പാലക്കാടി​െൻറ കരുത്തായിവർ...ആകാശമായവളെ...

മനോധൈര്യവും കഠിനാധ്വാനവും ഉൾക്കരുത്തും കൊണ്ട് ജീവിത പ്രതിസന്ധികളെ തകർത്തെറിഞ്ഞ് പുത്തൻ പ്രതീക്ഷയിലേക്ക് വന്ന ഒരുകൂട്ടം വനിതകളെ പരിചയപ്പെടാം...വനിത ദിനത്തിൽ മാത്രമല്ല, എന്നും ഇവർ നാടിന്‍റെ പ്രചോദകരാണ്...

മ​നോ​ധൈ​ര്യം =ഐ​ഫ ഷാ​ഹി​ന

കൂ​റ്റ​നാ​ട്​: ഐ​ഫ ഷാ​ഹി​ന​ക്ക്​ അ​ഭി​ന​ന്ദ​ന പ്ര​വാ​ഹ​മാ​ണ്. സ്വ​ജീ​വ​ന്‍ പോ​ലും വ​ക​വെ​ക്കാ​തെ ആ​പ്പ​ത്തു​ഘ​ട്ട​ത്തി​ല്‍ കാ​ണി​ച്ച മ​നോ​ധൈ​ര്യ​ത്തെ എ​ല്ലാ​വ​രും പ്ര​ശം​സി​ക്കു​ക​യാ​ണ്. കോ​ള​ജി​ല്‍നി​ന്ന്​ അ​വ​ധി​ക്കെ​ത്തി​യ ഐ​ഫ ഉ​റ​ക്ക​ത്തി​നി​ടെ പു​റ​ത്ത് ബ​ഹ​ളം​കേ​ട്ടു. ക​ളി​ച്ചു​കൊ​ണ്ടി​രു​ന്ന പൊ​ന്നോ​മ​ന കി​ണ​റ്റി​ല്‍ വീ​ണ​തി​ന്‍റെ നി​ല​വി​ളി. ഒ​ന്നും ആ​ലോ​ചി​ച്ചി​ല്ല ആ​ഴ​മു​ള്ള കി​ണ​റ്റി​ലേ​ക്ക് എ​ടു​ത്തൊ​രു​ചാ​ട്ടം.

മു​ങ്ങി​താ​ഴ്ന്ന കു​രു​ന്നി​നെ​യും കൈ​യി​ല്‍ പി​ടി​ച്ച് ര​ക്ഷ​ക​രെ​ത്തു​ന്ന​തു​വ​രെ നീ​ന്തി വെ​ള്ള​ത്തി​ന് മു​ക​ളി​ല്‍ പി​ടി​ച്ചു​നി​ന്നു. നാ​ഗ​ല​ശ്ശേ​രി വാ​വ​ന്നൂ​ർ മ​ണി​യാ​റ​ത്ത് വീ​ട്ടി​ൽ മു​ഹ​മ്മ​ദാ​ലി​യു​ടെ മ​ക​ളും കോ​ഴി​ക്കോ​ട് ഫാ​റൂ​ഖ് കോ​ള​ജി​ലെ എം.​ബി.​എ വി​ദ്യാ​ർ​ഥി​നി​യു​മാ​ണ് ഐ​ഷ. സ​ഹോ​ദ​രി ഐ​ഷ ഷാ​ഹി​ന​യു​ടെ ഒ​രു വ​യ​സ്സു​കാ​ര​ൻ മ​ക​ൻ മു​ഹ​മ്മ​ദ് ഹി​സാം ത​ഹാ​നെ​യാ​ണ് ക​ളി​ച്ചു​കൊ​ണ്ടി​രി​ക്കെ അ​ബ​ന്ധ​ത്തി​ല്‍ കി​ണ​റ്റി​ല്‍ വീ​ണ​ത്. തു​ട​ര്‍ന്ന് നാ​ട്ടു​കാ​രാ​യ ഹ​മി​ദും അ​ബ്ബാ​സും ചാ​ലി​ശ്ശേ​രി പൊ​ലീ​സും പ​ട്ടാ​മ്പി ഫ​യ​ർ യൂ​നി​റ്റും ചേ​ർ​ന്ന് ഇ​രു​വ​രെ​യും കി​ണ​റി​ൽ​നി​ന്ന് ര​ക്ഷ​പ്പെ​ടു​ത്തി. സം​ഭ​വ​ത്തി​ല്‍ ഐ​ഫ​യു​ടെ കാ​ലി​ന് ചെ​റി​യൊ​രു മു​റി​പ​റ്റി​യ​തൊ​ഴി​ച്ചാ​ല്‍ മ​റ്റു പ​രി​ക്കു​ക​ളി​ല്ല.

ഇ​ച്ഛാ​ശ​ക്തി​യു​ടെ വ​ള​യം പി​ടി​ച്ച്​ ബ​ര്‍ക്ക​ത്ത് നി​ഷ

കൂ​റ്റ​നാ​ട്: സ്ത്രീ ​സ്വാ​ത​ന്ത്ര്യം അ​ടി​ച്ച​മ​ര്‍ത്ത​പ്പെ​ടു​ന്ന​താ​ണെ​ന്നും അ​തി​നാ​യി പോ​രാ​ട്ടം വേ​ണ​മെ​ന്നും പ​റ​യു​ന്ന​വ​രു​ടെ മു​ന്നി​ല്‍ അ​തെ​ല്ലാം മി​ഥ്യ​യാ​ണെ​ന്ന് തെ​ളി​യി​ക്കു​ക​യാ​ണ് ബ​ര്‍ക്ക​ത്ത് നി​ഷ എ​ന്ന 27കാ​രി. ഇ​ച്ഛാ​ശ​ക്തി​യു​ണ്ട​ങ്കി​ല്‍ ല​ക്ഷ്യം കൈ​വ​രി​ക്കാ​ന്‍ ഒ​ന്നും ത​ട​സ്സ​മി​െ​ല്ല​ന്ന് മ​റ്റു​ള്ള സ​ഹോ​ദ​രി​മാ​ര്‍ക്ക് മാ​തൃ​ക കാ​ണി​ക്കു​ക​യാ​ണ് ഇ​വ​ര്‍. ഉ​ള്‍ക​രു​ത്തോ​ടെ വ​ള​യം പി​ടി​ച്ച് ശേ​ഷി​ക്കു​ന്ന ജീ​വി​തം മു​ന്നോ​ട്ടു​കൊ​ണ്ടു​പോ​കു​ക​യാ​ണി​പ്പോ​ള്‍ ബ​ര്‍ക്ക​ത്ത്. ബാ​ല്യ​കാ​ല​ത്തു​ത​ന്നെ വാ​ഹ​ന​ങ്ങ​ളു​ടെ തോ​ഴി​യാ​യാ​ണ് ജീ​വി​ത​ത്തി​ലെ വ​ലി​യ ല​ക്ഷ്യ​ത്തി​ലേ​ക്ക് നീ​ങ്ങി​ത്തു​ട​ങ്ങി​യ​ത്.

