‘ബീബി ക്ലിനിക്കി’ലുണ്ട്, ഈ ജനകീയ ഡോക്ടർ

ആ​തു​ര സേ​വ​ന​ത്തി​ന്റെ ആ​റു​പ​തി​റ്റാ​ണ്ട് പൂ​ർ​ത്തി​യാ​ക്കി​യ സാ​ഫ​ല്യ​ത്തി​ലാ​ണ് ഡോ. ​മു​ബാ​റ​ക്ക ബീ​ബി. 83ാം വ​യ​സ്സി​ലും പ​ഴ​യ​ങ്ങാ​ടി​യി​ലെ ത​ന്റെ ബീ​ബി ക്ലി​നി​ക്കി​ൽ രോ​ഗി​ക​ൾ​ക്ക് ആ​ശ്വാ​സ​മേ​കി ബീ​ബി ഡോ​ക്ട​റു​ണ്ട്. ഗ​ർ​ഭ​ത്തി​ന്റെ നോ​വും വേ​വും പേ​റി​യെ​ത്തി​യ അ​മ്മ​മാ​രു​ടെ ഉ​ദ​ര​ങ്ങ​ളി​ൽ​നി​ന്ന് ബീ​ബി ഡോ​ക്ട​ർ പു​റ​ത്തെ​ടു​ത്തത് 60 വ​ർ​ഷ​ത്തി​നി​ടെ 24,000ത്തി​ലേ​റെ കുഞ്ഞുങ്ങളെ.

കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലെ ആ​ദ്യ ബാ​ച്ചി​ൽ​നി​ന്ന് വൈ​ദ്യ​ശാ​സ്ത്ര​ത്തി​ൽ ബി​രു​ദം നേ​ടി​യ​താ​ണ് ഡോ​ക്ട​ർ. 1977ൽ ​ആ​രം​ഭി​ച്ച സ്വ​ന്തം ന​ഴ്സി​ങ് ഹോ​മി​ന്റെ ജ​ന​ന ര​ജി​സ്റ്റ​റി​ൽ രേ​ഖ​പ്പെ​ടു​ത്ത​പ്പെ​ട്ട​ത് 23,000ലേ​റെ പേ​രു​ക​ളാ​ണ്. പ​ക​ലു​ക​ളി​ലും പാ​തി​രാ​വു​ക​ളി​ലും വീ​ടു​ക​ളി​ൽ പോ​യി എ​ടു​ത്ത പ്ര​സ​വ​ങ്ങ​ൾ ഇ​തി​ന് പു​റ​മേ​യു​മു​ണ്ട്.

പ​ഴ​യ​ങ്ങാ​ടി​യി​ലെ അ​ബ്ദു​റ​ഹീം മ​ല​ബാ​രി- ഖ​ദീ​ജ ദ​മ്പ​തി​ക​ളു​ടെ ഏ​ഴു​മ​ക്ക​ളി​ൽ അ​ഞ്ചാ​മ​താ​യാ​ണ് മു​ബാ​റ​ക്ക ജ​നി​ച്ച​ത്. മു​സ്‍ലിം വി​ദ്യാ​ർ​ഥി​നി​ക​ളു​ടെ ഉ​യ​ർ​ന്ന വി​ദ്യാ​ഭ്യാ​സ​മാ​യി ഇ.എ​സ്.​എ​സ്.​എ​ൽ.​സി ക​ണ​ക്കാ​ക്കി​യി​രു​ന്ന കാ​ല​മാ​യ​തി​നാ​ൽ ഇ​ത് പൂ​ർ​ത്തീ​ക​രി​ച്ച​പ്പോ​ൾ വി​വാ​ഹ​മാ​യി​രു​ന്നു മു​ബാ​റ​ക്ക ബീ​ബി​യു​ടെ ഉ​മ്മ​യും ല​ക്ഷ്യ​മി​ട്ട​ത്.

