Begin typing your search above and press return to search.
exit_to_app
exit_to_app
Homechevron_rightGulfchevron_rightU.A.Echevron_rightഎവറസ്റ്റ്​ കീഴടക്കിയ...

എവറസ്റ്റ്​ കീഴടക്കിയ ആദ്യ യു.എ.ഇ വനിതയായി നയ്​ല അൽ ബലൂഷി

text_fields
bookmark_border
Nyla Al Balushi
cancel
Listen to this Article

ദുബൈ: എവറസ്റ്റ്​ കൊടുമുടി കീഴടക്കുന്ന ആദ്യ ഇമാറാത്തി വനിതയായി നയ്​ല അൽ ബലൂഷി. യു.എ.ഇയിലെ പ്രശസ്ത പർവതാരോഹകൻ സഈദ്​ അൽ മെമാരിയുടെ ഭാര്യയായ നയ്​ല ഭർത്താവിൽ നിന്ന്​ പ്രചോദനമുൾക്കൊണ്ടാണ്​ മല കയറിയത്​. മെമാരി രണ്ട്​ തവണ എവറസ്​റ്റിന്​ മുകളിലെത്തിയിരുന്നു. ഇതോടെ എവറസ്റ്റ്​ കീഴടക്കുന്ന ആദ്യ അറബ്​ ദമ്പതികളായി നയ്​ലയും മെമാരിയും.

കഴിഞ്ഞ വർഷം പാകിസ്താനിലെ ബ്രോഡ്​ പീക്ക്​ കീഴടക്കാൻ നെയ്​ല ശ്രമിച്ചിരുന്നു. 7300 മീറ്റർ കയറിയെങ്കിലും പൂർത്തിയാക്കകാൻ കഴിഞ്ഞില്ല. എങ്കിലും, എവറസ്റ്റ്​ കീഴടക്കാൻ കഴിയുമെന്ന ആത്​മവിശ്വാസം ലഭിച്ചത്​ ഈ യാത്രയോടെയാണ്​. ഇതിൽ നിന്ന്​ ഊർജം ഉൾക്കൊണ്ട്​ 8,849 മീറ്റർ ഉയരമുള്ള എവറസ്റ്റ്​ കീഴടക്കുകയായിരുന്നു. മൂന്ന്​ മാസം മുമ്പാണ്​ തയാറെടുപ്പ്​ തുടങ്ങിയത്​. എവറസ്റ്റ്​ കയറൽ അനായാസമാണെന്ന ഭർത്താവിന്‍റെ പ്രചോദനമാണ്​ തന്നെ പ്രേരിപ്പിച്ചതെന്ന്​ നയ്​ല പറയുന്നു.

മെമാരിയുടെ വാക്ക്​ പോലെ അനായാസമായിരുന്നു യാത്ര. ക്ഷമയോടെ നടന്നാൽ അത്ര പ്രയാസമേറിയതല്ല എവറസ്റ്റെന്നും കാലാവസ്ഥ അനുകൂലമായിരുന്നെന്നും അവർ ചൂണ്ടിക്കാട്ടി. തന്‍റെ നേട്ടം മറ്റ്​ ഇമാറാത്തി വനിതകൾക്കും പ്രചോദനമാകുമെന്നാണ് വിശ്വാസമെന്നും അവർ പറഞ്ഞു.

പത്ത്​ ദിവസം കൊണ്ടാണ്​ മുകളിൽ എത്തിയത്​. നേപ്പാളി ഗൈഡും ഒപ്പമുണ്ടായിരുന്നു. കായിക ജീവിത ശൈലിയിൽ അത്ര സജീവമായിരുന്നില്ല നെയ്​ല. എന്നാൽ, അടുത്തിടെയാണ്​ ഇതിലേക്ക്​ കൂടുതൽ അടുത്തത്​. ​ഇതോടെ സൈക്കിളിങും ഓട്ടവും ദിനചര്യയായി കൂടെക്കൂട്ടി. രണ്ട്​ വർഷം മുമ്പാണ്​ ഉയരങ്ങൾ തേടിയുള്ള യാത്ര തുടങ്ങിയത്​. ഭർത്താവിനൊപ്പം ചില മലകൾ കയറിയിരുന്നു.

2020ൽ തുർക്കിയിലെ ഗ്രേറ്റർ അരാരത്ത്​, യു​ക്രെയ്​നിലെ മൗണ്ട് കാമറൂൺ, മൗണ്ട്​ ഹോവർല എന്നിവ കീഴടക്കി. എല്ലാ രാജ്യങ്ങളിലെയും മലകൾ കീഴടക്കണമെന്ന സ്വപ്നവും പേറി നടക്കുന്നയാളാണ്​ ഭർത്താവ്​ സഈദ്​ അൽ മെമാരി. നൂറിലേറെ പർവതങ്ങൾ ഇതിനകം കയറിയിറങ്ങിക്കഴിഞ്ഞു.

Show Full Article
TAGS:Nyla Al Balushi everest 
News Summary - Nyla Al Balushi became the first UAE woman to conquer Everest
Next Story