14ാം വ​യ​സ്സി​ല്‍ സ​ഹോ​ദ​ര​ന്‍റെ ബൈ​ക്കു​ക​ളോ​ടി​ച്ചാ​ണ് കൈ​ത​ഴ​ക്കം. പി​ന്നീ​ട​ങ്ങോ​ട്ട് ഓ​ട്ടോ​യും കാ​റും ലോ​റി​യും ബ​സും വ​രെ ബ​ര്‍ക്ക​ത്തി​ന് വ​ഴ​ങ്ങി. ഹെ​വി ലൈ​സ​ന്‍സു​വ​രെ ക​ര​സ്ഥ​മാ​ക്കി. ടാ​ങ്ക​ര്‍ലോ​റി ഓ​ടി​ക്കാ​നു​ള്ള ലൈ​സ​ൻ​സും നേ​ടി. ആ​ദ്യ​മൊ​ക്കെ വീ​ട്ടു​കാ​ര്‍ എ​തി​ര്‍ത്തെ​ങ്കി​ലും പി​ന്നീ​ട് ബ​ര്‍ക്ക​ത്തി​ന്‍റെ മി​ടു​ക്ക് അ​റി​ഞ്ഞ​തോ​ടെ എ​ല്ലാ​വ​ര്‍ക്കും താ​ൽ​പ​ര്യ​മാ​യി. ഇ​പ്പോ​ള്‍ മ​ല​പ്പു​റം ജി​ല്ല​യി​ലെ പെ​ട്രോ​ള്‍ ഏ​ജ​ൻ​സി​യു​ടെ ടാ​ങ്ക​ര്‍ലോ​റി​യി​ല്‍ ഡ്രൈ​വ​റാ​യി പോ​കു​ക​യാ​ണ്. രാ​വി​ലെ ഏ​ഴ​ര മു​ത​ല്‍ ആ​രം​ഭി​ച്ച് വൈ​കീ​ട്ട് ഏ​ഴു​വ​രെ​യാ​ണ് ജോ​ലി. നാ​ഗ​ല​ശ്ശേ​രി പ​ഞ്ചാ​യ​ത്തി​ലെ കി​ളി​മു​ക്ക് സ്വ​ദേ​ശി​നി​യാ​ണ് ബ​ര്‍ക്ക​ത്ത് നി​ഷ. വി​വാ​ഹ​മോ​ചി​ത​യും അ​ഞ്ച് വ​യ​സ്സു​ള്ള കു​ട്ടി​യു​ടെ മാ​താ​വു​മാ​ണ്. സ​ഹോ​ദ​ര​ന്‍ നി​ഷാ​ദ് ഹെ​വി വാ​ഹ​ന​ത്തി​ന്‍റെ ഡ്രൈ​വ​റാ​ണ്. സ​ര്‍ക്കാ​ര്‍ കീ​ഴി​ല്‍ വ​നി​ത ഡ്രൈ​വ​ര്‍ ത​സ്തി​ക സൃ​ഷ്ടി​ച്ചാ​ൽ ​ത​ന്നെ പോ​ലു​ള്ള നി​ര​വ​ധി സ്​​ത്രീ​ക​ൾ​ക്ക്​ അ​ത്​ ഉ​പ​കാ​ര​മാ​കു​മെ​ന്ന്​ ബ​ർ​ക്ക​ത്ത്​ നി​ഷ 'മാ​ധ്യ​മ'​ത്തോ​ട്​ പ​റ​ഞ്ഞു. ഇ​തി​നാ​യി മു​ഖ്യ​മ​ന്ത്രി​ക്ക് നി​വേ​ദ​നം സ​മ​ർ​പ്പി​ച്ചി​ട്ടു​ണ്ട്. നി​വേ​ദ​നം പൊ​തു​മ​രാ​മ​ത്ത്​ വ​കു​പ്പി​ന്​ കൈ​മാ​റി​യ​താ​യി അ​റി​യി​പ്പ്​ ല​ഭി​ച്ചി​ട്ടു​​​ണ്ടെ​ന്നും സ​ർ​ക്കാ​ർ ഉ​റ​പ്പി​ൽ പ്ര​തീ​ക്ഷ​യു​​ണ്ടെ​ന്നും​ അ​വ​ർ പ​റ​ഞ്ഞു.

