രമണി ടീച്ചർ വെറും പുലിയല്ല

​തൃശൂരിൽ കഴിഞ്ഞ വർഷം നടന്ന പുലികളിയിൽ 12 പെൺപുലികളുടെ കൂട്ടത്തിൽ ദേശീയ അധ്യാപക അവാർഡ്​ ജേതാവ്​ കൂടിയായ ര മണി ടീച്ചറുമുണ്ടായിരുന്നു. എന്നാൽ കേവലം പുലികളിയിൽ മാത്രം ഒതുക്കി നിർത്താൻ കഴിയില്ല ടീച്ചറിനെ. വിങ്​സ്​, ദയ തു ടങ്ങിയ സംഘടനകളുടെ മുൻനിരയിൽ ടീച്ചറുണ്ട്​. വിരമിച്ച​ ശേഷം എന്ത്​ എന്ന്​ ചിന്തിക്കുന്നവർക്ക്​ മാതൃകയാക്കാൻ കഴ ിയുന്നതാണ്​ ദേശീയ അധ്യാപക അവാർഡ്​ ജേതാവ്​ കൂടിയായ രമണി ടീച്ചറുടെ ജീവിതം.

അത്ര എളുപ്പമല്ല പുലിയാകാൻ < /p>

തൃശൂരിൽ പത്തോളം വരുന്ന ദേശങ്ങളുടെ നേതൃത്വത്തിലാണ്​ പുലികളി നടക്കുന്നത്​. ഇൗ ദേശങ്ങളുടെ ടീമുകളിലൊന്നില െങ്കിലും അംഗമായാൽ മാത്രമേ പുലികളിയുടെ ഭാഗമാഗാനാവു. പെൺപുലികളെ ടീമിലുൾപ്പെടുത്താൻ ആദ്യം ആരും തയാറായിരുന്നില ്ല. പരിശീലനത്തിൽ കൃത്യമായി പ​െങ്കടുക്കുമോ, നല്ല കായിക ശേഷി ആവശ്യമായ പുലികളി സ്​ത്രീകൾക്ക്​ വഴങ്ങുമോ, പുരുഷാരം ഒത്തുകൂടുന്ന പുലികളിയിൽ പെൺപുലികളെ എങ്ങനെയാണ്​ സ്വീകരിക്കുക തുടങ്ങി നിരവധി സംശയങ്ങളും ദേശങ്ങൾക്കുണ്ടായിരുന്നു. എന്നാൽ പെൺപുലികളെ പൂർണമായി വിശ്വാസത്തിലെടുത്ത്​ ടീമിലെടുക്കാൻ കോട്ടപ്പുറം ദേശം തയാറായതോടെ പെൺപുലികളുടെ വരവിന്​ കളമൊരുങ്ങി.

പുലികളിക്ക്​ മുമ്പ്​ കൃത്യമായ പരിശീലനം ആവശ്യമായിരുന്നു. ഇതിലെല്ലാം തന്നെ സജീവമായി പ​െങ്കടുക്കാൻ കഴിഞ്ഞതായി രമണിടീച്ചർ പറയുന്നു. പുലികളുടെ ചലനങ്ങൾ മനിസിലാക്കുന്നതിന്​ മൃഗശാലയിൽ വരെ പോയി.

പുലികളിയുടെ ദിവസം ഏറ്റവും കഠിനം ചായം തേച്ചുള്ള നിൽപ്പാണെന്ന്​ രമണി ടീച്ചർ. ഏകദേശം അഞ്ച്​ മണിക്കൂർ വരെ ഇത്തരത്തിൽ ചായം തേച്ച്​ കാത്തിരിക്കണം. കൈ കാലുകൾ അനക്കാതെയുള്ള ഇൗ നിൽപ്പ്​ ആദ്യം അൽപം പ്രശ്​നം സൃഷ്​ടിച്ചുവെങ്കിലും പിന്നീട്​ അതുമായി ഇണങ്ങിയെന്ന്​ ടീച്ചർ. കനത്ത മഴയിലും പുലിയായി തൃശൂരിലിറങ്ങിയപ്പോൾ ക്ഷീണമറിഞ്ഞതെയില്ലെന്ന്​ രമണി ടീച്ചർ പറയുന്നു. കാണികളായെത്തിവരിൽ നിന്നും ലഭിച്ചത്​ സമ്പുർണ സഹകരണം.

