ക്രാ​ഫ്​​റ്റ്​ വ​ർ​ക്കു​ക​ളി​ലൂ​ടെ സ്വ​പ്ന ജീവിതം നെയ്തെടുക്കുകയാണ് സ​ന ഖാ​ദ​ർ

​സാ​നി​സ്റ്റ് (ZANNIST), ദു​ബൈ​യി​ൽ നി​ന്നൊ​രു കോ​ഴി​ക്കോ​ട​ൻ വി​ജ​യ​ഗാ​ഥ. ഇ​തി​ൽ കൂ​ടു​ത​ൽ വി​ശേ​ഷ​ണ​ങ്ങ​ൾ വേ​ണ്ടി​വ​രി​ല്ല ഈ 26​കാ​രി​ക്ക്. കോ​ഴി​ക്കോ​ട് മു​ക്കാ​ളി​ൽ ഖാ​ദ​റി​ന്‍റെ​യും നി​സ​യു​ടെ​യും മ​ക​ൾ സ​ന ഖാ​ദ​ർ ഈ ​ചെ​റി​യ പ്രാ​യ​ത്തി​ൽ മ​ല​യാ​ള​ത്തി​ലെ പെ​ൺ പൊ​ലി​മ​ക​ളി​ൽ തു​ന്നി​ച്ചേ​ർ​ത്ത​ത് ഒ​രാ​യി​രം നി​റ​ങ്ങ​ളു​ടെ ക​ഥ​യാ​ണ്. കു​ഞ്ഞു​നാ​ളി​ൽ ഉ​പ്പ വാ​ങ്ങി​ക്കൊ​ടു​ത്ത വ​ർ​ണ്ണ​ക്ക​ട​ലാ​സു​ക​ളും ക​ള​ർ പെ​ൻ​സി​ലു​ക​ളും കൊ​ണ്ട് കു​ഞ്ഞു സ​ന ത​ന്‍റെ കി​നാ​വു​ക​ളി​ലെ​ങ്ങും മ​ഴ​വി​ല്ലു​ക​ൾ തീ​ർ​ത്തു.

സ​ന​യോ​ടൊ​പ്പം അ​വ​ളു​ടെ കി​നാ​ക്ക​ളും വ​ള​ർ​ന്നു നാ​മ്പി​ട്ടു. ക​ട​ലാ​സി​ൽ നി​റ​ങ്ങ​ൾ ചേ​ർ​ത്തു​ണ്ടാ​ക്കി​യ അ​മ്പ​ര​പ്പി​ക്കു​ന്ന ക്രാ​ഫ്റ്റ് വ​ർ​ക്കു​ക​ൾ സ​ന​യെ കൂ​ട്ടു​കാ​ർ​ക്കി​ട​യി​ൽ വ്യ​ത്യ​സ്ത​യാ​ക്കി. ആ ​ക്രാ​ഫ്​​റ്റ്​ വ​ർ​ക്കു​ക​ൾ ലോ​ക​ത്തി​ന്​ മു​ന്നി​ൽ സ​മ​ർ​പ്പി​ച്ച്​ ഒ​ന്നാ​ന്ത​ര​മൊ​രു സം​രം​ഭ​ക​യും സോ​ഷ്യ​ൽ മീ​ഡി​യ ഇ​ൻ​ഫ്ലു​വ​ൻ​സ​റും എ​ജു​ക്കേ​റ്റ​റു​മെ​ല്ലാ​മാ​യി മാ​റി​യി​രി​ക്കു​ക​യാ​ണ്​ സ​ന ഖാ​ദ​ർ.

കു​ഞ്ഞു​സ​ന​യു​ടെ ലോ​കം വ​ർ​ണ​ക്കാ​ഴ്ച​ക​ളു​ടേ​താ​യി​രു​ന്നെ​ങ്കി​ലും പ​ണ്ടു​മു​ത​ലേ ആ​രൊ​ക്കെ​യോ പ​റ​ഞ്ഞു​പ​തി​ഞ്ഞ എം.​ബി.​ബി.​എ​സ്, എ​ൻ​ജി​നീ​യ​റി​ങ് ബി​രു​ദ​ങ്ങ​ളു​ടെ സ​മ്മ​ർ​ദ്ദ ഉ​ത്തേ​ജ​ന​ങ്ങ​ൾ സ​മൂ​ഹം സ​ന​യി​ലേ​ക്ക് കു​ത്തി​വ​ച്ചു കൊ​ണ്ടേ​യി​രു​ന്നു. ബാ​ഗി​ന്‍റെ ഉ​ള്ള​റ​യി​ൽ നി​റം മ​ങ്ങി​ക്കി​ട​ക്കു​ന്ന മെ​ഴു​കു വ​ർ​ണ​ങ്ങ​ളെ പോ​ലെ സ​ന​യു​ടെ ഹൃ​ദ​യ​ത്തി​ന്‍റെ അ​ക​ത്ത​ള​ങ്ങ​ളി​ൽ നി​റ​യെ വ​ർ​ണ്ണ​ക്ക​ട​ലാ​സു​ക​ൾ അ​ല​സ​മാ​യി പാ​റി​ക്ക​ളി​ച്ചു. പ​ക്ഷേ, അ​വ​യു​ടെ നി​റ​ങ്ങ​ൾ​ക്ക് അ​ല്പം പോ​ലും മ​ങ്ങ​ലേ​റ്റി​രു​ന്നി​ല്ല.

