കെ​​െൻറ പ്രപിതാമഹൻ കാലൊടിഞ്ഞു വീണത്.  ഇവിടെയാണ് മലയൻ ഉത്തമൻ ത​​െൻറ മുടിയേന്തിയ കഴുത്തൊടിഞ്ഞ് പിടഞ്ഞുവീണ് മരിച്ചത്. ഈ വഴിയിലൂടെയാണ് മേരി ബോധം കെട്ട കരടി സായ്​പ്പിനെ താങ്ങിപ്പിടിച്ച് നടന്നുപോയത്. ഈ മാളികയിലിരുന്നാണ് എന്നും പാതിരാവിൽ ഷണ്ഡൻ സായ്​പ്പ്​ ദുഃഖഗാനാലാപനം നടത്തുന്നത്... ചിത്രങ്ങളിലൂടെ സഞ്ചരിക്കു​േമ്പാൾ വായനക്കാര​​െൻറ തോന്നലുകൾ ഇങ്ങനെയാകും.

KHASAK-2
ദുരൂഹമായ സ്​ഥലരാശി, കാലത്തി​​െൻറ ഗംഗാതടം, ദുരൂഹതയുടെ ദുഃഖം, ഉച്ചവെയിലിൽ ആകാശത്തി​​െൻറ തെളിമയിൽ. മരണമില്ലാത്ത ദേവൻമാർ ദാഹം മാറ്റി...കൽപകവൃക്ഷത്തി​​െൻറ കരിക്കിൻ തൊണ്ടുകൾ താഴോട്ടുതിർന്ന്​ വന്നു.
 

രണ്ടായിരത്തോളം ചിത്രങ്ങളിൽനിന്ന് ​െതരഞ്ഞെടുത്ത 100 ഫോട്ടോകൾ ഉൾപ്പെടുത്തിയ മയ്യഴിപ്പുഴയിലൂടെ എന്ന ഫോട്ടോപുസ്​തകത്തി​​െൻറ ആമുഖത്തിൽ മനോജ് ഇങ്ങനെ കുറിച്ചു: ‘‘മയ്യഴിപ്പുഴയുടെ തീരങ്ങളിൽ എന്ന നോവലി​െൻറ കഥാതന്തുക്കളുടെ അടയാളങ്ങൾ തേടൽ മയ്യഴിയിലെ ഫ്രഞ്ച് അധിനിവേശ കാലത്തി​െൻറ അടയാളങ്ങൾ തേടൽകൂടിയാകുന്നു. കാലത്തി​െൻറ മാറ്റത്തെ വെല്ലുവിളിച്ചുകൊണ്ട് വെള്ളിയാങ്കല്ല് എന്ന രണ്ടര ഏക്കറോളം വിസ്​തൃതിയുള്ള പാറക്കെട്ട് നോവലിലെ ഏറ്റവും വലിയ ബിംബമായി കടലിൽത്തന്നെ ആയതിനാൽ ഇപ്പോഴും നിലകൊള്ളുന്നു. തുമ്പികളും കാറ്റും ചേർന്ന് ആത്മാക്കളുടെ വിശ്രമകേന്ദ്രമായി. വെള്ളിയാങ്കല്ലും മൂപ്പൻസായ്​പ്പി​െൻറ ബംഗ്ലാവും കുട്ടിച്ചാത്തനും ഗുളികനും മയ്യഴിമാതാവും വൈസ്രവണൻ ചെട്ടിയാരുമൊക്കെ അ​േന്വഷണ വിഷയങ്ങളായിരുന്നു.’’ വെള്ളിയാങ്കല്ലിൽനിന്ന് തുമ്പികൾ മയ്യഴിയിലേക്ക് പറന്നുവരുന്നതുകാണാൻ, പകർത്താൻ രാവും പകലും കാമറയുമായി മയ്യഴിയുടെ തീരത്ത് പ്രാർഥനയോടെ സന്യാസിയെപ്പോലെ കാത്തിരുന്നു.

MAYYAZHI-04
തറ കെട്ടിത്തീരുകയും ചുമരുകൾ പകുതിയിലധികം ഉയരുകയും​ ചെയ്​തിരുന്നു. ചെത്തിമേയാത്ത ചുമരുകളുടെ തണലിൽ ആടലോടകം തഴച്ചുവളർന്നിരുന്നു, കാട്ടുചെടികളും... ദാസനും ചന്ദ്രികയും തമ്മിൽ കണ്ടുമുട്ടുന്ന സ്​ഥലം..
 

