മിലാഷയുടെ യാത്ര കൊടുമുടികൾ തേടി

മാ​രാ​രി​ക്കു​ളം: ഏ​ഴ് ഭൂ​ഖ​ണ്ഡ​ത്തി​ലെ​യും അ​ഗ്​​നി​പ​ർ​വ​ത​ങ്ങ​ളി​ൽ കാ​ലു​കു​ത്ത​ണ​മെ​ന്ന മി​ലാ​ഷ​യു​ടെ സ്വ​പ്ന​ങ്ങ​ൾ​ക്ക് അ​തി​രി​ല്ല. സ്വ​പ്ന സാ​ഫ​ല്യ​ത്തി​ന്‍റെ മൂ​ന്ന് ചു​വ​ടു​ക​ൾ പൂ​ർ​ത്തി​യാ​ക്കി മു​ന്നേ​റി​യ ഈ ​മാ​രാ​രി​ക്കു​ളം​കാ​രി ഉ​യ​ര​ങ്ങ​ളി​ൽ ഇ​ന്ത്യ​ൻ പ​താ​ക പാ​റി​ച്ച് മ​ല​യാ​ളി​ക്ക് അ​ഭി​മാ​ന​മാ​കു​ക​യാ​ണ്. കി​ളി​മ​ഞ്ചാ​രോ​യും ദാ​മ​വ​ന്ത് പ​ർ​വ​ത​വും കീ​ഴ​ട​ക്കി​യ​തി​ന് പി​ന്നാ​ലെ റ​ഷ്യ​യി​ലെ എ​ൽ​ബ്ര​സി​ലും കാ​ലു​കു​ത്തി​യാ​ണ് മി​ലാ​ഷ കു​തി​ക്കു​ന്ന​ത്.

മാ​രാ​രി​ക്കു​ളം ചൊ​ക്കം​ത​യ്യി​ൽ വീ​ട്ടി​ൽ ഗ​വ. ഐ.​ടി.​ഐ റി​ട്ട. പ്രി​ൻ​സി​പ്പ​ൽ ജോ​സ​ഫ് മാ​രാ​രി​ക്കു​ള​ത്തി​ന്‍റെ​യും ബി​ബി​യു​ടെ​യും മ​ക​ൾ മി​ലാ​ഷ ചെ​റു​പ്പം മു​ത​ലേ ഉ​യ​ര​ങ്ങ​ൾ സ്വ​പ്നം ക​ണ്ടു​തു​ട​ങ്ങി. ബി​സി​ന​സ് അ​ഡ്മി​നി​സ്‌​ട്രേ​ഷ​നി​ൽ ബി​രു​ദം പൂ​ർ​ത്തി​യാ​ക്കി അ​യ​ർ​ല​ൻ​ഡി​ലേ​ക്ക് പ​റ​ന്നു. അ​വി​ടെ ബി​രു​ദാ​ന​ന്ത​ര ബി​രു​ദം ചെ​യ്തു. ഇ​പ്പോ​ൾ അ​യ​ർ​ല​ൻ​ഡി​ൽ ഫി​നാ​ൻ​ഷ്യ​ൽ ഓ​ഫി​സ​റാ​യി ജോ​ലി ചെ​യ്യു​ന്നു.

