You are here

നോമ്പുകാലത്ത് ഡൽഹി കണ്ട കദീശുമ്മ

11:17 AM
13/06/2018
Kadeesu
കദീശുമ്മ

2011ലെ ​നോ​മ്പു​ കാ​ല​ത്താ​ണ് 80 വ​യ​സ്സു​പി​ന്നി​ട്ട മ​ല​പ്പു​റം അ​രീ​ക്കോ​ടി​ന​ടു​ത്ത കു​നി​യി​ല്‍ ക​ട​വ് എ​റ​ന്തൊ​ടി​യി​ലെ ക​ദീ​ശു​മ്മ ഡ​ല്‍ഹി ചു​റ്റി​യ​ടി​ച്ചു ക​ണ്ട​ത്. കീ​ഴു​പ​റ​മ്പ് പ​ഞ്ചാ​യ​ത്ത് ന​ട​പ്പാ​ക്കി​യ അ​ക്ഷ​ര​ദീ​പം തു​ട​ര്‍സാ​ക്ഷ​ര​ത പ​ദ്ധ​തി​യു​ടെ പ​ഠി​താ​വാ​യ ക​ദീ​ശു​മ്മ നാ​ലാം​ത​രം പ​രീ​ക്ഷ​യെ​ഴു​തി ഫ​ലം കാ​ത്തി​രി​ക്കു​ന്ന സ​മ​യം. അ​പ്പോ​ഴാ​ണ് രാ​ഷ്​​ട്ര​പ​തി ഭ​വ​നി​ല്‍ ന​വ​സാ​ക്ഷ​ര​ര്‍ക്കാ​യി ഒ​രു​ക്കു​ന്ന സ്നേ​ഹ​വി​രു​ന്നി​ല്‍ പ​ങ്കെ​ടു​ക്കാ​ന്‍ വി​ളി വ​ന്ന​ത്. 

26 സം​സ്ഥാ​ന​ങ്ങ​ളി​ല്‍നി​ന്നും ഒ​മ്പ​ത്​ കേ​ന്ദ്ര​ഭ​ര​ണ പ്ര​ദേ​ശ​ങ്ങ​ളി​ല്‍നി​ന്നു​മാ​യി 103 പേ​രാ​ണ് ച​ട​ങ്ങി​ല്‍ പ​ങ്കെ​ടു​ക്കാ​െ​ന​ത്തി​യ​ത്. കേ​ര​ള​ത്തി​ല്‍ നി​ന്നു​ള്ള മൂ​ന്നു​പേ​രി​ല്‍ ഒ​രാ​ളാ​യി​രു​ന്നു ക​ദീ​ശു​മ്മ. വ​യ​നാ​ട് ജി​ല്ല​യി​ല്‍ നി​ന്നു​ള്ള ബി​ന്ദു ദാ​മോ​ദ​ര​ന്‍, ഉ​ഷ കേ​ളു എ​ന്നി​വ​രാ​യി​രു​ന്നു മ​റ്റു ര​ണ്ടു​പേ​ര്‍. സം​സ്ഥാ​ന സാ​ക്ഷ​ര​ത മി​ഷ​ന്‍ അ​സി​സ്​​റ്റ​ൻ​റ്​ ഡ​യ​റ​ക്ട​റാ​യി​രു​ന്ന ശ്രീ​കു​മാ​രി​യും ഒ​പ്പ​മു​ണ്ടാ​യി​രു​ന്നു. ച​ട​ങ്ങി​ല്‍ പ​ങ്കെ​ടു​ത്ത​വ​രി​ല്‍ ഏ​റ്റ​വും പ്രാ​യ​മു​ള്ള വ്യ​ക്തി​യും ക​ദീ​ശു​മ്മ​യാ​യി​രു​ന്നു. അ​ന്ന​വ​ര്‍ക്ക് 75 വ​യ​സ്സു​ണ്ട്. 