കു​റ്റി​പ്പു​റം എം.​ഇ.​എ​സ് എ​ൻ​ജി​നീ​യ​റി​ങ് കോ​ള​ജി​ൽ നി​ന്നും ഉ​യ​ർ​ന്ന മാ​ർ​ക്കോ​ടെ പ​ഠ​നം പൂ​ർ​ത്തി​യാ​ക്കി​യ സ​ന ഒ​ഴി​വു​വേ​ള​ക​ൾ തീ​ർ​ത്തും ത​ന്നെ ത​ന്‍റെ ഇ​ഷ്ട ഹോ​ബി​ക​ൾ​ക്കാ​യി വി​നി​യോ​ഗി​ച്ചു. വ​ര​യും രൂ​പ​ക​ൽ​പ്പ​ന​യും ത​ന്നി​ൽ സൃ​ഷ്ടി​ക്കു​ന്ന ആ​ന​ന്ദ​ത്തി​ന്‍റെ ആ​ഴം പ​തി​യെ സ​ന തി​രി​ച്ച​റി​ഞ്ഞു. അ​വി​ടെ​യാ​ണ് ത​ന്നെ സ​ന്തോ​ഷി​പ്പി​ക്കു​ന്ന വി​ഭ​വ​ത്തി​ലൂ​ടെ ത​നി​ക്ക് സ​മ്പാ​ദി​ക്കാ​നു​ള്ള വ​ഴി സ​ന അ​ന്വേ​ഷി​ച്ചു തു​ട​ങ്ങു​ന്ന​ത്. ഇ​ൻ​സ്റ്റ​ഗ്രാ​മി​ൽ സാ​നി​സ്റ്റ് പി​റ​വി​യെ​ടു​ക്കു​ന്ന​തും അ​ങ്ങ​നെ​യാ​ണ്. സ​ന​യു​ടെ അം​ഗീ​കാ​ര​ങ്ങ​ൾ സാ​നി​സ്റ്റി​നു ഇ​ൻ​സ്റ്റ​ഗ്രാം വെ​രി​ഫി​ക്കേ​ഷ​ൻ ല​ഭി​ക്കു​ന്ന​തി​നു വി​പ്ല​വ​ക​ര​മാ​യ സ്വാ​ധീ​നം ചെ​ലു​ത്തി. വെ​റും 300 ഫോ​ളോ​വേ​ഴ്സി​ൽ തു​ട​ങ്ങി​യ സാ​നി​സ്റ്റി​ന് ഇ​ന്ന് ആ​ഗോ​ള​ത​ല​ത്തി​ൽ 211k ഫോ​ളോ​വേ​ഴ്സ് ഉ​ണ്ട്.

