പ്രവൃത്തി പരിചയമേളയിൽ തിളങ്ങി ബങ്കളത്തെ സഹോദരിമാർ

നീലേശ്വരം: എറണാകുളത്ത് സമാപിച്ച സ്‌കൂള്‍ ശാസ്ത്രമേളയില്‍ ഹൈസ്‌കൂള്‍ വിഭാഗം മെറ്റല്‍ എന്‍ഗേവിങ്ങില്‍ കക്കാട്ട് ഗവ. ഹയര്‍സെക്കൻഡറി സ്‌കൂളിലെ കെ. ആര്യനന്ദ ഒന്നാം സ്ഥാനം നേടി. ഇത് രണ്ടാം തവണയാണ് ആര്യനന്ദ സംസ്ഥാന പ്രവൃത്തിപരിചയമേളയില്‍ ഒന്നാം സ്ഥാനം നേടുന്നത്.

കോവിഡിനു മുമ്പ് കോഴിക്കോട്ട് നടന്ന സംസ്ഥാന സ്‌കൂള്‍ ശാസ്ത്രമേളയില്‍ യു.പി വിഭാഗത്തില്‍ ആര്യനന്ദ ഒന്നാം സ്ഥാനം നേടിയിരുന്നു. ആ വർഷം സഹോദരി ആദിത്യ ഹൈസ്‌കൂള്‍ വിഭാഗത്തിലും ഒന്നാംസ്ഥാനം നേടിയിരുന്നു. ബങ്കളം ദിവ്യംപാറയിലെ കെ. അശോകന്‍-സി. രജനി ദമ്പതികളുടെ മക്കളാണ് ഇരുവരും.