പെൺകരുത്തിന്‍റെ പേരാണ്​ സിന്ധു

ജീ​വി​ത​ദു​രി​ത​ങ്ങ​ളോ​ട്​ പ​ട​വെ​ട്ടി മു​ന്നേ​റു​ക​യാ​ണ്​ സി​ന്ധു. കു​ടും​ബ​ത്തി​ന്‍റെ ന​ട്ടെ​ല്ലാ​യി​രു​ന്ന ഭ​ര്‍ത്താ​വ് മ​ണ്ണ​ടി പു​ത്ത​ന്‍കാ​ലാ​യി​ല്‍ കെ.​ബി. സു​ധാ​ക​ര​ൻ രോ​ഗ​ശ​യ്യ​യി​ലാ​യ​താ​ണ്​ ജീ​വി​തം മാ​റ്റി​മ​റി​ച്ച​ത്​. ഇ​തോ​ടെ​യാ​ണ്​ ര​ണ്ട്​ മ​ക്ക​ളു​ടെ ഏ​ക ആ​ശ്ര​യ​മാ​യ ഇ​വ​ർ സ്വ​യം​തൊ​ഴി​ല്‍ ക​ണ്ടെ​ത്തി അ​തി​ജീ​വ​ന​മാ​ർ​ഗം തു​റ​ന്ന​ത്.

ഇ​പ്പോ​ൾ ക​ട​മ്പ​നാ​ട് പ​ഞ്ചാ​യ​ത്ത് എ​ട്ടാം വാ​ര്‍ഡ് അം​ഗം കൂ​ടി​യാ​ണ്. വി​ദേ​ശ​ത്ത്​ ജോ​ലി ചെ​യ്തി​രു​ന്ന സു​ധാ​ക​ര​ൻ പ്ര​വാ​സം അ​വ​സാ​നി​പ്പി​ച്ച്​ ഏ​നാ​ത്ത് സ്റ്റാ​ന്‍ഡി​ലെ ഓ​ട്ടോ ഡ്രൈ​വ​റാ​യി. സി​ന്ധു ചൂ​ര​ക്കോ​ട് സ്വ​കാ​ര്യ ക​മ്പ​നി​യി​ല്‍ ജോ​ലി​ക്കാ​രി​യും. ഇ​തി​നി​ടെ നാ​ലു​വ​ര്‍ഷം മു​മ്പ് മ​സ്തി​ഷ്​​കാ​ഘാ​തം പി​ടി​പെ​ട്ട് സു​ധാ​ക​ര​ന്‍ ഇ​ട​തു​വ​ശം ത​ള​ര്‍ന്ന്​ കി​ട​പ്പാ​യി.

ഭ​ര്‍ത്താ​വി​നെ ശു​ശ്രൂ​ഷി​ച്ച് ബാ​ക്കി കി​ട്ടു​ന്ന സ​മ​യ​ങ്ങ​ളി​ല്‍ ജോ​ലി​ക്കു​പോ​യി​രു​ന്ന സി​ന്ധു​വി​ന് സ്വ​ന്ത​മാ​യി വ​രു​മാ​ന​മാ​ര്‍ഗം ക​ണ്ടെ​ത്തേ​ണ്ടി​വ​ന്നു. സ്വ​കാ​ര്യ സ്ഥാ​പ​ന​ത്തി​ലെ പ​രി​ച​യം ഇ​തി​ന്​ പ്ര​ചോ​ദ​ന​മാ​യി.

പ​ഞ്ചാ​യ​ത്തി​ലെ മി​ക്ക വീ​ടു​ക​ളി​ലും അ​വ​ശ്യ സാ​ധ​ന​ങ്ങ​ള്‍ എ​ത്തി​ച്ചു​കൊ​ടു​ക്കു​ന്ന​ത് ഇ​പ്പോ​ൾ സി​ന്ധു​വാ​ണ്. ഒ​പ്പം കാ​റ്റ​റി​ങ്ങു​മു​ണ്ട്. എ​ട്ട് വി​ദ്യാ​ല​യ​ങ്ങ​ളി​ല്‍ പ്ര​ഭാ​ത​ഭ​ക്ഷ​ണ​വും ഉ​ണ്ടാ​ക്കി എ​ത്തി​ച്ചു​കൊ​ടു​ക്കു​ന്നു. അ​രി​യും പ​ല​ച​ര​ക്കു​സാ​ധ​ന​ങ്ങ​ളും പ​ച്ച​ക്ക​റി​ക​ളും എ​ല്ലാം വാ​ങ്ങി വീ​ടു​ക​ള്‍തോ​റും എ​ത്തി​ച്ചു​കൊ​ടു​ക്കു​ന്ന ഹോം ​ഡെ​ലി​വ​റി ഏ​ജ​ന്‍റി​നെ നാ​ട്ടു​കാ​ർ​ക്കും വി​ശ്വാ​സ​മാ​ണ്.

ബി​രു​ദ​വി​ദ്യാ​ര്‍ഥി​യാ​യ മ​ക​ന്‍ സ​ഞ്ജ​യ്, ഒ​മ്പ​താം ക്ലാ​സ് വി​ദ്യാ​ര്‍ഥി​യാ​യ സാ​യ​ന്ത് എ​ന്നി​വ​രും അ​മ്മ​യെ സ​ഹാ​യി​ക്കാ​ൻ മു​ന്നി​ലു​ണ്ട്. 2020ലെ ​ത​ദ്ദേ​ശ സ്വ​യം​ഭ​ര​ണ തെ​ര​ഞ്ഞെ​ടു​പ്പി​ല്‍ സി.​പി.​എ​മ്മാ​ണ്​ സി​ന്ധു​വി​ന് എ​ട്ടാം വാ​ര്‍ഡി​ല്‍ സീ​റ്റ് ന​ല്‍കി​യ​ത്. ഇ​ങ്ങ​നെ​യൊ​രു ജ​ന​പ്ര​തി​നി​ധി​യെ ല​ഭി​ച്ച​തി​ല്‍ വാ​ര്‍ഡു​നി​വാ​സി​ക​ളും സ​ന്തു​ഷ്ട​രാ​ണ്.