ഇ​തി​നി​ട​യി​ൽ സ്നെ​യി​ൽ മെ​യി​ൽ എ​ന്ന ആ​ശ​യ​ത്തി​ൽ ക​മ്പം ക​യ​റി​യാ​ണ് സ​ന ലോ​ക​ത്തി​ന്‍റെ ഇ​ത​ര ഭാ​ഗ​ങ്ങ​ളി​ലെ വ്യ​ക്തി​ക​ൾ​ക്ക് ക​ത്ത​യ​ച്ചു തു​ട​ങ്ങു​ന്ന​ത്. ആ​ക​ർ​ഷ​ക​മാ​യ ക്രാ​ഫ്റ്റ്- സ്ക്രാ​പ് ക​ത്തു​ക​ൾ അ​ത് തേ​ടി​യെ​ത്തു​ന്ന​വ​രി​ൽ ഏ​റെ കൗ​തു​കം നി​റ​ച്ചു. അ​വ​ർ സ​മ്മാ​ന​ങ്ങ​ളും ക​ത്തു​ക​ളും കൂ​ടെ ഒ​ത്തി​രി സ്നേ​ഹ​വും സ​ന​ക്ക് തി​രി​ച്ച​യ​ച്ചു. ഫി​ൻ​ല​ൻ​ഡ്, നോ​ർ​വേ, അ​യ​ർ​ല​ൻ​ഡ്, ഹോ​ള​ണ്ട് തു​ട​ങ്ങി 32 രാ​ജ്യ​ങ്ങ​ളി​ലാ​യി അ​റു​പ​തോ​ളം കൂ​ട്ടു​കെ​ട്ടു​ക​ൾ സ​ന മെ​ന​ഞ്ഞെ​ടു​ത്തു. സ​ന​യു​ടെ ക​ത്തെ​ഴു​ത്തി​ലെ ഹ​രം അ​ന്ന് കേ​ര​ള​മൊ​ട്ടാ​കെ ഖ്യാ​ദി കേ​ട്ടി​രു​ന്നു.അ​യ​ക്കു​ന്ന ക​ത്തു​ക​ളും ഹാ​ൻ​ഡ് ക്രാ​ഫ്റ്റ്ക​ളും സാ​നി​സ്റ്റി​ൽ ഭം​ഗി​യാ​യി അ​പ്‌​ലോ​ഡ് ചെ​യ്തു. അ​പ് ലോ​ഡ് ചെ​യ്തു മി​നി​റ്റു​ക​ൾ​ക്കു​ള്ളി​ൽ അ​പ്ര​തീ​ക്ഷി​ത​മാ​യ റീ​ച്ച്​ ല​ഭി​ച്ച​തോ​ടെ സ​ന​യു​ടെ പ്രൊ​ഡ​ക്ട​സി​നെ​ത്തേ​ടി ദി​നം​പ്ര​തി നി​ര​വ​ധി അ​ന്വേ​ഷ​ണ​ങ്ങ​ളാ​ണ് വ​ന്നു​കൊ​ണ്ടി​രു​ന്ന​ത്. മെ​ച്ച​പ്പെ​ട്ട വ​രു​മാ​നം സൃ​ഷ്ടി​ച്ചെ​ടു​ക്കു​ന്ന​തി​ൽ സാ​നി​സ്റ്റ് വ​ള​രെ വ​ലി​യ ഒ​രു പ്ലാ​റ്റ്ഫോം ആ​യി മാ​റി.

ഇ​തി​നി​ടെ വി​വാ​ഹം ക​ഴി​ഞ്ഞു. ത​നി​ക്കൊ​പ്പം ത​ന്‍റെ സ്വ​പ്ന​ങ്ങ​ളെ​ക്കൂ​ടി കൂ​ട്ടു വി​ളി​ച്ച ഭ​ർ​ത്താ​വ് റാ​ഫ​ത്ത് ആ​ദി​ലി​നൊ​പ്പം ദു​ബൈ​യി​ലേ​ക്ക് കു​ടി​യേ​റി. ഏ​റെ നാ​ള​ത്തെ പ്ര​യ​ത്ന​ങ്ങ​ൾ​ക്കും ഗ​വേ​ഷ​ണ​ങ്ങ​ൾ​ക്കും വി​രാ​മ​മി​ട്ട് 2021 ഓ​ഗ​സ്റ്റി​ൽ താ​ൻ നെ​യ്ത സ്വ​പ്ന സാ​ക്ഷാ​ത്കാ​ര​ത്തി​ന്‍റെ അ​ന​ർ​ഘ നി​മി​ഷ​ത്തെ സ​ന പു​ണ​രു​ന്ന​ത്. സ്വ​ന്ത​മാ​യൊ​രു ക്ലോ​ത്തി​ങ് ബി​സി​ന​സ് എ​ന്ന​ത് സ​ന​യു​ടെ വ​ലി​യ അ​ഭി​ലാ​ഷ​മാ​യി​രു​ന്നു. കു​ഞ്ഞി​ലേ കൈ​ക്കൊ​ണ്ട് തു​ന്നി​യെ​ടു​ത്ത കൂ​ട്ടി​ക്കു​പ്പാ​യ​ങ്ങ​ള​ണി​ഞ്ഞ് സ​ന കൂ​ട്ടു​കാ​ർ​ക്കി​ട​യി​ലെ​ത്തും. കൂ​ട്ടു​കാ​രു​ടെ മു​ഖ​ത്ത് വി​രി​യു​ന്ന ആ​ശ്ച​ര്യം സ​ന​യി​ൽ ഏ​റെ ജി​ഞ്ജാ​സ നി​റ​ച്ചു. സ്വ​ന്ത​മാ​യ പ​രീ​ക്ഷ​ണ​ങ്ങ​ളി​ൽ വി​ജ​യം ക​ണ്ടു​തു​ട​ങ്ങി​യ സ​ന അ​വ​യി​ലെ​ല്ലാം ത​ന്‍റെ​താ​യ വ്യ​ക്തി​മു​ദ്ര പ​തി​പ്പി​ക്ക​ണ​മെ​ന്ന് ദൃ​ഢ​നി​ശ്ച​യ​മെ​ടു​ത്തു.

