നിർണായക ഉത്തരവിലൂടെ പഠനം പൂർത്തീകരിച്ചു; സുൽഫത്ത് ഇനി ഡോക്ടർ

പൊ​ന്നാ​നി: 2017ലെ ​ഒ​രു​സാ​യാ​ഹ്ന​ത്തി​ൽ ജീ​വി​ത​ത്തി​ലെ വ​ലി​യൊ​രു സ്വ​പ്നം പൂ​വ​ണി​ഞ്ഞ സ​ന്തോ​ഷ​വു​മാ​യാ​ണ് ഏ​ഴു​കു​ടി​ക്ക​ൽ ല​ത്തീ​ഫ് ക​ട​ലി​ൽ​നി​ന്ന് വീ​ട്ടി​ലെ​ത്തി​യ​ത്. മാ​സ​ങ്ങ​ളാ​യി ത​ന്നെ അ​ല​ട്ടി​യി​രു​ന്ന വ​ലി​യൊ​രു പ്ര​യാ​സ​ത്തി​ന്റെ കു​രു​ക്ക​ഴി​ഞ്ഞ ആ​ശ്വാ​സ​മാ​യി​രു​ന്നു മ​ത്സ്യ​ത്തൊ​ഴി​ലാ​ളി​യാ​യ ആ ​പി​താ​വി​ന്റെ മു​ഖ​ത്ത്.

സ​ർ​ക്കാ​റി​ന്റെ പ്ര​ത്യേ​ക ഉ​ത്ത​ര​വി​ലൂ​ടെ മ​ക​ൾ​ക്ക് എം.​ബി.​ബി.​എ​സ് പ​ഠ​ന​ത്തി​ന് അ​ർ​ഹ​ത നേ​ടാ​നാ​യ​തി​ന്റെ ആ​ഹ്ലാ​ദ​മാ​യി​രു​ന്നു അ​ത്. അ​ഞ്ച് വ​ർ​ഷ​ങ്ങ​ൾ​ക്കി​പ്പു​റം മ​ക​ളു​ടെ പേ​രി​ന് മു​ന്നി​ൽ ഡോ​ക്ട​ർ എ​ന്ന് എ​ഴു​തി​ച്ചേ​ർ​ക്കു​മ്പോ​ൾ സ​ന്തോ​ഷ​ത്തോ​ടൊ​പ്പം മു​ൻ സ്പീ​ക്ക​ർ പി. ​ശ്രീ​രാ​മ​കൃ​ഷ്ണ​ൻ ഉ​ൾ​പ്പെ​ടെ​യു​ള്ള​വ​രെ ന​ന്ദി​യോ​ടെ സ്മ​രി​ക്കു​ക​യാ​ണ് ഈ ​പി​താ​വ്. 2017 ലെ ​എ​ൻ​ട്ര​ൻ​സ് ക​ട​മ്പ ക​ട​ന്ന സു​ൽ​ഫ​ത്തി​ന് എം.​ബി.​ബി.​എ​സി​ന് ല​ഭി​ച്ച​ത് സ്വാ​ശ്ര​യ കോ​ള​ജി​ലെ സ​ർ​ക്കാ​ർ സീ​റ്റാ​യി​രു​ന്നു.

അ​ഞ്ച് വ​ർ​ഷ​ത്തേ​ക്ക് സ​ർ​ക്കാ​ർ നി​ശ്ച​യി​ക്കു​ന്ന ഫീ​സ​ട​ക്ക​ണ​മെ​ന്ന​ത് നി​ർ​ധ​ന മ​ത്സ്യ​ത്തൊ​ഴി​ലാ​ളി കു​ടും​ബ​ത്തി​ന് ചി​ന്തി​ക്കാ​ൻ​പോ​ലും ക​ഴി​യാ​ത്ത​താ​യി​രു​ന്നു. മ​ക​ളു​ടെ ക​ഠി​ന​പ്ര​യ​ത്ന​വും ആ​ഗ്ര​ഹ​വും പാ​തി​വ​ഴി​യി​ൽ നി​ല​ക്കു​മോ​യെ​ന്ന വേ​വ​ലാ​തി​യോ​ടെ സ്പീ​ക്ക​ർ പി. ​ശ്രീ​രാ​മ​കൃ​ഷ്ണ​ന് മു​ന്നി​ലെ​ത്തി​യ​തോ​ടെ വ​ഴി​തെ​ളി​ഞ്ഞു.