നോ​മ്പ് 28ന് ​വെ​ള്ളി​യാ​ഴ്ച ഷൊ​ര്‍ണൂ​ര്‍ റെ​യി​ല്‍വേ സ്​േ​റ്റ​ഷ​നി​ല്‍ നി​ന്നാ​യി​രു​ന്നു ട്രെ​യി​ന്‍ ക​യ​റി​യ​ത്. ട്രെ​യി​ന്‍ ക​യ​റി​യ​പ്പോ​ഴേ​ക്കും മ​ഗ്​​രി​ബ്​ ബാ​ങ്ക്​ വി​ളി​ച്ചു. നോ​മ്പു​തു​റ​ക്കാ​നു​ള്ള വി​ഭ​വ​ങ്ങ​ളാ​യ ഇ​റ​ച്ചി​യും പ​ത്തി​രി​യും ക​രു​തി​യി​രു​ന്നു. കൂ​ടെ​യു​ള്ള ഉ​ഷ കേ​ളു​വി​നും ബി​ന്ദു​വി​നും ഭ​ക്ഷ​ണം വേ​ണ്ടെ​ന്നു പ​റ​ഞ്ഞ​തി​നാ​ല്‍ ക​ദീ​ശു​മ്മ ഒ​റ്റ​ക്ക് നോ​മ്പു തു​റ​ന്നു. ഭ​ക്ഷ​ണം കു​റ​ച്ച് ബാ​ക്കി​വ​ന്നു. നോ​മ്പു​വി​ഭ​വം ക​ള​യാ​ന്‍ മ​ന​സ്സു​വ​ന്നി​ല്ല.  ട്രെ​യി​നി​ലു​ള്ള മ​റ്റു യാ​ത്ര​ക്കാ​ർ​ക്കു ന​ൽ​കി. യാ​ത്ര​ക്കാ​രി​യെ​ന്ന ഇ​ള​വു​ള്ള​തി​നാ​ൽ ര​ണ്ടു ദി​വ​സ​ത്തെ നോ​മ്പു​ക​ള്‍  എ​ടു​ത്തി​ല്ല.  ഞാ​യ​റാ​ഴ്ച രാ​വി​ലെ 10 മ​ണി​യോ​ടെ​യാ​ണ്  ഡ​ല്‍ഹി​യി​െ​ല​ത്തി​യ​ത്.  

khadeeshumma
മുൻ രാ​ഷ്​​ട്ര​പ​തി പ്രതിഭ പാട്ടീലിനൊപ്പം കദീശുമ്മ (ഫയൽ)
 


തി​ങ്ക​ളാ​ഴ്ച രാ​വി​ലെ​യാ​ണ് രാ​ഷ്​​ട്ര​പ​തി​യു​ടെ ഓ​ഫി​സി​െ​ല​ത്തി​യ​ത്. പാ​ട്ടും ഡാ​ന്‍സു​മൊ​ക്കെ​യു​ണ്ട്. അ​ന്നാ​യി​രു​ന്നു കേ​ര​ള​ത്തി​ല്‍ പെ​രു​ന്നാ​ള്‍. ഞ​ങ്ങ​ള​ന്ന് ഡ​ല്‍ഹി​യി​ല്‍ പെ​രു​ന്നാ​ള്‍ ആ​ഘോ​ഷി​ച്ചു. ചൊ​വ്വാ​ഴ്ച​യാ​ണ് രാ​ഷ്​​ട്ര​പ​തി ഭ​വ​നി​ലേ​ക്ക് പോ​യ​ത്. അ​ടി​മു​ടി പ​രി​ശോ​ധ​ന​യു​ണ്ട്. മൂ​ന്നു​നി​ല ചു​റ്റു​കോ​ണി​ക​ള്‍ ക​യ​റി. അ​വി​ടെ​യു​ള്ള ച​രി​ത്ര​വ​സ്തു​ക്ക​ള്‍ മു​ഴു​വ​ന്‍ ക​ണ്ടു. മു​ക​ളി​ല്‍നി​ന്ന് രാ​ഷ്​​ട്ര​പ​തി താ​ഴേ​െ​ക്ക​ത്തി. രാ​ഷ്​​ട്ര​പ​തി​യു​ടെ ഭ​ര്‍ത്താ​വും കൂ​ടെ​യു​ണ്ടാ​യി​രു​ന്നു. എ​ല്ലാ​വ​രും​കൂ​ടി ഞ​ങ്ങ​ള്‍ക്കൊ​പ്പം ഫോ​ട്ടോ​യെ​ടു​ത്തു. പി​ന്നീ​ട് ഞ​ങ്ങ​ളെ സ്ഥ​ലം കാ​ണി​ക്കാ​ന്‍ കൊ​ണ്ടു​പോ​യി. ഇ​ന്ത്യാ ഗേ​റ്റ്, നെ​ഹ്റു പാ​ര്‍ക്ക്, മു​ഗ​ള്‍ ഗേ​റ്റ് തു​ട​ങ്ങി​യ​വ​യെ​ല്ലാം ക​ണ്ടു. അ​തി​നു​ശേ​ഷം രാ​ത്രി രാ​ഷ്​​ട്ര​പ​തി​യു​ടെ വീ​ട്ടി​ലാ​യി​രു​ന്നു ഞ​ങ്ങ​ള്‍ക്ക് വി​രു​ന്ന്. കൈ ​ക​ഴു​കാ​ന്‍ വെ​ള്ള​മൊ​ന്നും കി​ട്ടി​യി​ല്ലെ​ന്ന് ക​ദീ​ശു​മ്മ പ​റ​ഞ്ഞു. ക​ട​ലാ​സ് പ്ലേ​റ്റി​ല്‍നി​ന്ന് സ്പൂ​ണ്‍ കൊ​ണ്ട് നി​ന്ന് കോ​രി​ക്ക​ഴി​ക്ക​ണം.

