ഓട്ടം മുടക്കാത്ത ജയജീവിതം

തേ​ഞ്ഞി​പ്പ​ലം: ജീ​വി​ത​ത്തി​ന്റെ ഓ​ട്ടം എ​വി​ടെ​യും മു​ട​ങ്ങി​നി​ൽ​ക്ക​രു​തെ​ന്ന് രാ​ജി​ക്ക് നി​ർ​ബ​ന്ധ​മാ​ണ്. അ​തു​കൊ​ണ്ടാ​ണ് ഒ​രു മ​ടി​യു​മി​ല്ലാ​തെ ഓ​ട്ടോ ഡ്രൈ​വ​റാ​യ​ത്. ദൃ​ഢ​നി​ശ്ച​യ​വും ആ​ത്മ​വി​ശ്വാ​സ​വും കൈ​മോ​ശം വ​രാ​തെ രാ​ത്രി​യും പ​ക​ലു​മാ​യി ആ​യി​ര​ക്ക​ണ​ക്കി​ന് കി​ലോ​മീ​റ്റ​റു​ക​ൾ ഓ​ട്ടോ​റി​ക്ഷ ഓ​ടി​ച്ചു. രാ​ജി എ​ന്ന​റി​യ​പ്പെ​ടു​ന്ന തേ​ഞ്ഞി​പ്പ​ലം പാ​ണ​മ്പ്ര​യി​ൽ കു​ന്ന​ത്താ​ട്ട് പ​റ​മ്പി​ൽ ജ​യ് മ​ഹേ​ശ്വ​രി ജ​ന​കീ​യ ടാ​ക്സി​യു​ടെ സാ​ര​ഥി​യാ​യി​ട്ട് എ​ട്ടു​വ​ർ​ഷം ക​ഴി​ഞ്ഞു. 52ാം വ​യ​സ്സി​ലും കാ​ക്കി​യി​ട്ട് തെ​ളി​ഞ്ഞ മു​ഖ​വു​മാ​യി തേ​ഞ്ഞി​പ്പ​ലം കോ​ഹി​നൂ​രി​ലെ ഓ​ട്ടോ സ്റ്റാ​ൻ​ഡി​ൽ സ​ജീ​വ​മാ​ണ് ഇ​വ​ർ.

കാ​റും സ്കൂ​ട്ട​റും ഓ​ടി​ക്കാ​ൻ പ​ഠി​ക്കു​ന്ന​തി​നൊ​പ്പം ഓ​ട്ടോ​റി​ക്ഷ കൂ​ടി ഓ​ടി​ക്കാ​ൻ പ​ഠി​ച്ച ജ​യ് മ​ഹേ​ശ്വ​രി ഭ​ർ​ത്താ​വ് ശ്രീ​നി​വാ​സ​ന്റെ കൂ​ടി താ​ൽ​പ​ര്യ​ത്തി​ൽ ഓ​ട്ടോ ഡ്രൈ​വ​റാ​കു​ക​യാ​യി​രു​ന്നു. പു​തു​ച്ചേ​രി​ക്കാ​ര​നും ബി.​എ​സ്.​എ​ൻ.​എ​ൽ മ​ഞ്ചേ​രി ഡി​വി​ഷ​നി​ലെ മെ​ക്കാ​നി​ക്ക​ൽ ഓ​ഫി​സ​റു​മാ​യ ശ്രീ​നി​വാ​സ​ൻ 65,000 രൂ​പ​ക്ക് സെ​ക്ക​ൻ​ഡ് ഹാ​ൻ​ഡ് ഓ​ട്ടോ​യാ​ണ് ആ​ദ്യം വാ​ങ്ങി ന​ൽ​കി​യ​ത്. ആ​റു​മാ​സം ആ ​ഓ​ട്ടോ ഓ​ടി​ച്ചു. ഇ​തി​നി​ടെ ഒ​രി​ക്ക​ൽ അ​പ​ക​ട​ത്തി​ൽ​പെ​ട്ടു. എ​ങ്കി​ലും പി​ന്മാ​റി​യി​ല്ല. പി​ന്നീ​ട് പു​തി​യ ഓ​ട്ടോ​യി​ലാ​യി സ​വാ​രി. എ​ട്ടു​വ​ർ​ഷ​മാ​യി ആ ​ഓ​ട്ടോ​യാ​ണ് കൂ​ടെ.

തൊ​ഴി​ലു​റ​പ്പ്, പ​ല​ഹാ​ര ക​ച്ച​വ​ടം, പ​ച്ച​ക്ക​റി വി​ൽ​പ​ന, സാ​രി-​ചു​രി​ദാ​ർ വി​ൽ​പ​ന, സ്കൂ​ൾ ബ​സ് ക്ലീ​ന​ർ എ​ന്നീ തൊ​ഴി​ലു​ക​ളും ഇ​വ​ർ ചെ​യ്തി​ട്ടു​ണ്ട്. ക​ന്യാ​കു​മാ​രി സ്വ​ദേ​ശി​യാ​യ പി​താ​വ് മു​ത്തു​പ്പി​ള്ള കോ​ഴി​ക്കോ​ട്ട് ക​ല്ല് പ​ണി​ക്കാ​യി വ​ന്ന​തോ​ടെ ജ​യ് മ​ഹേ​ശ്വ​രി​യും കു​ടും​ബ​വും കോ​ഴി​ക്കോ​ട് ബൈ​പാ​സി​ന് സ​മീ​പം ക​ണ്ണ​ഞ്ചേ​രി​യി​ൽ സ്ഥി​ര​താ​മ​സ​മാ​ക്കു​ക​യാ​യി​രു​ന്നു. ത​മി​ഴ് വം​ശ​ജ​രാ​യ മു​ത്തു​പ്പി​ള്ള​യും മാ​താ​വ് വ​ള്ളി​യ​മ്മാ​ളും ജീ​വി​ച്ചി​രി​പ്പി​ല്ല.

വി​വാ​ഹി​ത​യാ​യ​തി​നു​ശേ​ഷ​മാ​ണ് ജ​യ് ​മ​ഹേ​ശ്വ​രി തേ​ഞ്ഞി​പ്പ​ല​ത്തെ​ത്തി​യ​ത്. പ​ള്ളി​ക്ക​ൽ പ​ഞ്ചാ​യ​ത്തി​ലെ ന​വ​ഭാ​ര​ത് സ്കൂ​ൾ അ​ധ്യാ​പി​ക അ​നു​മോ​ൾ, കാ​ലി​ക്ക​റ്റ് സ​ർ​വ​ക​ലാ​ശാ​ല വി​ദൂ​ര വി​ദ്യാ​ഭ്യാ​സ വി​ഭാ​ഗം എം.​എ ഇം​ഗ്ലീ​ഷ് വി​ദ്യാ​ർ​ഥി അ​ക​ന്യ എ​ന്നി​വ​ർ മ​ക്ക​ളാ​ണ്.