ഇത് ' സൂപ്പർ ' മ​ധു​മി​തയുടെ സൂപ്പർ സ്മാഷ്

ലോ​ക ബാ​ഡ്​​മി​ന്‍റ​ണി​ലെ ശി​ശു​ക്ക​ളാ​ണ്​ യു.​എ.​ഇ. ഷ​ട്ടി​ലി​ന്‍റെ ലോ​ക​ത്തേ​ക്ക്​ പി​ച്ച​വെ​ച്ചു​ തു​ട​ങ്ങു​ന്ന​തേ​യു​ള്ളു. അ​തു​കൊ​ണ്ടു​ത​ന്നെ, ലോ​കോ​ത്ത​ര താ​ര​ങ്ങ​ൾ മ​ത്സ​രി​ക്കു​ന്ന ബാ​ഡ്​​മി​ന്‍റ​ൺ ഏ​ഷ്യ മി​ക്സ​ഡ്​ ടീം ​ചാ​മ്പ്യ​ൻ​ഷി​പ്പി​നാ​യി ക​ള​ത്തി​ലി​റ​ങ്ങു​മ്പോ​ൾ യു.​എ.​ഇ അ​ധി​ക​മൊ​ന്നും​ പ്ര​തീ​ക്ഷി​ച്ചി​രു​ന്നി​ല്ല.

ദീ​ർ​ഘ​വീ​ക്ഷ​ണ​ത്തോ​ടെ 18 വ​യ​സി​ൽ താ​ഴെ​യു​ള്ള​വ​രെ​യാ​ണ്​ ലോ​ക​ത്തി​ന്​ മു​ന്നി​ൽ അ​ണി​നി​ര​ത്തി​യ​ത്. ഇ​തി​ൽ പ​കു​തി​യോ​ളം താ​ര​ങ്ങ​ളും ഇ​ന്ത്യ​യി​ൽ നി​ന്നാ​യി​രു​ന്നു. ക​ന്നി​മ​ത്സ​ര​ത്തി​നി​റ​ങ്ങി​യ ഇ​വ​രി​ൽ നി​ന്ന്​ അ​ത്​​ഭു​ത​ങ്ങ​ളൊ​ന്നും പ്ര​തീ​ക്ഷി​ച്ചി​ല്ലെ​ങ്കി​ലും എ​സ്. മ​ധു​മി​ത എ​ന്ന പാ​തി മ​ല​യാ​ളി അ​ട്ടി​മ​റി​യി​ലൂ​ടെ യു.​എ.​ഇ​യെ ഞെ​ട്ടി​ച്ചു. ക​സാ​ക്കി​സ്താ​ൻ താ​രം കാ​മി​ല സ്മ​ഗു​ലോ​വ​യെ എ​തി​രി​ല്ലാ​ത്തെ സെ​റ്റു​ക​ൾ​ക്ക്​ മ​റി​ക​ട​ന്നാ​ണ്​ ലോ​ക ബാ​ഡ്​​മി​ന്‍റ​ണി​ലെ യു.​എ.​ഇ​യു​ടെ ആ​ദ്യ ജ​യം മ​ധു​മി​ത​യി​ലൂ​ടെ യാ​ഥാ​ർ​ഥ്യ​മാ​യ​ത്.