സ്​ത്രീശാക്​തികരണത്തിന്​ മാതൃകയായി വിങ്​സ്​
സിവിൽ ​പൊലീസ്​ ഒാഫീസർ വിനയ, അഡ്വക്കറ്റ്​ ദിവ്യ ദിവാകർ, സുധ എന്നിവരുടെ നേതൃത്വത്തിലാണ്​ വിങ്​സ്​ ആരംഭിക്കുന്നത്​. വിങ്​സി​​െൻറ പാലക്കാട്​ ജില്ലയിലെ സജീവ സാന്നിധ്യമാണ്​ രമണി ടീച്ചർ. കായിക മേഖലയിലൂടെ സ്​ത്രീശാക്​തികരണം ഇതാണ്​ വിങ്​സി​​െൻറ പ്രഖ്യാപിത ലക്ഷ്യങ്ങളിലൊന്ന്​. പുരുഷൻമാർക്കൊപ്പം തന്നെ കായികശേഷി സ്​ത്രീകൾക്കുമുണ്ടാവാൻ ഇത്തരം ശ്രമങ്ങളിലൂടെ സാധിക്കുമെന്നാണ്​ പ്രതീക്ഷയെന്ന്​ രമണി ടീച്ചർ.

കാരുണ്യ സ്​പർശമായി ദയ
പാലക്കാട്​ ജില്ലയിലെ ഒരു ചെറുഗ്രാമത്തിൽ ആരംഭിച്ച ദിശ ഇന്ന്​ നിരവധി പേർക്ക്​ ആശ്വാസമാകുന്നു​. സാമൂഹിക മാധ്യമങ്ങളുടെ സഹായത്തോടെ നിരവധി പേർക്ക്​ സഹായമെത്തിക്കാൻ സംഘടനക്ക്​ സാധിക്കുന്നുണ്ട്​. ദയ ചാരിറ്റബൾ ട്രസ്​റ്റി​​െൻറ ട്രഷററാണ്​ രമണി ടീച്ചറിപ്പോൾ. പ്രതിമാസം ഒര​​ു രോഗിക്കെങ്കിലും 10,000 രൂപ സഹായമെത്തിക്കാൻ ദയക്ക്​ കഴിയുന്നുണ്ടെന്ന്​ പറയു​​േമ്പാൾ ടീച്ചർക്ക്​ അഭിമാനം. അനാഥ പെൺകുട്ടികളുടെ വിവാഹം, പാവപ്പെട്ടവർക്ക്​ വീട്​ നൽകൽ ഇത്തരത്തിൽ ദയയുടെ കാൻവാസ്​ അനുദിനം വലുതാവുകയാണ്​​.

