സാധ്യതയുടെ പുതുവാതിലുകൾ തുറന്ന് ഷബീന

അ​സാ​ധ്യ​മെ​ന്നു തോ​ന്നു​ന്നി​ട​ത്തു​നി​ന്ന് സാ​ധ്യ​ത​യു​ടെ പു​തി​യ വാ​തി​ലു​ക​ൾ തു​റ​ക്കു​ക​യാ​ണ് ന​ന്മ​ണ്ട തെ​രു​വ​ത്തി​ൽ ഷ​ബീ​ന. ഭ​ർ​ത്താ​വി​നെ പി​രി​ഞ്ഞി​ട്ടും സോ​ഡ​യു​ടെ ലോ​ക​ത്തു​നി​ന്ന് മൊ​ഴി​ചൊ​ല്ലാ​തെ ജീ​വി​ത​വ​ഴി​യി​ൽ ഉ​ശി​രോ​ടെ നി​ൽ​ക്കു​ന്ന ഷ​ബീ​ന വ​നി​ത​ദി​ന​ത്തി​ലും സ്ഥി​രോ​ത്സാ​ഹ​ത്തി​ന്റെ​യും പെ​ൺ​ക​രു​ത്തി​ന്റെ​യും പ്ര​തീ​ക​മാ​ണ്.

സ്ത്രീ​ക​ൾ ക​ട​ന്നു​വ​രാ​ൻ മ​ടി​ക്കു​ന്ന സോ​ഡ ക​മ്പ​നി​യി​ൽ സോ​ഡ അ​ടി​ക്കു​ന്ന​വ​ളാ​യും കു​പ്പി ക​ഴു​കു​ന്ന​വ​ളാ​യും ഷ​ബീ​ന​യു​ണ്ട്. ഭ​ർ​ത്താ​വി​നെ ഉ​പേ​ക്ഷി​ക്കേ​ണ്ടി​വ​ന്ന ഷ​ബീ​ന​ക്ക് ര​ണ്ടു മ​ക്ക​ളു​മാ​യി ജീ​വി​ത പ്രാ​ര​ബ്ധ​ങ്ങ​ളു​ടെ ദി​ന​രാ​ത്ര​ങ്ങ​ളാ​ണ് ത​ള്ളി നീ​ക്കേ​ണ്ടി​യി​രു​ന്ന​ത്.

വാ​വി​ട്ടു ക​ര​യു​ന്ന മ​ക്ക​ളെ മാ​റോ​ടു ചേ​ർ​ത്തു​പി​ടി​ക്കു​മ്പോ​ൾ ഷ​ബീ​ന ത​ള​ർ​ന്നി​ല്ല. എ​ന്തെ​ങ്കി​ലും ഒ​രു തൊ​ഴി​ൽ ക​ണ്ടെ​ത്ത​ണ​മെ​ന്ന ല​ക്ഷ്യ​ത്തോ​ടെ ഇ​രി​ക്കു​മ്പോ​ഴാ​ണ് സാ​ന്ത്വ​ന​ത്തി​ന്റെ ക​ര​സ്പ​ർ​ശ​വു​മാ​യി ബ​ന്ധു​വാ​യ കു​ന്നോ​ത്ത് ബ​ഷീ​ർ വീ​ട്ടി​ലെ​ത്തി​യ​ത്. ത​ന്റെ ക​ബ​നി സോ​ഡ ക​മ്പ​നി​യി​ൽ ജോ​ലി ന​ൽ​കി​യ​​പ്പോ​ൾ ഷ​ബീ​ന​യു​ടെ ജീ​വി​തം പ​ച്ച പി​ടി​ച്ചു തു​ട​ങ്ങി.

പു​രു​ഷ​ന്മാ​ർ ആ​ധി​പ​ത്യ​മു​റ​പ്പി​ച്ച സോ​ഡ അ​ടി​ക്ക​ലും കു​പ്പി​ക​ഴു​ക​ലും ഷ​ബീ​ന​യു​ടെ ക​ര​ങ്ങ​ളി​ൽ സു​ര​ക്ഷി​ത​മാ​ണ്. വേ​ന​ൽ​ക്കാ​ല​മാ​യാ​ൽ ജോ​ലി കൂ​ടു​മെ​ങ്കി​ലും കാ​ല​വ​ർ​ഷ​ത്തി​ൽ തൊ​ഴി​ൽ ദി​ന​ങ്ങ​ൾ കു​റ​യും. സ്ത്രീ​ക​ൾ വീ​ടി​ന്റെ അ​ക​ത്ത​ള​ത്തി​ൽ ത​ള​ച്ചി​ടേ​ണ്ട​വ​ര​ല്ല എ​ന്ന അ​ഭി​പ്രാ​യ​ക്കാ​രി​യാ​ണി​വ​ർ.

പു​രു​ഷ​ന്മാ​ർ ചെ​യ്യു​ന്ന പ​ല തൊ​ഴി​ലും ഇ​ന്ന് സ്ത്രീ​ക​ൾ ചെ​യ്യു​ന്നു​ണ്ടെ​ന്നും ഷ​ബീ​ന പ​റ​യു​ന്നു. ഓ​രോ ഗു​ണ​ഭോ​ക്താ​ക്ക​ളും ദാ​ഹം ശ​മി​പ്പി​ക്കു​മ്പോ​ൾ അ​തി​ന്റെ പി​റ​കി​ലെ സ്ത്രീ ​സാ​ന്നി​ധ്യം അ​റി​യു​ന്നി​ല്ല. ഉ​മ്മ ആ​യി​ഷ​യോ​ടൊ​പ്പ​മാ​ണ് ഷ​ബീ​ന താ​മ​സി​ക്കു​ന്ന​ത്. ഫ​സീ​ഹ്, ഫ​ർ​ഷാ​ന എ​ന്നി​വ​ർ മ​ക്ക​ളാ​ണ്.