എ​ന്നാ​ൽ, ഉ​മ്മ​യു​ടെ ബാ​പ്പ​യാ​യ അ​ഹ​മ്മ​ദ് കു​ട്ടി​യു​ടെ ആ​ഗ്ര​ഹ​മാ​യി​രു​ന്നു ബീ​ബി​യെ ഡോ​ക്ട​റാ​ക്ക​ണ​മെ​ന്ന​ത്. ക്യൂ​ൻ മേ​രീ​സ് കോ​ള​ജി​ൽ​നി​ന്ന് ഉ​യ​ർ​ന്ന മാ​ർ​ക്കോ​ടെ ഇ​ന്റ​ർ​മീ​ഡി​യ​റ്റ് പാ​സാ​യ​തോ​ടെ ഡോ​ക്ട​റാ​ക​ണ​മെ​ന്ന മോ​ഹം മു​ബാ​റ​ക്ക ബീ​ബി​ക്കു​മു​ണ്ടാ​യി. അ​ങ്ങ​നെ 1957ൽ ​കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ ആ​ദ്യ ബാ​ച്ചി​ൽ മു​ബാ​റ​ക്ക ബീ​ബി പ​ഠി​താ​വാ​യി. 35 ആ​ൺ​കു​ട്ടി​ക​ളും 15 പെ​ൺ​കു​ട്ടി​ക​ളു​മു​ണ്ടാ​യി​രു​ന്ന ആ​ദ്യ​ബാ​ച്ചി​ലെ ഏ​ക മു​സ്‍ലിം പെ​ൺ​ത​രി​യാ​യി​രു​ന്നു മു​ബാ​റ​ക്ക ബീ​ബി.

1963 മാ​ർ​ച്ച് മൂ​ന്നി​ന് ത​ല​ശ്ശേ​രി ഗ​വ. ആ​ശു​പ​ത്രി​യി​ലാ​യി​രു​ന്നു ആ​ദ്യ​നി​യ​മ​നം. അ​ന്നു​തു​ട​ങ്ങി​യ ത​പ​സ്യ​യാ​ണ് അ​റു​പ​താ​ണ്ട് പൂ​ർ​ത്തീ​ക​രി​ച്ചും ആ​തു​ര​രം​ഗ​ത്ത് തു​ട​രു​ന്ന​ത്. ഒ​രാ​ളു​ടെ 12 പ്ര​സ​വ​മെ​ടു​ത്ത​തും ഒ​രു കു​ടും​ബ​ത്തി​ലെ നാ​ല് ത​ല​മു​റ​യു​ടെ പ്ര​സ​വ​മെ​ടു​ത്ത​തു​മാ​യ അ​ത്യ​പൂ​ർ​വ അ​നു​ഭ​വ​വും ഡോ​ക്ട​ർ​ക്ക് സ്വ​ന്തം. പ​ഴ​യ​കാ​ല​ത്ത് ഒ​രു​രൂ​പ​യാ​യി​രു​ന്നു ഡോ​ക്ട​റു​ടെ ഫീ​സ്. അ​തു​പോ​ലു​മി​ല്ലാ​ത്ത​തി​നാ​ൽ 95 പൈ​സ പ്ര​തി​ഫ​ല​മാ​യി ല​ഭി​ച്ച​തും ​ഡോ​ക്ട​ർ ഓ​ർ​ത്തെ​ടു​ക്കു​ന്നു​ണ്ട്.

പ​ഴ​യ​ങ്ങാ​ടി​യി​ലെ ഒ​രു പ്ര​ദേ​ശം ഇ​ന്ന​റി​യ​പ്പെ​ടു​ന്ന​ത് ത​ല​മു​റ​ക​ൾ നെ​ഞ്ചേ​റ്റി​യ ഡോ​ക്ട​റു​ടെ പേ​രി​ലാ​ണ് -ബീ​ബി റോ​ഡ്! 83 വ​യ​സ്സി​ലും വൈ​ദ്യ​ലോ​ക​ത്ത് സ​ജീ​വ​മാ​യ ഡോ​ക്ട​റു​ടെ ജീ​വി​ത​പ​ങ്കാ​ളി പ്ര​മു​ഖ മ​ദ്യ​വ​ർ​ജ​ന കൂ​ട്ടാ​യ്മ​ക​ളു​ടെ സാ​ര​ഥി​യും ഇം​ഗ്ലീ​ഷ് പ്ര​ഫ​സ​റു​മാ​യ എം. ​മു​ഹ​മ്മ​ദാ​ണ്. 1966ലാ​യി​രു​ന്നു ഇ​വ​രു​ടെ വി​വാ​ഹം. അ​ഡ്വ. ജ​മീ​ൽ അ​ഹ​മ്മ​ദി​ന്റെ ഭാ​ര്യ മ​ൻ​സൂ​റ​യും ഡോ. ​ഗു​ലാം അ​ഹ​മ്മ​ദി​ന്റെ ഭാ​ര്യ മു​ന​വ്വ​റ​യു​മാ​ണ് മ​ക്ക​ൾ.