രോ​ഗ​ത്തെ ‘വ​ര​ച്ച് തോ​ൽ​പി​ച്ച്’ വീട്ടമ്മ

കൊ​ട​ക​ര: രോ​ഗാ​തു​ര​മാ​യ നാ​ളു​ക​ളെ മ​രു​ന്നി​നൊ​പ്പം വ​ര​ക​ളും വ​ര്‍ണ​ങ്ങ​ളും പ​രി​ച​യാ​ക്കി പൊ​രു​തി ജ​യി​ച്ച ക​ഥ​യാ​ണ് വാ​സു​പു​ര​ത്തു​ള്ള ര​തി സു​രേ​ഷ്ബാ​ബു​വി​ന് പ​റ​യാ​നു​ള്ള​ത്. രോ​ഗി​ക​ളാ​യി വീ​ട്ട​ക​ങ്ങ​ളി​ല്‍ ഒ​തു​ങ്ങി​പോ​കു​ന്ന​വ​ര്‍ക്ക് വ​ലി​യൊ​രു പ്ര​ചോ​ദ​ന​മാ​ണ് ഈ ​ക​ലാ​കാ​രി.

ക​ല​യു​ടെ കൈ​പി​ടി​ച്ച് ജീ​വി​ത​ത്തി​ലേ​ക്ക് തി​രി​ച്ചു​ന​ട​ക്കാ​നാ​യ​തി​ന്റെ ആ​ഹ്ലാ​ദം വീ​ടി​ന്റെ അ​ങ്ക​ണ​ത്തി​ല്‍ ഓ​പ​ൺ ആ​ര്‍ട് ഗാ​ല​റി സ്ഥാ​പി​ച്ചാ​ണ് ഇ​വ​ര്‍ പ്ര​ക​ടി​പ്പി​ക്കു​ന്ന​ത്. ഒ​ന്ന​ര പ​തി​റ്റാ​ണ്ടോ​ളം രോ​ഗ​ത്തോ​ട് പൊ​രു​തി​യ​പ്പോ​ഴും ക​ല​യെ കൈ​വി​ടാ​തെ ചേ​ര്‍ത്ത് പി​ടി​ച്ച വീ​ട്ട​മ്മ​യു​ടെ സ്വ​പ്‌​ന സാ​ക്ഷാ​ത്കാ​ര​മാ​ണ് മ​റ്റ​ത്തൂ​ര്‍ വാ​സു​പു​ര​ത്തു​ള്ള ഇ​വ​രു​ടെ വീ​ടി​നോ​ടു ചേ​ര്‍ന്ന് തു​റ​ന്ന വൃ​ന്ദാ​വ​ന്‍ ഫൈ​ന്‍ ആ​ര്‍ട്‌​സ് ഓ​പ​ൺ ഗാ​ല​റി.

നി​റ​യെ പൂ​ച്ചെ​ടി​ക​ളും പെ​യ​ന്റി​ങ്ങു​ക​ളും ഉ​ള​ള വ​ര്‍ണ​ലോ​ക​മാ​ണ് വാ​സു​പു​രം കാ​ര​പ്പി​ള്ളി സു​രേ​ഷ്ബാ​ബു​വി​ന്റെ ഭാ​ര്യ​യാ​യ 47 കാ​രി ര​തി​സു​രേ​ഷി​ന്‍റെ ആ​ര്‍ട്ട് ഗാ​ല​റി. സ്‌​കൂ​ള്‍ കാ​ല​ഘ​ട്ടം മു​ത​ലേ വ​ര്‍ണ​ങ്ങ​ളേ​യും വ​ര​യേ​യും സ്‌​നേ​ഹി​ച്ചു തു​ട​ങ്ങി​യ ര​തി​യി​ലെ ക​ലാ​പാ​ട​വം തി​രി​ച്ച​റി​ഞ്ഞ​ത് പ്രൈ​മ​റി ക്ലാ​സി​ലെ അ​ധ്യാ​പ​ക​നാ​യി​രു​ന്നു. പി​ന്നീ​ട് തൃ​ശൂ​ര്‍ ഫൈ​ന്‍ ആ​ര്‍ട്‌​സ് കോ​ള​ജി​ല്‍ ചേ​ര്‍ന്ന് മൂ​ന്നു​വ​ര്‍ഷം ചി​ത്ര​ക​ല പ​ഠി​ച്ചു.

വി​വാ​ഹം ക​ഴി​ഞ്ഞ് ഏ​റെ താ​മ​സി​യാ​തെ വൃ​ക്ക​രോ​ഗി​യാ​യി മാ​റി​യ ര​തി 17 വ​ര്‍ഷ​ത്തോ​ളം രോ​ത്തോ​ട് പൊ​രു​തി​യാ​ണ് ജീ​വി​തം മു​ന്നോ​ട്ടു​കൊ​ണ്ടു​പോ​യ​ത്. വേ​ദ​ന​യി​ലും നി​രാ​ശ​യി​ലും മ​ന​സു​ത​ള​ര്‍ന്ന​പ്പോ​ഴെ​ല്ലാം ചാ​യ​ക്കൂ​ട്ടു​ക​ളും ബ്ര​ഷു​മാ​ണ് ആ​ശ്വാ​സം പ​ക​ര്‍ന്ന​ത്.

മൂ​ന്ന​ര​വ​ര്‍ഷ​ത്തോ​ളം തു​ട​ര്‍ച്ച​യാ​യി ഡ​യാ​ലി​സി​സി​ന് വി​ധേ​യ​യാ​യി. അ​മ്മ ഭ​വാ​നി ത​ന്റെ വൃ​ക്ക​ക​ളി​ലൊ​ന്ന് പ​കു​ത്തു​ന​ല്‍കി ര​തി​യെ പൂ​ര്‍ണാ​രോ​ഗ്യ​വ​തി​യാ​യി ജീ​വി​ത​ത്തി​ലേ​ക്ക് കൈ​പി​ടി​ച്ചു​ക​യ​റ്റി​യ​തോ​ടെ ത​ന്നി​ലെ സ​ര്‍ഗ​വാ​സ​ന​ക​ളെ കൂ​ടു​ത​ല്‍ തേ​ച്ചു​മി​നു​ക്കാ​ന്‍ ര​തി​ക്ക് ക​ഴി​ഞ്ഞു.

ക​ലാ​രം​ഗ​ത്ത് കൂ​ട​ത​ല്‍ സ​ജീ​വ​മാ​കാ​ന്‍ ചി​കി​ത്സി​ച്ച ഡോ​ക്ട​റും പ്രോ​ല്‍സാ​ഹ​നം ത​ന്നു. ഇ​തോ​ടെ​യാ​ണ് വീ​ടി​നെ വൃ​ന്ദാ​വ​ന​മാ​ക്കി മാ​റ്റാ​ന്‍ ഈ ​ക​ലാ​കാ​രി​ക്ക്ക​ഴി​ഞ്ഞ​ത്. ചി​ത്ര​ക​ല​യി​ല്‍ താ​ല്‍പ​ര്യ​മു​ള്ള കു​ട്ടി​ക​ള്‍ക്ക് ക​ഴി​വു​ക​ള്‍ പ​രി​പോ​ഷി​പ്പി​ച്ചെ​ടു​ക്കു​ന്ന​തി​നു​ള്ള തു​റ​ന്ന വേ​ദി​കൂ​ടി​യാ​ണി​തെ​ന്ന് ര​തി സു​രേ​ഷ് പ​റ​ഞ്ഞു.