ഇ​ന്ത്യ​യെ കു​റി​ച്ചു​ള്ള പു​സ്ത​ക​ങ്ങ​ള​ട​ങ്ങി​യ സ​ഞ്ചി​യാ​യി​രു​ന്നു രാ​ഷ്​​ട്ര​പ​തി​യു​ടെ ഓ​ഫി​സി​ല്‍ നി​ന്ന് ക​ദീ​ശു​മ്മ​ക്കും സം​ഘ​ത്തി​നും കി​ട്ടി​യ സ​മ്മാ​നം. അ​തി​പ്പോ​ഴും സൂ​ക്ഷി​ച്ചു​വെ​ച്ചി​ട്ടു​ണ്ട്.  വാ​ര്‍ത്ത വ​ന്ന പ​ത്ര​ങ്ങ​ളു​ടെ ക​ട്ടി​ങ്ങു​ക​ളും ഫോ​ട്ടോ​ക​ളു​മ​ട​ക്കം  ആ​ല്‍ബം ത​ന്നെ​യു​ണ്ട് അ​വ​രു​ടെ കൈ​യി​ല്‍. അ​ഞ്ചു ദി​വ​സ​ത്തെ യാ​ത്ര​ക്കു​ശേ​ഷം കൂ​ടെ​യു​ള്ള​വ​ര്‍ ചോ​ദി​ച്ചു ‘‘ഡ​ല്‍ഹി ക​ണ്ട​ല്ലോ... ക​ദീ​ശു​മ്മ​ക്ക് ഇ​നി​യെ​ന്താ​ണ് ആ​ഗ്ര​ഹം? മ​ക്ക​യി​ല്‍ പോ​യി ഹ​ജ്ജ് ചെ​യ്യ​ണം.

അ​താ​ണി​നി ജീ​വി​ത​ത്തി​ലെ ഏ​ക ആ​ഗ്ര​ഹം’’. ആ​ഗ്ര​ഹം​പോ​ലെ അ​തേ​വ​ര്‍ഷം​ത​ന്നെ ക​ദീ​ശു​മ്മ ഹ​ജ്ജ് നി​ര്‍വ​ഹി​ച്ചു. ഹ​ജ്ജ് ക​ഴി​ഞ്ഞ​യു​ട​ന്‍ ജി​ദ്ദ​യി​ല്‍ മ​ല​യാ​ളി​ക​ളു​ടെ സ്വീ​ക​ര​ണ യോ​ഗ​ങ്ങ​ളി​ലും പ​ങ്കെ​ടു​ത്തു. ഡ​ല്‍ഹി​യി​ല്‍നി​ന്ന്​ വ​ന്ന​ശേ​ഷം നാ​ട്ടി​ലെ താ​ര​മാ​യി മാ​റി ക​ദീ​ശു​മ്മ. ഇ​പ്പോ​ഴും ഉ​ദ്ഘാ​ട​ന​ങ്ങ​ള്‍ക്ക് ക്ഷ​ണി​ക്കാ​റു​ണ്ട്. അ​ക്ഷ​ര​ങ്ങ​ളാ​ണ് ത​ന്നെ നാ​ലാ​ള​റി​യാ​നി​ട​യാ​ക്കി​യ​തെ​ന്ന് ക​ദീ​ശു​മ്മ പ​റ​യും.

COMMENTS