2021 ന​വം​ബ​റി​ൽ താ​ൻ​സാ​നി​യ​യി​ലെ കി​ളി​മ​ഞ്ചാ​രോ കീ​ഴ​ട​ക്കി​യാ​ണ് മി​ലാ​ഷ കൊ​ടു​മു​ടി​ക​ൾ​ തേ​ടി​യു​ള്ള യാ​ത്ര​ക്ക്​ തു​ട​ക്ക​മി​ടു​ന്ന​ത്. 2022 ജൂ​ൺ 29ന് ​ഇ​റാ​നി​ലെ ദാ​മ​വ​ന്ത് പ​ർ​വ​ത​വും 2023 ആ​ഗ​സ്റ്റി​ൽ റ​ഷ്യ​യി​ലെ എ​ൽ​ബ്ര​സ് പ​ർ​വ​ത​വും കീ​ഴ​ട​ക്കി. ലോ​ക​ത്തി​ലെ 10 പ്ര​മു​ഖ കൊ​ടു​മു​ടി​ക​ളി​ൽ ഒ​ന്നാ​യ എ​ൽ​ബ്ര​സ് സ​മു​ദ്ര​നി​ര​പ്പി​ൽ​നി​ന്ന് 5642 മീ​റ്റ​ർ ഉ​യ​ര​ത്തി​ലാ​ണ് സ്ഥി​തി ചെ​യ്യു​ന്ന​ത്. ഏ​റെ വെ​ല്ലു​വി​ളി​യും സാ​ഹ​സി​ക​ത​യും നി​റ​ഞ്ഞ​താ​യി​രു​ന്നു എ​ൽ​ബ്ര​സ് പാ​ർ​വ​താ​രോ​ഹ​ണം. ത​ണു​ത്തു​റ​ഞ്ഞ മ​ഞ്ഞി​ലൂ​ടെ ഒ​രു എ​ൽ​ബ്ര​സ് പ​ര്യ​വേ​ക്ഷ​ണം എ​ന്നാ​ണ് മി​ലാ​ഷ യാ​ത്ര​യെ​ക്കു​റി​ച്ച് പ​റ​യു​ന്ന​ത്. കി​ളി​മ​ഞ്ചാ​രോ കേ​റി​യ​ത് ബ​റാ​ങ്കോ വ​ഴി​യാ​ണ്. ഇ​തി​ന് അ​ഞ്ചു​ദി​വ​സം എ​ടു​ത്തു.

ഏ​ഷ്യ​യി​ലെ ഉ​യ​രം കൂ​ടി​യ ദാ​വ​ന്ത്‌ ക​യ​റി​യ പ്ര​ഥ​മ മ​ല​യാ​ളി​യും മി​ലാ​ഷ​യാ​ണ്. ഏ​ഴ് ഭൂ​ഖ​ണ്ഡ​ത്തി​ലെ​യും ഉ​യ​ര​ങ്ങ​ൾ താ​ണ്ടു​ക​യാ​ണ് ത​ന്‍റെ ല​ക്ഷ്യ​മെ​ന്ന് മി​ലാ​ഷ പ​റ​ഞ്ഞു. സ്ത്രീ ​ശാ​ക്തീ​ക​ര​ണം എ​ന്ന സ​ന്ദേ​ശ​മു​യ​ർ​ത്തി​യാ​ണ് മി​ലാ​ഷ സ്വ​പ്ന​ത്തി​ലേ​ക്ക് ന​ട​ന്നു​ക​യ​റു​ന്ന​ത്.

കാ​ലാ​വ​സ്ഥ​യു​ടെ അ​നു​യോ​ജ്യ​ത​യും വി​സ​യു​ടെ ല​ഭ്യ​ത​യു​മ​നു​സ​രി​ച്ച് ചി​ലി​യി​ലെ മൗ​ണ്ട് ഓ​ജോ​സ് ഡെ​ൽ സ​ലാ​ഡോ​യും മെ​ക്സി​ക്കോ​യി​ലെ പി​ക്കോ ഡി ​ഒ​റി​സ​ബ​യു​മാ​ണ് അ​ടു​ത്ത ല​ക്ഷ്യം. തി​രു​വ​ന​ന്ത​പു​രം കോ​ള​ജ് ഓ​ഫ് എ​ൻ​ജി​നീ​യ​റി​ങ്ങി​ലെ ബി.​ടെ​ക് വി​ദ്യാ​ർ​ഥി മി​ഖി​ലേ​ഷ് ജോ​സ​ഫ് ഏ​ക സ​ഹോ​ദ​ര​നാ​ണ്.