കാലത്തിന്​ മു​േമ്പ നടന്ന പ്രധാനാധ്യാപിക
​
സ്​കൂളുകളുടെ ഡിജിറ്റിൽവത്​കരണവും പൊതുവിദ്യാഭ്യാസ സംരക്ഷണവുമെല്ലാം ഇന്നത്തെ പ്രധാന ചർച്ച വിഷയങ്ങളാണ്​. എന്നാൽ വർഷങ്ങൾക്ക്​ മുമ്പ്​ തന്നെ ഇൗ രീതിയിൽ മുന്നേറി നേട്ടങ്ങ​ളേറെ സമ്പാദിച്ച സ്​കൂളാണ്​ രമണി ടീച്ചർ പ്രധാനാധ്യാപികയായിരുന്നു ബമ്മണൂർ യു.പി സ്​കൂൾ. ഡിജിറ്റിൽവത്​കരണം, ജൈവ പ​ച്ചക്കറി തോട്ടം, ഹരിത വിദ്യാലയം തുടങ്ങി എണ്ണിയാലൊടുങ്ങാത്ത പദ്ധതികളാണ്​ ടീച്ചർ സ്​കുളിൽ നടപ്പിലാക്കിയത്​. സ്കൂളിലെ വിദ്യാർഥികളുടെ രക്ഷിതാക്കൾക്ക്​ തൊഴിൽ പരിശീലനം നൽകി വ്യത്യസ്​തമായ ഒരു മാതൃകയും ഇൗ വിദ്യാലയം സൃഷ്​ടിച്ചു. ഇൗ പദ്ധതി പ്രകാരം പരീശീലനം ലഭിച്ച രണ്ട്​ വീട്ടമ്മമാർ സർക്കാറി​​െൻറ നീര പദ്ധതി നീര കീഴിൽ തെങ്ങ്​ കയറ്റതൊഴിലാളികളായി ജോലി നോക്കുന്നു. ഇങ്ങനെ സ്​കൂളി​​െൻറ വികസനത്തിലൂടെ ഗ്രാമത്തി​​െൻറ മൊത്തം വികസനം ടീച്ചർ നടപ്പിലാക്കാൻ ശ്രമിച്ചത്​.
അർഹതക്കുള്ള അംഗീകാരമായി​ മികച്ച അധ്യാപികക്കുള്ള ദേശീയ അവാർഡ്​ ടീച്ചറെ തേടിയെത്തിയത്​. മുൻ രാഷ്​ട്രപതി പ്രണബ്​ മുഖർജയിൽ നിന്ന്​ അവാർഡ്​ സ്വീകരിക്കാൻ കഴിഞ്ഞത്​ ജീവതത്തിലെ മഹാഭാഗ്യമായി കരുതുന്നതായി രമണി ടീച്ചർ.

പിന്തുണയുമായി കുടുംബം
സാമൂഹിക പ്രവർത്തനവുമായി രംഗത്തിറങ്ങിയപ്പോൾ പിന്തിരിപ്പിക്കാൻ നിരവധി പേരുണ്ടായിരുന്നു. നല്ല കമൻറുകളേക്കാൾ മോശമായവയാണ്​ പലപ്പോഴും കേൾക്കേണ്ടി വന്നത്​. ഇതെല്ലാം മറന്ന്​ മുന്നോട്ട്​ പോവാൻ സഹായച്ചത്​ ഭർത്താവി​​െൻറയും മക്കളുടെയും പൂർണ പിന്തുണയാണെന്ന്​ ടീച്ചർ. ഇനിയും മുന്നോട്ട്​ കുതിക്കാൻ കരുത്ത്​ പകരുന്നതും ഇൗ പിന്തുണ തന്നെ.

സ്​കൂളിൽ അധ്യാപികയായായി ജോലി നോക്കിയിരുന്നതിനേക്കാളും തിരിക്കിലാണ്​ താനിപ്പോൾ എന്നാണ്​ രമണി ടീച്ചറുടെ പക്ഷം. എങ്കിലും കിട്ടുന്ന സമയം വെറുതെ കളയാൻ ടീച്ചറില്ല. അത്​ പരമാവധി എങ്ങനെ മറ്റുളളവരെ സഹായിക്കാൻ ഉപയോഗിക്കാം എന്നാണ്​ ടീച്ചർ നോക്കുന്നത്​. ദയയിലും വിങ്​സിലുമെല്ലാം കൂടുതൽ സജീവമാവണമെന്നാണ്​ ടീച്ചറുടെ ആഗ്രഹം. നമ്മുടെ ജീവിതം മറ്റുള്ളവർക്ക്​ പ്രയോജനപ്പെടുത്തുന്നതല്ലെ ഏറ്റവും സന്തോഷം തരുന്നത്​ ഒരു ചെറുചിരിയോടെ ടീച്ചർ ചോദിച്ചു.