ആ ​തീ​രു​മാ​ന​ത്തി​ന്‍റെ പ്ര​തി​ഫ​ല​ന​മാ​ണ് പി​ന്നീ​ട് നി​സാ​സ് (NISAS- പെ​ണ്ണ്) എ​ന്ന നാ​മ​ത്തി​ലൂ​ടെ ന​മു​ക്കു​മു​ന്നി​ലേ​ക്കെ​ത്തു​ന്ന​ത്. യു.​എ.​ഇ ബേ​സ്ഡ് ഓ​ൺ ലൈ​ൻ സ്റ്റോ​ർ നി​സാ​സി​നു രൂ​പം ന​ൽ​കി​യ സ​ന​ക്ക് ഇ​ന്ന് ലോ​ക​മൊ​ട്ടാ​കെ ധാ​രാ​ളം ഹാ​പ്പി ക​സ്റ്റ​മേ​ഴ്സ് ഉ​ണ്ട്. നി​സാ​സി​ന്‍റെ കേ​ര​ള ഡെ​വ​ല​പ്മെ​ൻ​റ് ഘ​ട്ട​ത്തി​ലൂ​ടെ​യാ​ണ് സ​ന ഇ​പ്പോ​ൾ ക​ട​ന്നു​പോ​കു​ന്ന​ത്. പി​ന്നി​ലേ​ക്ക് തി​രി​ഞ്ഞു നോ​ക്കു​മ്പോ​ൾ സ​ന​യു​ടെ വ​ഴി​ക​ളി​ല​ത്ര​യും ത​ന്‍റെ മാ​താ​പി​താ​ക്ക​ളു​ടെ​യും ഏ​ക സ​ഹോ​ദ​ര​ൻ ഷാ​നി​ന്‍റെ​യും ക​രു​ത്തു​റ്റ താ​ങ്ങു​ണ്ടാ​യി​രു​ന്നു.

അ​വ​രു​ടെ നി​ശ്ച​യ​ദാ​ർ​ഢ്യ​മാ​യി​രു​ന്നു സ​ന​യി​ൽ നി​ന്നും സാ​നി​സ്റ്റി​ലേ​ക്കു​ള​ള വ​ഴി​ദൂ​രം. ടെ​ഡെ​ക്സ് (TedX), ബി​ൽ (BIL), ജോ​ഷ് ടോ​ക്ക് തു​ട​ങ്ങി നി​ര​വ​ധി പ്ര​ശ​സ്ത വേ​ദി​ക​ൾ സ​ന നി​ഷ്പ്ര​യാ​സം കീ​ഴ​ട​ക്കി. മ​ലാ​ല യൂ​സ​ഫ് സാ​യി ഗേ​ൾ​സ് എ​ജു​ക്കേ​ഷ​ൻ ധ​ന​ശേ​ഖ​ര​ണ ക്യാ​മ്പ​യി​നി​ൽ ക​ണ്ണി​യാ​യി അ​വ​രു​ടെ കു​ട്ടി​ക​ൾ​ക്ക് ക്രാ​ഫ്റ്റ് ഡി​സൈ​നി​ങ് പ​ഠി​പ്പി​ച്ചു കൊ​ടു​ക്കാ​ൻ സ​ന ന​ട​ത്തി​യ ശ്ര​മം വ​ള​രെ ശ്ര​ദ്ധേ​യ​മാ​ണ്. കേ​ര​ള​ത്തി​ൽ ത​ന്നെ 1200 ൽ ​അ​ധി​കം കു​ട്ടി​ക​ൾ​ക്ക് ത​ന്‍റെ ക്രാ​ഫ്റ്റ് ആ​ർ​ട്ട് ഐ​ഡി​യ​ക​ൾ സ​ന പ​ക​ർ​ന്നു​പ​കൊ​ടു​ത്തു.

തി​ര​ക്കു​ള്ള ഒ​രു സ്ത്രീ ​സം​രം​ഭ​ക, സോ​ഷ്യ​ൽ​മീ​ഡി​യ ഇ​ൻ​ഫ്ലു​വെ​ൻ​സ​ർ, എ​ജു​ക്കേ​റ്റ​ർ എ​ന്നീ നി​ല​ക​ളി​ൽ സ​ന സ്വ​ന്ത​മാ​യ മേ​ൽ​വി​ലാ​സം സൃ​ഷ്ടി​ച്ചു​ക​ഴി​ഞ്ഞു. ഇ​നി​യും നൂ​ത​ന​മാ​യ ആ​ശ​യ- സ​ങ്ക​ൽ​പ്പ​ങ്ങ​ൾ​ക്കു​മേ​ലു​ള​ള പ​രീ​ക്ഷ​ണ​ങ്ങ​ളു​ടെ പ​ണി​പ്പു​ര​യി​ലാ​ണ് ഈ ​പെ​ണ്ണൊ​രു'​ത്തീ'.