ജ​സീ​ന്ത​യു​ടെ ക​ത്തി​ൽ ആ​യി​ഷ​യു​ടെ കു​തി​പ്പ്

പ​ട്ടാ​മ്പി: I am a normal house wife... വേ​റി​ട്ട പ്ര​വ​ർ​ത്ത​ന​ങ്ങ​ളി​ലൂ​ടെ ശ്ര​ദ്ധേ​യ​യാ​യ ന്യൂ​സി​ല​ൻ​ഡ് പ്ര​ധാ​ന​മ​ന്ത്രി ജ​സീ​ന്ത ആ​ർ​ഡേ​ന് പ​ട്ടാ​മ്പി​ക്കാ​രി​യാ​യ ആ​യി​ഷ ഷെ​മീ​ർ എ​ഴു​തി​യ ക​ത്തി​ലെ ആ​ദ്യ വ​രി ഇ​ങ്ങ​നെ​യാ​യി​രു​ന്നു. ''സാ​ധാ​ര​ണ സ്ത്രീ ​എ​ന്നൊ​ന്നു​ണ്ടെ​ന്ന് ഞാ​ൻ ക​രു​തു​ന്നി​ല്ല, ഓ​രോ സ്ത്രീ​യും പ്ര​ത്യേ​ക​ത​യു​ള്ള​വ​ളാ​ണ്''- തി​ക​ച്ചും അ​പ്ര​തീ​ക്ഷി​ത​മാ​യി ന്യൂ​സി​ല​ൻ​ഡി​ൽ​നി​ന്ന് കി​ട്ടി​യ മ​റു​പ​ടി​യി​ലൂ​ടെ വ​ള​ർ​ന്ന​ത് ഭ​ര​ണാ​ധി​കാ​രി​യും സാ​ധാ​ര​ണ​ക്കാ​രി​യും ത​മ്മി​ലു​ള്ള സൗ​ഹൃ​ദം മാ​ത്ര​മാ​യി​രു​ന്നി​ല്ല. കൊ​ട​ലൂ​രി​ലെ കൊ​ട്ടാ​രം വീ​ടി​ന്‍റെ ചു​മ​രു​ക​ൾ​ക്കു​ള്ളി​ൽ​നി​ന്ന് സ്വ​ത​ന്ത്ര​യാ​യി നാ​ടി​ന്‍റെ മ​ന​സ്സു കീ​ഴ​ട​ക്കാ​ൻ കൂ​ടി​യാ​യി​രു​ന്നു.

ചെ​റു​പ്രാ​യ​ത്തി​ൽ വീ​ട്ട​മ്മ​യും കു​ടും​ബി​നി​യു​മാ​യ പെ​ൺ​കു​ട്ടി ജീ​വി​തം​കൊ​ണ്ട് സ​മൂ​ഹ​ത്തി​ന് ന​ൽ​കി​യ സ​ന്ദേ​ശം കൊ​ട​ലൂ​ർ എ​ന്ന ഗ്രാ​മ​ത്തെ ലോ​ക​ത്തോ​ളം വ​ള​ർ​ത്തി. സ്കൂ​ൾ വി​ദ്യാ​ഭ്യാ​സ കാ​ല​ത്തു​ത​ന്നെ വി​വാ​ഹി​ത​യാ​യ ആ​യി​ഷ, മൂ​ന്നു മ​ക്ക​ളു​ടെ മാ​താ​വാ​ണ്. പ​ഠ​ന​ത്തോ​ടു​ള്ള അ​ത്യ​ഗാ​ധ​മാ​യ താ​ൽ​പ​പ​ര്യ​ത്തി​ന് ഭ​ർ​ത്താ​വ് ഷ​മീ​ർ ന​ൽ​കി​യ ഉ​റ​ച്ച പി​ന്തു​ണ​യി​ൽ ആ​യി​ഷ ഇം​ഗ്ലീ​ഷ് സാ​ഹി​ത്യ ബി​രു​ദാ​ന​ന്ത​ര ബി​രു​ദ വി​ദ്യാ​ർ​ഥി​നി​യാ​ണി​ന്ന്. സ്വ​കാ​ര്യ പ​ഠ​ന​ത്തി​ലൂ​ടെ ബി​രു​ദം നേ​ടി, ഭാ​ര​തീ​യാ​ർ യൂ​നി​വേ​ഴ്സി​റ്റി​യു​ടെ എം.​എ വി​ദൂ​ര പ​ഠ​ന​ത്തി​ലാ​ണ്. ന്യൂ​സി​ല​ൻ​ഡ് പ്ര​ധാ​ന​മ​ന്ത്രി​യു​ടെ സ്ത്രീ​ശാ​ക്തീ​ക​ര​ണ പ്ര​വ​ർ​ത്ത​ന​ത്തി​ൽ മ​തി​പ്പു രേ​ഖ​പ്പെ​ടു​ത്തി അ​യ​ച്ച ക​ത്താ​ണ് ആ​യി​ഷ​യു​ടെ ജീ​വി​ത​ത്തി​ലെ വ​ഴി​ത്തി​രി​വ്. ക​ത്തു​ക​ളി​ൽ​നി​ന്ന് ത​നി​ക്ക് ല​ഭി​ച്ച​ത് സാ​മൂ​ഹി​ക പ്ര​വ​ർ​ത്ത​ന​ത്തി​ന്‍റെ ഊ​ർ​ജ​മാ​ണെ​ന്ന് തി​രി​ച്ച​റി​ഞ്ഞ ആ​യി​ഷ, വാ​യി​ച്ചും വാ​യി​പ്പി​ച്ചും ജ​ന​മ​ന​സ്സി​ൽ സ്ഥാ​ന​മു​റ​പ്പി​ക്കു​ക​യാ​ണ്. വാ​യി​ച്ചു വ​ള​രാ​നും തി​രി​ച്ച​റി​വും തീ​രു​മാ​ന​ങ്ങ​ളെ​ടു​ക്കാ​നു​ള്ള പ്രാ​പ്തി കൈ​വ​രി​ക്കാ​നും ന​ല്ല പു​സ്ത​ക​ങ്ങ​ൾ വാ​യി​ച്ചേ തീ​രൂ എ​ന്ന ബോ​ധ്യ​ത്തി​ൽ വീ​ട് വാ​യ​ന​ശാ​ല​യാ​യി മാ​റ്റി​യി​രി​ക്കു​ക​യാ​ണ് ഇ​വ​ർ.