ദു​ബൈ​യി​ലെ എ​ക്സ്​​ട്രാ സ്​​പോ​ർ​ട്​​സ്​ അ​ക്കാ​ദ​മി താ​ര​മാ​യ ഈ 15​കാ​രി ഏ​ഴ്​ വ​ർ​ഷം മു​ൻ​പാ​ണ്​ ബാ​ഡ്​​മി​ന്‍റ​ൺ കോ​ർ​ട്ടി​ലേ​ക്കെ​ത്തി​യ​ത്. പാ​ല​ക്കാ​ട്​ സ്വ​ദേ​ശി ഗാ​യ​ത്രി​യു​ടെ​യും മ​ധു​ര​ സ്വ​ദേ​ശി സു​ന്ദ​ര പാ​ണ്ഡ്യ​ന്‍റെ​യും മ​ക​ളാ​യ മ​ധു​മി​ത​ക്ക്​ സ​ർ​വ പി​ന്തു​ണ ന​ൽ​കു​ന്ന​തും മാ​താ​പി​താ​ക്ക​ൾ ത​ന്നെ​യാ​ണ്. 2018ൽ ​അ​ണ്ട​ർ 13 വി​ക്ട​ർ യു.​എ.​ഇ ബാ​ഡ്​​മി​ന്‍റ​ൺ ഗോ​ൾ​ഡ്​ ജൂ​നി​യ​ർ ചാ​മ്പ്യ​ൻ​ഷി​പ്പി​ൽ റ​ണ്ണ​ർ അ​പ്പാ​യ​തോ​ടെ​യാ​ണ് ദേ​ശീ​യ​ത​ല​ത്തി​ൽ ശ്ര​ദ്ധി​ക്ക​പ്പെ​ട്ട്​ തു​ട​ങ്ങി​യ​ത്. അ​തേ​വ​ർ​ഷം അ​ണ്ട​ർ 15 ദു​ബൈ ഇ​ന്‍റ​ർ​നാ​ഷ​ന​ൽ സീ​രീ​സി​ന്‍റെ ക്വാ​ർ​ട്ട​ർ ഫൈ​ന​ലി​ൽ എ​ത്തി. 2019ൽ ​ഒ​രു​പി​ടി ടൂ​ർ​ണ​മെ​ന്‍റു​ക​ളി​ൽ മ​ധു​മി​ത സ്മാ​ഷു​തി​ർ​ത്തു. അ​ണ്ട​ർ 13, 15 മ​ത്സ​ര​ങ്ങ​ളി​ലാ​യി ഏ​ഴ്​ ത​വ​ണ ക്വാ​ർ​ട്ട​ർ​ഫൈ​ന​ലി​ലെ​ത്തി. അ​ണ്ട​ർ 13 സ്പാ​ർ​ക്​ യോ​ന​ക്സ്​ ചാ​മ്പ്യ​ൻ​ഷി​പ്പി​ൽ സെ​മി​യി​ലും പ്ര​വേ​ശി​ച്ചു. 2020ൽ ​ഒ​രു​പ​ടി കൂ​ടി മു​ന്നി​ലേ​ക്ക്​ ക​യ​റി.

നാ​ല്​ ത​വ​ണ അ​ണ്ട​ർ 15, 17, 19 മ​ത്സ​ര​ങ്ങ​ളി​ൽ സെ​മി​യി​ലെ​ത്തി. പ​ല​പ്പോ​ഴും മു​തി​ർ​ന്ന​വ​രോ​ടാ​യി​രു​ന്നു പോ​രാ​ട്ടം. കോ​വി​ഡ്​ മൂ​ലം മ​ത്സ​ര​ങ്ങ​ൾ മു​ട​ങ്ങി​യെ​ങ്കി​ലും 2021ൽ ​കി​ട്ടി​യ അ​വ​സ​ര​ങ്ങ​ളി​ലെ​ല്ലാം വ​ര​വ​റി​യി​ച്ചു. സെ​ർ​ബി​യ​യി​ൽ ന​ട​ന്ന അ​ണ്ട​ർ 15 ഇ​ന്‍റ​ർ​നാ​ഷ​ന​ൽ സ്കൂ​ൾ ഫെ​ഡ​റേ​ഷ​ൻ മാ​ച്ചി​ൽ ചാ​മ്പ്യ​നാ​യ മ​ധു​മി​ത മി​ക്സ​ഡ്​ ഡ​ബി​ൾ​സി​ൽ റ​ണ്ണ​ർ അ​പ്പു​മാ​യി. ആ​ദ്യ വി​ദേ​ശ മ​ത്സ​രം ഇ​താ​യി​രു​ന്നു. ക​ഴി​ഞ്ഞ വ​ർ​ഷം ഇ​ന്ത്യ​യി​ലും എ​ത്തി ക​ഴി​വ്​ തെ​ളി​യി​ച്ചു. ട്രി​ച്ചി​യി​ലും തി​രു​പ്പൂ​രി​ലും ഗോ​വ​യി​ലു​മെ​ല്ലാം മ​ത്സ​രി​ക്കാ​നെ​ത്തി. യു.​എ.​ഇ​യി​ൽ ന​ട​ന്ന ഇ​ന്ത്യ ക്ല​ബ്ബ്​ യു.​എ.​ഇ ഓ​പ​ൺ ബാ​ഡ്​​മി​ന്‍റ​ണി​ൽ സിം​ഗി​ൾ​സി​ലും ഡ​ബി​ൾ​സി​ലും കി​രീ​ടം ചൂ​ടി. ഈ ​വ​ർ​ഷം ഇ​ന്ത്യ ക്ല​ബ്ബ്​ മ​ത്സ​ര​ത്തി​ൽ മൂ​ന്ന്​ സ്വ​ർ​ണ​മാ​ണ്​ മ​ധു​മി​ത നേ​ടി​യ​ത്. ഇ​തി​ന്​ പി​ന്നാ​ലെ​യാ​ണ്​ ഏ​ഷ്യ​ൻ മി​ക്സ​ഡ്​ ടീം ​ബാ​ഡ്​​മി​ന്‍റ​ണി​ലെ വി​ജ​യം.