ഒ.​ബി.​സി മ​ത്സ്യ​ത്തൊ​ഴി​ലാ​ളി​ക​ളു​ടെ കു​ട്ടി​ക​ൾ​ക്ക് ഫീ​സി​ള​വ് ഇ​ല്ലെ​ന്ന ക​ട​മ്പ മ​റി​ക​ട​ക്കാ​ൻ സ്പീ​ക്ക​ർ ഇ​ട​പെ​ട്ടു. മു​ഖ്യ​മ​ന്ത്രി​യു​മാ​യും ആ​രോ​ഗ്യ, ഫി​ഷ​റീ​സ് മ​ന്ത്രി​മാ​രു​മാ​യു​ള്ള അ​ദ്ദേ​ഹ​ത്തി​ന്റെ ച​ർ​ച്ച​യി​ലൂ​ടെ വ​ന്ന​ത് നി​ർ​ണാ​യ​ക തീ​രു​മാ​ന​മാ​യി​രു​ന്നു. മ​ത്സ്യ​ത്തൊ​ഴി​ലാ​ളി​യു​ടെ മ​ക്ക​ൾ​ക്ക് സ്വാ​ശ്ര​യ കോ​ള​ജി​ലെ സ​ർ​ക്കാ​ർ ഫീ​സ് ഫി​ഷ​റീ​സ് വ​കു​പ്പ് അ​ട​ക്കാ​ൻ ക​ഴി​യു​മോ​യെ​ന്ന് വ​കു​പ്പ് സെ​ക്ര​ട്ട​റി​മാ​രോ​ട് ആ​ലോ​ചി​ക്കാ​ൻ മ​ന്ത്രി​മാ​ർ നി​ർ​ദേ​ശി​ച്ചു.

അ​ങ്ങ​നെ പ​ട്ടി​ക​ജാ​തി-​വ​ർ​ഗ കു​ട്ടി​ക​ൾ​ക്ക് അ​ത​ത് വ​കു​പ്പു​ക​ൾ ന​ൽ​കു​ന്ന പ​ഠ​നാ​നു​കൂ​ല്യം മ​ത്സ്യ​ത്തൊ​ഴി​ലാ​ളി കു​ട്ടി​ക​ൾ​ക്ക് ഫി​ഷ​റീ​സ് വ​കു​പ്പ് വ​ഴി ല​ഭ്യ​മാ​ക്കാ​മെ​ന്ന് വി​വി​ധ ത​ല​ത്തി​ലെ ച​ർ​ച്ച​ക്കൊ​ടു​വി​ൽ തീ​രു​മാ​ന​മാ​യി. ര​ണ്ടു​ദി​വ​സം​കൊ​ണ്ട് സ​ർ​ക്കാ​ർ ഉ​ത്ത​ര​വി​റ​ങ്ങി.

ഫീ​സ് ഫി​ഷ​റീ​സ് വ​കു​പ്പി​ൽ​നി​ന്ന് അ​ഡ്മി​ഷ​ൻ ല​ഭി​ച്ച കൊ​ല്ലം ട്രാ​വ​ൻ​കൂ​ർ മെ​ഡി​ക്ക​ൽ കോ​ള​ജ് അ​ക്കൗ​ണ്ടി​ലേ​ക്ക്‌ എ​ത്തി​യ​തോ​ടെ സു​ൽ​ഫ​ത്ത് എം.​ബി.​ബി.​എ​സ് വി​ദ്യാ​ർ​ഥി​നി​യാ​യി. അ​ഞ്ച് വ​ർ​ഷ​ത്തെ പ​ഠ​നം പൂ​ർ​ത്തീ​ക​രി​ച്ച സു​ൽ​ഫ​ത്ത് ഇ​പ്പോ​ഴി​താ ഡോ​ക്ട​റാ​യി. ആ​റു​മാ​സ​ത്തെ ഹൗ​സ് സ​ർ​ജ​ൻ​സി​കൂ​ടി ക​ഴി​യു​ന്ന​തോ​ടെ എം.​ബി.​ബി.​എ​സ് പ​ഠ​നം പൂ​ർ​ത്തി​യാ​കും. തു​ട​ർ​ന്ന് പി.​ജി ചെ​യ്യാ​നാ​ണ് തീ​രു​മാ​നം.