വീ​ടി​ന്‍റെ മ​ട്ടു​പ്പാ​വി​ൽ സ​ജ്ജീ​ക​രി​ച്ച ഗ്ര​ന്ഥാ​ല​യ​ത്തി​ൽ അ​യ്യാ​യി​ര​ത്തോ​ളം പു​സ്ത​ക​ങ്ങ​ളു​ണ്ട്. സ്ത്രീ​ക​ളും കു​ട്ടി​ക​ളു​മാ​യി നൂ​റി​ലേ​റെ​പ്പേ​ർ സ്ഥി​ര​മാ​യി പു​സ്ത​ക​ങ്ങ​ളെ​ടു​ക്കാ​ൻ എ​ത്തു​ന്നു. മ​ക്ക​ൾ​ക്കാ​ണ് പു​സ്ത​ക വി​ത​ര​ണ​ച്ചു​മ​ത​ല. കു​ട്ടി​ക​ൾ​ക്കാ​യി ആ​ഴ്ച​തോ​റും മ​ത്സ​ര​ങ്ങ​ൾ ന​ട​ത്തി വാ​യ​ന പ്രോ​ത്സാ​ഹ​ന​വും ന​ൽ​കു​ന്നു.

ഒ​റ്റ​പ്പാ​ലം പ​ഴ​യ ല​ക്കി​ടി പ​രേ​ത​നാ​യ റ​ഫീ​ഖി​ന്‍റെ​യും റു​ഖി​യ​യു​ടെ​യും മ​ക​ളാ​ണ് ആ​യി​ഷ. എ​ഴു​ത്തി​ലും ചി​ത്ര​ര​ച​ന​യി​ലും പ​ഠ​ന​കാ​ല​ത്ത് താ​ൽ​പ​ര്യ​മു​ണ്ടാ​യി​രു​ന്നു. വ​ല്യു​പ്പ​ക്ക് പ​തി​വാ​യി പ​ത്രം വാ​യി​ച്ചു കൊ​ടു​ത്തി​രു​ന്ന​തി​ലൂ​ടെ സ​മ​കാ​ലി​ക സം​ഭ​വ​ങ്ങ​ളെ​ക്കു​റി​ച്ചു​ള്ള അ​റി​വും താ​ൽ​പ​ര്യ​വും ആ​യി​ഷ​യി​ലു​ണ്ടാ​യി. പ്ര​സം​ഗ മ​ത്സ​ര​ത്തി​ൽ പ​ങ്കെ​ടു​ത്ത് സ​മ്മാ​ന​ങ്ങ​ൾ നേ​ടാ​നും ഇ​തി​ലൂ​ടെ ക​ഴി​ഞ്ഞു. ന്യൂ​സി​ല​ൻ​ഡ് പ്ര​ധാ​ന​മ​ന്ത്രി​യു​ടെ പ്ര​സം​ഗ​ത്തി​ൽ ആ​കൃ​ഷ്ട​യാ​യ​തും ക​ത്തെ​ഴു​തി​യ​തു​മൊ​ക്കെ ആ​ക​സ്മി​ക സം​ഭ​വ​ങ്ങ​ളാ​യി​രു​ന്നു​വെ​ന്ന് ആ​യി​ഷ പ​റ​യു​ന്നു. പ്ര​വ​ർ​ത്ത​ന​ങ്ങ​ൾ​ക്ക് അം​ഗീ​കാ​ര​മാ​യി രാ​ജ​സ്ഥാ​നി​ൽ​നി​ന്ന് ല​ഭി​ച്ച അ​വാ​ർ​ഡി​ന്‍റെ സ​ന്തോ​ഷ​ത്തി​ലാ​ണ് ആ​യി​ഷ.

ജ​യ്​​പൂ​ർ ആ​സ്ഥാ​ന​മാ​യു​ള്ള സ​ന്ന​ദ്ധ സം​ഘ​ട​ന​യാ​യ വി​മ​ൻ സ​ബ്സ്റ്റ​ൻ​സ് നെ​റ്റ്​​വ​ർ​ക്ക് സോ​ഷ്യ​ൽ സ​ർ​വി​സ് ആ​ൻ​ഡ്​ ആ​ക്ടി​വി​സ്റ്റ്​ എ​ന്ന അ​വാ​ർ​ഡി​നാ​ണ് ആ​യി​ഷ​യെ തി​ര​ഞ്ഞെ​ടു​ത്ത​ത്.

തെ​ങ്ങി​ൻ നെ​റു​ക​യി​ൽ വ​ള​കി​ലു​ക്കി കോ​മ​ള​വ​ല്ലി

ശ്രീ​കൃ​ഷ്ണ​പു​രം: തി​രു​വാ​ഴി​യോ​ടും പ​രി​സ​ര​ങ്ങ​ളി​ലും തെ​ങ്ങി​ൻ മു​ക​ളി​ൽ നി​ന്ന്​ വ​ള​കി​ലു​ക്കം കേ​ട്ടാ​ൽ ആ​രും പ​രി​ഭ്ര​മി​ക്കേ​ണ്ട​തി​ല്ല. അ​ത് കോ​മ​ള​വ​ല്ലി​യാ​ണ്. ജി​ല്ല​യി​ലെ മി​ക​ച്ച തെ​ങ്ങു​ക​യ​റ്റ​ക്കാ​രി​ക്കു​ള്ള പു​ര​സ്‌​കാ​ര ജേ​താ​വാ​ണ് തി​രു​വാ​ഴി​യോ​ട് പ​ള്ളി​യ​പ്പ​ൻ തൊ​ടി കോ​മ​ള​വ​ല്ലി​യെ​ന്ന ഉ​രു​ക്കു വ​നി​ത.