ദൈവത്തി​െൻറ നിയോഗംപോലെ ഒരു തുമ്പി പറന്നുവന്നു. ‘മയ്യഴിയിലൂടെ’ എന്ന ഫോട്ടോഗ്രാഫിക് പുസ്​തകത്തിലെ ഏറ്റവും സുന്ദരമായ പടം. നോവലിസ്​റ്റി​െൻറയും വായനക്കാരുടെയും അഭിനന്ദനങ്ങൾ കിട്ടിയ ആ പടത്തെ കുറിച്ച് എം. മുകുന്ദൻ (നോവലി​െൻറ ദൃശ്യാനുഭൂതികൾ) ‘‘ചന്ദ്രികയും ദാസനും നടന്നുപോയ വഴികൾ ഈ പുസ്​തകത്തിൽ നമുക്ക് കണ്ണുകൊണ്ട് കാണാൻ കഴിയും. അവർ സന്ധിച്ച തകർന്നുവീണ വീടിനെയും നമുക്കിവിടെ കാണാം. എന്നാൽ നമ്മെ വിസ്​മയിപ്പിക്കുന്നത്, വെള്ളിയാങ്കല്ലിൽ നിന്നു പറന്നുവരുന്ന ഒരു തുമ്പിയുടെ ചിത്രമാണ്. ഈ തുമ്പിയെ പകർത്താൻ ദിവസങ്ങളോളം മനോജ് ഒരു താപസ​​െൻറ ക്ഷമയോടെ കാത്തിരുന്നു.’’

KHASAK

മയ്യഴിപ്പുഴയുടെ തീരങ്ങൾ വായിച്ച വായനക്കാര​​െൻറ അനുഭവതലങ്ങളിൽ അനുരണനങ്ങൾ ഉണർത്താൻ കഴിയുന്ന മയ്യഴിയുടെ ദേശചരിത്രവും ഫ്രഞ്ച് അധിനിവേശകാലഘട്ടത്തിലെ ശേഷിപ്പുകളും നോവലിലെ വരികൾ ചിത്രങ്ങളുടെ അടിക്കുറിപ്പുകളും കണ്ട് കഴിയുമ്പോൾ നോവൽ പുനർവായനക്ക്​ േപ്രരണയാകും. സാഹിത്യത്തോടുള്ള മനോജി​​െൻറ അടങ്ങാത്ത അഭിനിവേശം മലയാളത്തിലെ നോവൽ സാഹിത്യത്തിലെ എക്കാലത്തെയും  മികച്ച ഇതിഹാസമായ ഒ.വി. വിജയ​​െൻറ ‘ഖസാക്കി​െൻറ ഇതിഹാസം’ ത​​െൻറ കാമറയിലൂടെ ഒപ്പിയെടുക്കുന്നതിലുമെത്തിച്ചു. ഫോട്ടോപ്രദർശനവും നടത്തി, പുസ്​തകവുമായി. പാലക്കാടൻ ഗ്രാമമായ ഖസാക്ക് എന്ന തസ്രാക്കിലെത്തി തസ്രാക്കിലെ കരിമ്പനകളും ചെതലിയുടെ അസ്​തമയങ്ങളും പുലരികളും ഇടവഴികളും ഓത്തുപള്ളിയും ഏകാധ്യാപക വിദ്യാലയവും ഞാറ്റുപുരയും എല്ലാം കാമറക്കണ്ണുകൾ ഒപ്പിയെടുത്തു. ‘കർമപരമ്പരയിലെ കണ്ണികൾ’ ഫോട്ടോ പ്രദർശനത്തിലൂടെ മനോജ് കേരളത്തിലും മറുനാടുകളിലും ശ്രദ്ധിക്കപ്പെട്ടിരുന്നു. ഫൈൻ ആർട്​സിൽ ഡിപ്ലോമ നേടിയിട്ടുണ്ട്​ വൈക്കം സ്വദേശിയായ ഡി. മനോജ്. 
 

Loading...
COMMENTS