ചക്രക്കസേരയിലെ വർണലോകം

ശ്രീ​ക​ണ്ഠ​പു​രം: സ്വ​പ്ന ലോ​കം ച​ക്രക്ക​സേ​ര​യി​ലി​രു​ന്ന് വ​ർ​ണ​ങ്ങ​ളാ​ൽ വി​ത​റു​ക​യാ​ണ് അ​ഞ്ജ​ലി സ​ണ്ണി. ശ്രീ​ക​ണ്ഠ​പു​രം കൊ​ട്ടൂ​ർ വ​യ​ലി​ലെ ഞാ​റോ​ലി​ക്ക​ൽ അ​ഞ്ജ​ലി സ​ണ്ണി​യാ​ണ് വേ​ദ​ന​യെ മ​റ​ന്ന് പ്ര​തീ​ക്ഷ​യു​ടെ ലോ​ക​ത്ത് കു​തി​ക്കു​ന്ന​ത്. പ​രി​ധി​യി​ല്ലാ​ത്ത കാ​ടി​ന്റെ പ​ച്ച​പ്പും മ​ല​മ​ട​ക്കു​ക​ളും ആ​കാ​ശ​ത്തെ ക​വ​രാ​നൊ​രു​ങ്ങു​ന്ന തി​ര​മാ​ല​ക​ളും സ്വ​ന്തം വി​ര​ൽ​തു​മ്പി​ൽ വ​ർ​ണ​ങ്ങ​ളാ​ൽ വി​രി​യി​ക്കു​മ്പോ​ൾ അ​ഞ്ജ​ലി​ക്കു​ണ്ടാ​വു​ന്ന സ​ന്തോ​ഷം ഏ​റെ​യാ​ണ്. മ​റ്റു​ള്ള​വ​ർ​ക്കും, കൂ​ടാ​തെ ത​ന്നെ​പ്പോ​ലു​ള്ള​വ​ർ​ക്കും പ്ര​തീ​ക്ഷ​യു​ടെ ലോ​കം സ​മ്മാ​നി​ക്കു​ക​യാ​ണ് അ​ഞ്ജ​ലി. ജ​ന്മ​നാ മ​സി​ലു​ക​ൾ​ക്ക് ത​ള​ർ​ച്ച​യു​ണ്ടാ​യി​രു​ന്നു. ശ്രീ​ക​ണ്ഠ​പു​രം പ​ഴ​യ​ങ്ങാ​ടി ഗ​വ.​യു.​പി സ്കൂ​ളി​ൽ നാ​ലാം ക്ലാ​സി​ൽ പ​ഠി​ക്കു​മ്പോ​ഴാ​ണ് അ​സു​ഖം പി​ടി​പെ​ട്ട​താ​യി അ​റി​യു​ന്ന​ത്. ജീ​വി​തതാ​ളം തെ​റ്റു​ന്ന​താ​യി അ​വ​ർ തി​രി​ച്ച​റി​ഞ്ഞു. അ​തി​ന​കം ജീ​വി​ത​ത്തി​ന്റെ ഭാ​ഗ​മാ​യി മാ​റി​യ സം​ഗീ​തം കൈ​വി​ര​ൽ കീ​ബോ​ർ​ഡി​ൽ നി​ന്ന​ക​ന്ന​തോ​ടെ താ​ള​പ്പി​ഴ​യി​ലേ​ക്ക് നീ​ങ്ങി. പി​താ​വ് സ​ണ്ണി​യും മാ​താ​വ് ബി​ൻ​സി​യും സ​ഹോ​ദ​ര​ങ്ങ​ളാ​യ അ​ബി​ലും ആ​ഷ്ലി​യു​മാ​യി​രു​ന്നു കൂ​ടെ നി​ന്ന് കൈ ​പി​ടി​ച്ച​ത്. ക്ര​മേ​ണ മ​സ്കു​ല​ർ ഡി​സ്ട്രോ​ഫി​യാ​ണ് ശ​രീ​രഭാ​ഗ​ങ്ങ​ളെ ത​ള​ർ​ത്തു​ന്ന​താ​യ​റി​ഞ്ഞ​ത്.

പ​ല ത​വ​ണ പ​ക​ച്ചെ​ങ്കി​ലും മ​നോ​ധൈ​ര്യം ഈ ​കു​ടും​ബ​ത്തി​ന് കൂ​ട്ടാ​യി. തു​ട​ർ​ന്ന് അ​ഞ്ജ​ലി​യു​ടെ സ്കൂ​ൾ യാ​ത്ര ഓ​ട്ടോ​യി​ൽ. പി​ന്നാ​ലെ ച​ക്രക്ക​സേ​ര​യി​ലേ​ക്ക്. സ്കൂ​ൾ കാ​ല​ത്ത് കൂ​ട്ടു​കാ​രി​യാ​യി​രു​ന്ന ലി​നി എ​ല്ലാ​ത്തി​നും കൂ​ട്ടാ​യി ഒ​പ്പ​മെ​ത്തി. പ്ല​സ് ടു ​പ​ഠ​നശേ​ഷം വേ​ർ​പി​രി​ഞ്ഞെ​ങ്കി​ലും ഡി​ഗ്രി പ​ഠ​ന കാ​ല​ത്ത് ലി​നി തി​രി​കെ​യെ​ത്തി. ക്ലാ​സി​ലെ​ത്തി​ക്കാ​നും തി​രി​കെ​യി​റ​ക്കാ​നും ലി​നി വീ​ണ്ടും അ​ഞ്ജ​ലി​ക്ക് താ​ങ്ങാ​യി. അ​ങ്ങി​നെ ബി.​ബി.​എ പൂ​ർ​ത്തി​യാ​ക്കി. അ​ക്രി​ലി​ക്ക് ചി​ത്ര​ങ്ങ​ൾ​ക്ക് പി​ന്നാ​ലെ ഗ്രാ​ഫി​ക് ഡി​സൈ​നു​ക​ളി​ലും അ​ഞ്ജ​ലി തി​ള​ങ്ങി. അ​ക്കൗ​ണ്ടി​ങ്ങി​ൽ ക​ഴി​വു​ണ്ടാ​യ​തി​നാ​ൽ നി​ര​വ​ധി ക​മ്പ​നി​ക​ൾ ജോ​ലി​ക്ക് വി​ളി​ച്ചു. ര​ണ്ട​ര വ​ർ​ഷം ജോ​ലി ചെ​യ്തു. പി​ന്നീ​ട് അ​തും നി​ർ​ത്തേ​ണ്ടി വ​ന്നു. പി​ന്നീ​ട് വീ​ണ്ടും വ​ര​യി​ലേ​ക്ക്. ബം​ഗ​ളൂ​രു​വി​ൽ ന​ട​ന്ന ഇ​ന്ത്യ​ൻ ഇ​ൻ​ക്ലൂഷ​ൻ ഫൗ​ണ്ടേ​ഷ​ന്റെ ആ​ർ​ട്ട് ഫോ​ർ ഇ​ൻ​ക്ലൂ​ഷ​ൻ ഫെ​ലോ​ഷി​പ്പി​ലേ​ക്ക് തെ​ര​ഞെ​ടു​ക്ക​പ്പെ​ട്ട 11 പേ​രി​ൽ ഏ​ക മ​ല​യാ​ളി​യാ​ണ് വ​ര പ​ഠി​ച്ചി​ട്ടി​ല്ലാ​ത്ത അ​ഞ്ജ​ലി.