യ​ന്ത്ര സ​ഹാ​യ​ത്തോ​ടെ ഏ​തു വ​ലി​യ തെ​ങ്ങും നി​ഷ്പ്ര​യാ​സം ക​യ​റി തേ​ങ്ങ​യി​ടാ​ൻ കോ​മ​ള​വ​ല്ലി​ക്ക് സാ​ധി​ക്കും. പ​രി​ശീ​ല​നം നേ​ടി​യ ശേ​ഷം ആ​ദ്യം ക​യ​റി​യ​ത് കു​ള​ക്കാ​ട് മാ​രി​യ​മ്മ​ൻ ക്ഷേ​ത്ര​ത്തി​ന​ടു​ത്തു​ള്ള തെ​ങ്ങി​ലാ​ണ്. ക​ഴി​വ് തെ​ളി​യി​ച്ച പു​രു​ഷ​ന്മാ​ർ പോ​ലും ക​യ​റാ​ൻ മ​ടി​ക്കു​ന്ന തെ​ങ്ങാ​ണ് കോ​മ​ള​വ​ല്ലി ത​ന്റെ ജീ​വി​ത​ത്തി​ൽ ആ​ദ്യ​മാ​യി ക​യ​റാ​ൻ തി​ര​ഞ്ഞെ​ടു​ത്ത​ത്. വ​ള​വു​ള്ള തെ​ങ്ങ്, തൊ​ട്ട​ടു​ത്ത ട്രാ​ൻ​സ്ഫോ​മ​ർ, മു​ണ്ടൂ​ർ ചെ​ർ​പ്പു​ള​ശ്ശേ​രി സം​സ്ഥാ​ന പാ​ത​യോ​രം. അ​ൽ​പ്പം സാ​ഹ​സ​മാ​യ​തു​കൊ​ണ്ടു​ത​ന്നെ വെ​ള്ളി​നേ​ഴി ഗ്രാ​മ​പ​ഞ്ചാ​യ​ത്തി​ലെ ആ​ദ്യ വ​നി​ത തെ​ങ്ങു​ക​യ​റ്റ​ക്കാ​രി​യു​ടെ പ്ര​ക​ട​നം കാ​ണാ​ൻ കാ​ഴ്ച​ക്കാ​ർ ഏ​റെ​യു​ണ്ടാ​യി​രു​ന്നു. എ​ന്നാ​ൽ ഏ​വ​രെ​യും അ​മ്പ​ര​പ്പി​ച്ചാ​ണ് കോ​മ​ള​വ​ല്ലി തെ​ങ്ങ് ക​യ​റി​യ​തും തേ​ങ്ങ​യി​ട്ട​തും.

വ​നി​ത​ക​ൾ​ക്ക് തെ​ങ്ങു​ക​യ​റ്റ​ത്തി​ൽ പ​രി​ശീ​ല​നം ന​ൽ​കാ​നും കോ​മ​ള​വ​ല്ലി എ​ത്താ​റു​ണ്ട്. മു​ന്നൂ​ർ​ക്കോ​ട്, ത​നി​ക്കു​ന്ന് എ​ന്നി​വി​ട​ങ്ങ​ളി​ൽ ഓ​രോ തെ​ങ്ങു​ക​യ​റ്റ സം​ഘ​ത്തെ​യും പ​രി​ശീ​ലി​പ്പി​ച്ചെ​ടു​ത്തു. ശ്രീ​കൃ​ഷ്ണ​പു​രം ബ്ലോ​ക്ക്‌ പ​ഞ്ചാ​യ​ത്ത്‌ മ​ഹി​ള കി​സാ​ൻ ശാ​ക്തീ​ക​ര​ൺ പ​രി​യോ​ജ​ന പ​ദ്ധ​തി​യി​ലൂ​ടെ​യാ​ണ് കോ​മ​ള​വ​ല്ലി തെ​ങ്ങു​ക​യ​റ്റ​ത്തി​ൽ പ​രി​ശീ​ല​നം നേ​ടി​യ​ത്. മ​ഹി​ളാ കി​സാ​ൻ സം​സ്ഥാ​ന സം​ഗ​മ​ത്തി​ലാ​ണ് മി​ക​ച്ച തെ​ങ്ങു​ക​യ​റ്റ തെ​ഴി​ലാ​ളി​യാ​യി കോ​മ​ള​വ​ല്ലി​യെ ​തി​ര​ഞ്ഞെ​ടു​ത്ത​ത്. ന​ടീ​ൽ യ​ന്ത്ര​ത്തി​ലൂ​ടെ​യാ​യി​രു​ന്നു യ​ന്ത്ര​വ​ൽ​കൃ​ത തൊ​ഴി​ൽ മേ​ഖ​ല​യി​ലേ​ക്കു​ള്ള കോ​മ​ള​വ​ല്ലി​യു​ടെ ആ​ദ്യ ചു​വ​ട് വെ​പ്പ്. കൊ​യ്ത്ത് യ​ന്ത്ര​വും ഇ​വ​ർ കൈ​കാ​ര്യം ചെ​യ്യും. ക​ഴി​ഞ്ഞ നാ​ലു വ​ർ​ഷ​മാ​യി നാ​ളി​കേ​ര ക​ർ​ഷ​ക​രു​ടെ വി​ളി​ക്ക​പ്പു​റ​ത്തു​ണ്ടി​വ​ർ. ഒ​രു ദി​വ​സം 40 തെ​ങ്ങ് വ​രെ ക​യ​റു​ന്നു​ണ്ടെ​ന്ന് ഇ​വ​ർ പ​റ​യു​ന്നു.

ബോ​ക്സി​ങ്ങി​ൽ ക​രു​ത്തു​കാ​ട്ടി കീ​ർ​ത്ത​ന

ക​ല്ല​ടി​ക്കോ​ട്: സ​ർ​വ​ക​ലാ​ശാ​ല ദേ​ശീ​യ​ത​ല ബോ​ക്സി​ങ് ചാ​മ്പ്യ​ൻ​ഷി​പ്പി​ന് അ​ർ​ഹ​ത നേ​ടി​യ ക​ല്ല​ടി​ക്കോ​ട് മ​ണി​ക​ണ്ഠ​ൻ-​സ​ന്ധ്യ ദ​മ്പ​തി​ക​ളു​ടെ മ​ക​ൾ കീ​ർ​ത്ത​ന എം. ​നാ​യ​ർ വ​നി​ത ദി​ന​ത്തി​ൽ നാ​ടി​ന്‍റെ അ​ഭി​മാ​ന​മാ​വു​ന്നു. മ​ണ്ണാ​ർ​ക്കാ​ട് എം.​ഇ.​എ​സ് ക​ല്ല​ടി കോ​ള​ജി​ൽ ക​ഴി​ഞ്ഞ ദി​വ​സം ന​ട​ന്ന ഇ​ന്‍റ​ർ കൊ​ളീ​ജി​യ​റ്റ് മ​ത്സ​ര​ത്തി​ലാ​ണ് ദേ​ശീ​യ​ത​ല ചാ​മ്പ്യ​ൻ​ഷി​പ്പി​ൽ പ​ങ്കെ​ടു​ക്കാ​ൻ യോ​ഗ്യ​ത നേ​ടി​യ​ത്. പാ​ല​ക്കാ​ട് മേ​ഴ്സി കോ​ള​ജി​ലെ ബി.​എ​സ്​​സി ബ​യോ​ടെ​ക്​​നോ​ള​ജി അ​വ​സാ​ന​വ​ർ​ഷ വി​ദ്യാ​ർ​ഥി​നി​യാ​യ കീ​ർ​ത്ത​ന ഒ​റ്റ​പ്പാ​ല​ത്ത് ന​ട​ന്ന ജി​ല്ല ഒ​ളി​ബി​ക് ഗെ​യിം​സ് ബോ​ക്സി​ങ് മ​ത്സ​ര​ത്തി​ൽ 68 കി​ലോ​ഗ്രാം വ​നി​ത​ക​ളു​ടെ മ​ത്സ​ര​ത്തി​ൽ ജേ​താ​വാ​യി​രു​ന്നു.