മ​ത്സ​ര​ത്തി​ൽ യു.​എ.​ഇ ടീം ​പ​രാ​ജ​യ​പ്പെ​ട്ടെ​ങ്കി​ലും മ​ധു​മി​ത ഏ​റെ വാ​ഴ്ത്ത​പ്പെ​ട്ടു. ബി.​ഡ​ബ്ലി​യു.​എ​ഫ്​ സീ​രീ​സി​ലെ യു.​എ.​ഇ താ​ര​ത്തി​ന്‍റെ ആ​ദ്യ ജ​യ​മാ​യി​രു​ന്നു ഇ​ത്. ച​രി​ത്ര ജ​യം എ​ന്നാ​ണ്​ യു.​എ.​ഇ ബാ​ഡ്​​മി​ന്‍റ​ൺ ഫെ​ഡ​റേ​ഷ​ൻ ചീ​ഫ്​ നൂ​റ അ​ൽ ജാ​സ്മി ഇ​തി​നെ വി​ശേ​ഷി​പ്പി​ച്ച​ത്. ഇ​ന്ത്യ​ൻ എ​ക്സ​ല​ൻ​സ്​ പ്രൈ​വ​റ്റ്​ സ്കൂ​ളി​ലെ പ​ത്താം ത​രം വി​ദ്യാ​ർ​ഥി​യാ​യ മ​ധു​മി​ത പ​ത്താം ത​രം പ​രീ​ക്ഷ​ക്ക് തൊ​ട്ടു​മു​ൻ​പാ​ണ്​ ഏ​ഷ്യ​ൻ ചാ​മ്പ്യ​ൻ​ഷി​പ്പി​നി​റ​ങ്ങി​യ​ത്.

മ​ധു​മി​ത മാ​ത്ര​മ​ല്ല, മ​റ്റ്​ മ​ല​യാ​ളി താ​ര​ങ്ങ​ളും ടൂ​ർ​ണ​മെ​ന്‍റി​ൽ മി​ക​ച്ച പ്ര​ക​ട​ന​മാ​ണ്​ പു​റ​ത്തെ​ടു​ത്ത​ത്. യു.​എ.​ഇ ടീ​മി​ലെ 16 പേ​രി​ൽ ഏ​ഴ്​ താ​ര​ങ്ങ​ളും മ​ല​യാ​ളി ട​ച്ചു​ള്ള​വ​രാ​യി​രു​ന്നു. ദു​ബൈ എ​ക്സ്ട്രാ അ​ക്കാ​ദ​മി താ​ര​ങ്ങ​ളാ​യ അ​ക​ൻ​ഷ രാ​ജ്, ന​നോ​നി​ക രാ​ജേ​ഷ്, ദേ​വ് വി​ഷ്ണു, ഐ.​എ​ച്ച്.​എ​സ് ദു​ബൈ വി​ദ്യാ​ർ​ഥി ഋ​ഷ​ഭ് കാ​ളി​ദാ​സ​ൻ, ഇ​ന്ത്യ​ൻ അ​ക്കാ​ദ​മി സ്കൂ​ൾ വി​ദ്യാ​ർ​ഥി അ​ലീ​ന ഖാ​ത്തൂ​ൻ, ഡി.​പി.​എ​സ് ദു​ബൈ​യി​ലെ ഭ​ര​ത് ല​തീ​ഷ് എ​ന്നി​വ​രാ​ണ് യു.​എ.​ഇ​യു​ടെ ജ​ഴ്സി​യി​ൽ ക​ള​ത്തി​ലി​റ​ങ്ങി​യ​ത്. എ​ല്ലാ​വ​രു​ടെ​യും പ്ര​ക​ട​ന​ങ്ങ​ൾ ഏ​റെ അ​ഭി​ന​ന്ദ​ന​ങ്ങ​ൾ ഏ​റ്റു​വാ​ങ്ങി.