പെട്ടി ഓ​ട്ടോയിൽ മീൻ കച്ചവടം; ജീവിതപ്രതിസന്ധികളിൽ തളരാതെ ശ്രീദേവി

അ​ടൂ​ര്‍: പെ​ട്ടി ഓ​​ട്ടോ​യി​ൽ മീ​നു​മാ​യി എ​ത്തു​ന്ന ശ്രീ​ദേ​വി മ​റ്റു​ള്ള​വ​ർ​ക്ക്​ കൗ​തു​ക​ക്കാ​ഴ്​​ച​യാ​ണ്. ജീ​വി​ത പ്രാ​ര​ബ്​​ധ​ങ്ങ​ളോ​ടു​ള്ള പ​ട​പൊ​രു​ത​ലാ​ണ്​ ശ്രീ​ദേ​വി​ക്ക്​ മീ​ൻ​ക​ച്ച​വ​ടം.ഒ​ന്നു​മി​ല്ലാ​യ്മ​യി​ല്‍ ത​ള​രാ​തെ മ​ന​ക്ക​രു​ത്തു​കൊ​ണ്ട് പ്ര​തി​സ​ന്ധി​ക​ളെ അ​തി​ജീ​വി​ച്ച് നി​ത്യ​ജീ​വി​ത​വ​രു​മാ​നം ക​ണ്ടെ​ത്തു​ന്ന ഈ ​വീ​ട്ട​മ്മ ചെ​റു​വേ​ദ​ന​യി​ല്‍ ത​ള​രു​ന്ന സ്ത്രീ​ക​ള്‍ക്കൊ​രു പാ​ഠ​മാ​ണ്.

സ്വ​ന്ത​മാ​യു​ള്ള ഗു​ഡ്‌​സ് ഓ​ട്ടോ ത​നി​യെ ഓ​ടി​ച്ച് പു​ല​ര്‍ച്ച ആ​ല​പ്പു​ഴ​യി​ലോ നീ​ണ്ട​ക​ര​യി​ലോ എ​ത്തി മ​ത്സ്യം ശേ​ഖ​രി​ച്ചാ​ണ്​ പ​റ​ക്കോ​ട് ചി​ഞ്ചു ഭ​വ​നി​ല്‍ എ​സ്. ശ്രീ​ദേ​വി​യു​ടെ ദി​നം ആ​രം​ഭി​ക്കു​ന്ന​ത്. ദു​രി​തം മാ​ത്ര​മാ​യി​രു​ന്നു ശ്രീ​ദേ​വി​യു​ടെ കൂ​ട്ട്. ഭ​ര്‍ത്താ​വ് ഉ​പേ​ക്ഷി​ച്ച​തോ​ടെ കു​ടും​ബ​ഭാ​രം ത​ല​യി​ലാ​യി.

ഉ​പ​ജീ​വ​ന​ത്തി​നു തൊ​ഴി​ല്‍ തേ​ടി​യി​റ​ങ്ങു​ക​യാ​യി​രു​ന്നു. സ്വ​കാ​ര്യ സ്ഥാ​പ​ന​ത്തി​ലെ ജോ​ലി​യോ​ടൊ​പ്പം ഓ​ട്ടോ ഓ​ടി​ക്കാ​ന്‍ പ​ഠി​ച്ച് ലൈ​സ​ന്‍സ് നേ​ടി. വാ​യ്പ​യെ​ടു​ത്ത് പാ​സ​ഞ്ച​ർ ഓ​ട്ടോ വാ​ങ്ങി. ഓ​ട്ടോ മ​റി​ഞ്ഞ് അ​പ​ക​ടം ഉ​ണ്ടാ​യി​ട്ടും അ​വ​ര്‍ ത​ള​ര്‍ന്നി​ല്ല. ഇ​തു​കൊ​ണ്ടു​മാ​ത്രം ജീ​വി​തം മു​ന്നോ​ട്ട്​ കൊ​ണ്ടു​പോ​കാ​ന്‍ ക​ഴി​യാ​തെ വ​ന്ന​തോ​ടെ ഹോ​ട്ട​ല്‍ ന​ട​ത്തി. അ​തി​ലും പ്ര​തി​സ​ന്ധി നേ​രി​ട്ടു. മ​ക​ളെ വി​വാ​ഹം ചെ​യ്ത​യ​ച്ച​തോ​ടെ സ​ഹാ​യ​ത്തി​ന് ആ​ളി​ല്ലാ​തെ ആ​യി. അ​തോ​ടെ ഹോ​ട്ട​ല്‍ പൂ​ട്ടി വീ​ണ്ടും ഓ​ട്ടോ​യു​മാ​യി നി​ര​ത്തി​ല്‍ ഇ​റ​ങ്ങി.

കോ​വി​ഡ് കാ​ല​ത്ത് ഓ​ട്ട​മി​ല്ലാ​താ​യ​തോ​ടെ ഓ​ട്ടോ വി​റ്റ് ഗു​ഡ്‌​സ് ഓ​ട്ടോ വാ​ങ്ങി മീ​ന്‍ ക​ച്ച​വ​ടം തു​ട​ങ്ങു​ക​യാ​യി​രു​ന്നു. പ​റ​ക്കോ​ട്, ഹൈ​സ്‌​കൂ​ള്‍, ശ​ക്തി തി​യ​റ്റ​ര്‍, ഏ​ഴം​കു​ളം ക​വ​ല​ക​ള്‍ കേ​ന്ദ്രീ​ക​രി​ച്ചാ​ണ് ക​ച്ച​വ​ടം. ക​നാ​ല്‍ പു​റ​മ്പോ​ക്കി​ലെ കു​ടി​ലി​ല്‍ ക​ഴി​ഞ്ഞാ​ണ് മ​ക​ളെ വ​ള​ര്‍ത്തി​യ​തും ജീ​വി​തം മു​ന്നോ​ട്ടു കൊ​ണ്ടു​പോ​യ​തും. ഭൂ​മി​ക്കു പ​ട്ട​യം ല​ഭി​ച്ചി​ട്ടി​ല്ല. സ്വ​ന്ത​മാ​യി അ​ല്‍പം സ്ഥ​ല​വും അ​തി​ലൊ​രു കൂ​ര​യും ശ്രീ​ദേ​വി​യു​ടെ സ്വ​പ്‌​ന​മാ​ണ്.