ന​ർ​ത്ത​കി കൂ​ടി​യാ​യ ഈ ​മി​ടു​ക്കി​യു​ടെ ചെ​റു​പ്പം തൊ​ട്ടേ​യു​ള്ള ക​ലാ​കാ​യി​ക രം​ഗ​ത്തോ​ടു​ള്ള അ​ഭി​നി​വേ​ശ​മാ​ണ് ബോ​ക്സി​ങ്ങി​ലും നൃ​ത്ത​ത്തി​ലും ഒ​രു​പോ​ലെ മി​ക​വ് പ്ര​ക​ടി​പ്പി​ക്കാ​ൻ പ്ര​ചോ​ദ​ന​മാ​യ​ത്. മാ​ർ​ച്ച് അ​വ​സാ​ന വാ​ര​ത്തി​ൽ ഹ​രി​യാ​ന​യി​ലെ കു​രു​ക്ഷേ​ത്ര​യി​ൽ ന​ട​ക്കു​ന്ന ദേ​ശീ​യ അ​ന്ത​ർ സ​ർ​വ​ക​ലാ​ശാ​ല ചാ​മ്പ്യ​ൻ​ഷി​പ്പി​ൽ മാ​റ്റു​ര​ക്കാ​നു​ള്ള പ​രി​ശീ​ല​ന​ത്തി​ലാ​ണ് ഇ​വ​ർ. രാ​മ​ൻ​കു​ട്ടി, മു​കു​ന്ദ​ൻ എ​ന്നി​വ​രു​ടെ ശി​ക്ഷ​ണ​ത്തി​ലാ​ണ് പ​രി​ശീ​ല​നം. ക​രി​മ്പ ജി.​എ​ച്ച്.​എ​സ്.​എ​സ് പ്ല​സ് ടു ​വി​ദ്യാ​ർ​ഥി മാ​ന​സ അ​നു​ജ​ത്തി​യാ​ണ്. മാ​താ​പി​താ​ക്ക​ളു​ടെ​യും സ​ഹോ​ദ​രി​യു​ടെ​യും പ്രോ​ത്സാ​ഹ​ന​വും കീ​ർ​ത്ത​ന​യു​ടെ വി​ജ​യ​വ​ഴി​യി​ൽ പ്ര​ചോ​ദ​നം പ​ക​രു​ന്നു.

വ​നി​ത​ക​ള്‍ക്കാ​യി ഗ്രാ​മ​യാ​ത്ര​യും വി​നോ​ദ​യാ​ത്ര​യും ഒ​രു​ക്കി ആ​ന​വ​ണ്ടി

പാ​ല​ക്കാ​ട്: ലോ​ക​വ​നി​ത ദി​ന​ത്തോ​ട​നു​ബ​ന്ധി​ച്ച് സ്ത്രീ​ശാ​ക്തീ​ക​ര​ണ സ​ന്ദേ​ശ പ്ര​ചാ​ര​ണാ​ർ​ഥം വ​നി​ത​ക​ള്‍ക്കാ​യി ഗ്രാ​മ​യാ​ത്ര​യും വി​നോ​ദ​യാ​ത്ര​യും ഒ​രു​ക്കി ആ​ന​വ​ണ്ടി. മാ​ര്‍ച്ച് എ​ട്ടു​മു​ത​ല്‍ 13 വ​രെ വ​നി​ത​ക​ള്‍ക്ക് മാ​ത്ര​മാ​യാ​ണ് കെ.​എ​സ്.​ആ​ര്‍.​ടി.​സി പ്ര​ത്യേ​ക ഉ​ല്ലാ​സ​യാ​ത്ര​ക​ള്‍ ഒ​രു​ക്കു​ന്ന​ത്. മാ​ര്‍ച്ച് എ​ട്ടി​ന് എ​റ​ണാ​കു​ളം വ​ണ്ട​ര്‍ലാ​യി​ലേ​ക്കാ​ണ് ആ​ദ്യ ഏ​ക​ദി​ന ഉ​ല്ലാ​സ​യാ​ത്ര. രാ​വി​ലെ 6.30ന് ​പാ​ല​ക്കാ​ട് കെ.​എ​സ്.​ആ​ര്‍.​ടി.​സി സ്റ്റാ​ന്‍ഡി​ല്‍നി​ന്ന് യാ​ത്ര തി​രി​ക്കും. കൊ​ച്ചി​മെ​ട്രോ, ലു​ലു​മാ​ള്‍ എ​ന്നി​വ സ​ന്ദ​ര്‍ശി​ച്ച് രാ​ത്രി 9.30ന് ​പാ​ല​ക്കാ​ട് കെ.​എ​സ്.​ആ​ര്‍.​ടി.​സി സ്റ്റാ​ന്‍ഡി​ല്‍ എ​ത്തു​ന്ന രീ​തി​യി​ലാ​ണ് ക്ര​മീ​ക​ര​ണം. 1285 രൂ​പ​യാ​ണ് ചെ​ല​വ്. നെ​ല്ലി​യാ​മ്പ​തി​യി​ലേ​ക്ക് ഒ​മ്പ​താം തീ​യ​തി മു​ത​ല്‍ യാ​ത്ര തു​ട​ങ്ങും. 35 വ​നി​ത​ക​ള്‍ ഉ​ള്‍പ്പെ​ടു​ന്ന യാ​ത്രി​ക​ര്‍ക്കാ​ണ് അ​വ​സ​രം. ര​ണ്ട് ബ​സു​ക​ള്‍ ഇ​തി​നാ​യി ത​യാ​റാ​ക്കി​യി​ട്ടു​ണ്ട്. പാ​ല​ക്കാ​ടി​ന്റെ ഗ്രാ​മീ​ണ​ഭം​ഗി അ​ടു​ത്ത​റി​യാ​നാ​യി ഗ്രാ​മ​യാ​ത്ര എ​ന്ന പേ​രി​ല്‍ 12ന് ​ക​ല്‍പാ​ത്തി​യു​ടെ ഉ​ള്‍വ​ഴി​ക​ളി​ലൂ​ടെ കെ.​എ​സ്.​ആ​ര്‍.​ടി.​സി യാ​ത്ര ഒ​രു​ക്കി​യി​ട്ടു​ണ്ട്. ശേ​ഷം രാ​മ​ശ്ശേ​രി വ​ഴി രാ​മ​ശ്ശേ​രി ഇ​ഡ്ഡ​ലി ക​ഴി​ച്ച് രാ​മ​ശ്ശേ​രി​യി​ലെ വി​വി​ധ ഭാ​ഗ​ങ്ങ​ള്‍ സ​ന്ദ​ര്‍ശി​ക്കും. തു​ട​ർ​ന്ന് ചു​ള്ളി​യാ​ര്‍ ഡാം, ​മു​ത​ല​മ​ട എ​ന്നി​വി​ട​ങ്ങ​ള്‍ സ​ന്ദ​ര്‍ശി​ച്ച് രാ​ത്രി ഒ​മ്പ​ത് മ​ണി​യോ​ടെ മ​ട​ങ്ങും. ഇ​തോ​ട​നു​ബ​ന്ധി​ച്ച് വ​നി​ത യാ​ത്രി​ക​രെ കെ.​എ​സ്.​ആ​ര്‍.​ടി.​സി ആ​ദ​രി​ക്കു​മെ​ന്ന് ജി​ല്ല ട്രാ​ന്‍സ്പോ​ര്‍ട്ട് ഓ​ഫി​സ​ര്‍ അ​റി​യി​ച്ചു. ഫോ​ണ്‍: 9746203571, 8714062425.

നാ​ടി​​ന്​ തു​ണ​യാ​യി ആ​ശ പ്ര​വ​ർ​ത്ത​ക മൈ​മൂ​ന

അ​ല​ന​ല്ലൂ​ർ: ത​ട​സ്സ​ങ്ങ​ൾ​ക്കു​മു​ന്നി​ൽ മ​റ്റു​ള്ള​വ​ർ മാ​റി നി​ൽ​ക്കു​ന്നി​ട​ത്ത് മു​ന്നി​ട്ടി​റ​ങ്ങി വ്യ​ത്യ​സ്ത​മാ​വു​ക​യാ​ണ് കാ​പ്പു​പ​റ​മ്പി​ലെ ആ​ശ പ്ര​വ​ർ​ത്ത​ക മൈ​മൂ​ന. നാ​ലു കു​ഞ്ഞു ജീ​വ​നു​ക​ളാ​ണ് മൈ​മൂ​ന​യു​ടെ കൈ​ക​ളി​ലൂ​ടെ ഭൂ​മു​ഖ​ത്തേ​ക്കെ​ത്തി​യ​ത്. 2008ലാ​ണ് മൈ​മൂ​ന കോ​ട്ടോ​പ്പാ​ടം കു​ടും​ബാ​രോ​ഗ്യ കേ​ന്ദ്ര​ത്തി​ലെ ആ​ശ പ്ര​വ​ർ​ത്ത​ക​യാ​കു​ന്ന​ത്. പ്ര​ദേ​ശ​ത്തെ ആ​ദി​വാ​സി കോ​ള​നി​ക​ളാ​യ തോ​ടു​കാ​ട്, ചൂ​രി​യോ​ട് എ​ന്നി​വി​ട​ങ്ങ​ളി​ൽ മൈ​മൂ​ന പ്ര​ത്യേ​കം ശ്ര​ദ്ധ ചെ​ലു​ത്തി​യി​രു​ന്നു. 2014ലാ​ണ് മൈ​മൂ​ന ആ​ദ്യ​മാ​യി യു​വ​തി​യു​ടെ പ്ര​സ​വ​ത്തി​ന്‍റെ ഭാ​ഗ​മാ​യ​ത്. രാ​വി​ലെ ആ​റി​ന്​ തോ​ടു​കാ​ട് കോ​ള​നി​യി​ൽ​നി​ന്ന്​ റ​ബ​ർ ടാ​പ്പി​ങ് തൊ​ഴി​ലാ​ളി മൈ​മൂ​ന​യെ ഫോ​ണി​ൽ വി​ളി​ക്കു​ന്നു. ആ​ദി​വാ​സി യു​വ​തി പാ​റ ഇ​ടു​ക്കി​ൽ പ്ര​സ​വി​ച്ചു​കി​ട​ക്കു​ന്നു എ​ന്നാ​യി​രു​ന്നു സ​ന്ദേ​ശം. അ​തി​വേ​ഗം സ്ഥ​ല​ത്തെ​ത്തി​യ മൈ​മൂ​ന ക​ണ്ട​ത് അ​മ്മ കു​ഞ്ഞി​നെ പ്ര​സ​വി​ച്ച് വേ​ർ​പെ​ടാ​തെ കി​ട​ക്കു​ന്ന കാ​ഴ്ച​യാ​ണ്.

കു​ഞ്ഞ് ക​ര​യു​മ്പോ​ൾ ആ​ടി​നെ ക​റ​ന്ന് പാ​ൽ ന​ൽ​കു​ന്നു​മു​ണ്ടാ​യി​രു​ന്നു. ഇ​ത് ത​ട​ഞ്ഞ്​ കു​ഞ്ഞി​നെ​യും അ​മ്മ​യെ​യും വേ​ർ​പെ​ടു​ത്താ​ൻ സ​മീ​പ​ത്തു​ള്ള ആ​ദി​വാ​സി​ക​ളു​ടെ സ​ഹാ​യം തേ​ടി​യെ​ങ്കി​ലും ആ​രും ത​യാ​റാ​യി​ല്ല. ഒ​ടു​വി​ൽ ധൈ​ര്യം സം​ഭ​രി​ച്ച് മൈ​മൂ​ന ഇ​രു​വ​രെ​യും വേ​ർ​പെ​ടു​ത്തി ആ​ശു​പ​ത്രി​യി​ലെ​ത്തി​ച്ചു. ഇ​താ​ണ് ഇ​വ​രു​ടെ ആ​ദ്യ അ​നു​ഭ​വം. തു​ട​ർ​ന്ന് ര​ണ്ട് പ്ര​സ​വ​ങ്ങ​ളു​ടെ ഭാ​ഗ​മാ​യി. ക​ഴി​ഞ്ഞ സെ​പ്റ്റ​ബ​റി​ലാ​ണ് മ​റ്റൊ​രു പ്ര​സ​വ​മെ​ടു​ത്ത് മൈ​മൂ​ന വീ​ണ്ടും ശ്ര​ദ്ധ നേ​ടി​യ​ത്. പു​ല​ർ​ച്ചെ ര​ണ്ടോ​ടെ ചൂ​രി​യോ​ട് കോ​ള​നി​യി​ൽ​നി​ന്ന്​ ബാ​ബു​വി​ന്‍റെ ഫോ​ൺ വ​രു​ന്നു. ഭാ​ര്യ ലീ​ന​ക്ക് പ്ര​സ​വ​വേ​ദ​ന​യാ​യെ​ന്ന് അ​റി​യി​ക്കു​ന്നു.

ആ​ശു​പ​ത്രി​യി​ലെ​ത്തി​ക്കാ​ൻ പ​രി​ച​യ​ത്തി​ലു​ള്ള ഡ്രൈ​വ​ർ​മാ​രെ എ​ല്ലാം വി​ളി​ച്ചെ​ങ്കി​ലും ആ​രെ​യും ല​ഭി​ച്ചി​ല്ല. ഒ​ടു​വി​ൽ കോ​ൽ​ക്കാ​ട്ടി​ൽ സ​ലാ​മി​നെ​യും കൂ​ട്ടി ഓ​ട്ടോ​യി​ൽ കോ​ള​നി​യി​ലെ​ത്തി​യ​പ്പോ​ഴേ​ക്കും സ​മ​യം അ​ഞ്ച​ര​യാ​യി​രു​ന്നു. ലീ​ന​യെ​യും ഭ​ർ​ത്താ​വി​നെ​യും കൂ​ട്ടി മ​ണ്ണാ​ർ​ക്കാ​ട് താ​ലൂ​ക്ക് ആ​ശു​പ​ത്രി ല​ക്ഷ്യ​മാ​ക്കി സ​ഞ്ച​രി​ക്ക​വേ ര​ണ്ടു​കി​ലോ​മീ​റ്റ​ർ മാ​ത്രം പി​ന്നി​ട്ട​പ്പോ​ഴേ​ക്കും വേ​ദ​ന ക​ഠി​ന​മാ​യി. മൈ​മൂ​ന സ​ലാ​മി​നോ​ടും ബാ​ബു​വി​നോ​ടും ഇ​റ​ങ്ങി മാ​റി നി​ൽ​ക്കാ​ൻ ആ​വ​ശ്യ​പ്പെ​ട്ട് ഓ​ട്ടോ​റി​ക്ഷ തു​ണി ഉ​പ​യോ​ഗി​ച്ച് മ​റ​ച്ച് ലീ​ന​യെ ഓ​ട്ടോ​യു​ടെ സീ​റ്റി​ൽ കി​ട​ത്തി പ്ര​സ​വ​മെ​ടു​ക്കു​ക​യാ​യി​രു​ന്നു. ആ​രോ​ഗ്യ​വാ​ന്മാ​രാ​യ ഇ​രു​വ​രെ​യും ആ​ശു​പ​ത്രി​യി​ലെ​ത്തി​ച്ചാ​ണ് മൈ​മൂ​ന അ​ന്ന് മ​ട​ങ്ങി​യ​ത്. എ​ച്ച്.​ഐ.​വി ബാ​ധി​ച്ച ആ​ളു​ക​ൾ​ക്കൊ​പ്പ​വും മൈ​മൂ​ന പ്ര​വ​ർ​ത്തി​ച്ചി​ട്ടു​ണ്ട്. ഇ​ത്ത​ര​ക്കാ​രെ ക​ണ്ടെ​ത്തി അ​വ​ർ​ക്കാ​വ​ശ്യ​മാ​യ സ​ഹാ​യ സ​ഹ​ക​ര​ണ​ങ്ങ​ൾ ഒ​രു​ക്കാ​നും മൈ​മൂ​ന മു​ന്നി​ലു​ണ്ട്. 2014 ൽ ​മി​ക​ച്ച ആ​ശാ പ്ര​വ​ർ​ത്ത​ക​ക്കു​ള്ള അ​വാ​ർ​ഡും മി​ക​ച്ച വ​ള​ന്‍റി​യ​ർ​ക്കു​ള്ള അ​വാ​ർ​ഡും നേ​ടി. കാ​പ്പു​പ​റ​മ്പി​ലെ കൂ​മ​ഞ്ചീ​രി അ​ബൂ​ബ​ക്ക​റി​ന്‍റെ ഭാ​ര്യ​യാ​ണ്. ഡാ​ലി​യ ബ​ക്ക​ർ, ഫാ​യി​സ് മോ​ൻ, അ​ബൂ റ​മീ​സ് എ​ന്നി​വ​ർ മ​ക്ക​ളാ​ണ്.