ഇ​ട​തു​മാ​റി, വ​ല​തു​തി​രി​ഞ്ഞ് പു​ലാ​മ​ന്തോ​ളി​ലെ പെൺപട മുന്നോട്ട്

പു​ലാ​മ​ന്തോ​ൾ: ആ​യോ​ധ​ന ക​ല​ക​ളി​ൽ നി​ര​വ​ധി ദേ​ശീ​യ-​അ​ന്ത​ർ​ദേ​ശീ​യ താ​ര​ങ്ങ​ളെ വ​ള​ർ​ത്തി​യെ​ടു​ത്ത് ജൈ​ത്ര​യാ​ത്ര തു​ട​രു​ക​യാ​ണ് പു​ലാ​മ​ന്തോ​ളി​ലെ ഒ​രു കൂ​ട്ടം പെ​ൺ​താ​ര​ങ്ങ​ൾ. ക​ള​രി, ക​രാ​ട്ടേ, വു​ഷു, യോ​ഗ എ​ന്നി​വ​യി​ലാ​ണ് ത​ങ്ങ​ളു​ടെ​താ​യ വ്യ​ക്തി​മു​ദ്ര പ​തി​പ്പി​ച്ച് ഇ​വ​ർ മു​ന്നേ​റു​ന്ന​ത്.

പു​ലാ​മ​ന്തോ​ളി​ലെ ഐ.​എ​സ്.​കെ മാ​ർ​ഷ്യ​ൽ ആ​ർ​ട്സി​ലെ പെ​ൺ​സം​ഘം തു​ട​ർ​ച്ച​യാ​യി എ​ഴു​ത​വ​ണ ജി​ല്ല യോ​ഗ ഓ​വ​​േറാ​ൾ ചാ​മ്പ്യ​ന്മാ​രും ഒ​മ്പ​ത് ത​വ​ണ ജി​ല്ല വു​ഷു ചാ​മ്പ്യ​ന്മാ​രു​മാ​യി​ട്ടു​ണ്ട്.

മ​ല​പ്പു​റം, പാ​ല​ക്കാ​ട് ജി​ല്ല​ക​ളി​ൽ നി​ന്നാ​യി നി​ര​വ​ധി ദേ​ശീ​യ​താ​ര​ങ്ങ​ളു​ള്ള ഈ ​പെ​ൺ സം​ഘം ലോ​ക വ​നി​ത ദി​ന​ത്തി​ന്റെ ഭാ​ഗ​മാ​യി അ​റു​നൂ​റി​ൽ പ​രം പെ​ൺ​കു​ട്ടി​ക​ളെ സം​ഘ​ടി​പ്പി​ച്ച് മാ​ർ​ച്ച് 11ന് ​ചെ​റു​ക​ര മി​നി സ്റ്റേ​ഡി​യ​ത്തി​ൽ ആ​യോ​ധ​ന ക​ലാ​പ്ര​ദ​ർ​ശ​ന​വും ക​രാ​​ട്ടേ അ​വാ​ർ​ഡ് വി​ത​ര​ണ​വും ന​ട​ത്തു​ന്നു.

600 വ​നി​താ കാ​യി​ക താ​ര​ങ്ങ​ൾ​ക്കൊ​പ്പം 400 പു​രു​ഷ താ​ര​ങ്ങ​ളും കാ​യി​ക ക​ലാ​പ്ര​ക​ട​ന​ങ്ങ​ളി​ൽ കൂ​ട്ടു​ചേ​രും. ഇ​തി​നാ​യി ചെ​റു​ക​ര മി​നി സ്റ്റേ​ഡി​യ​ത്തി​ൽ 20,000ഓ​ളം സ്ക്വ​യ​ർ ഫി​റ്റ് വ​രു​ന്ന സ്ഥ​ലം സ​ജ്ജീ​ക​രി​ച്ചാ​ണ് 1000ത്തി​ൽ പ​രം വ​രു​ന്ന കാ​യി​ക താ​ര​ങ്ങ​ൾ ആ​യോ​ധ​ന​ക​ല​യി​ലു​ള്ള ത​ങ്ങ​ളു​ടെ മി​ക​വ് തെ​ളി​യി​ക്കു​ക.

പെ​ൺ​കു​ട്ടി​ക​ൾ നി​ര​ന്ത​ര​മാ​യി ചൂ​ഷ​ണം ചെ​യ്യ​പ്പെ​ടു​ന്ന ഈ ​കാ​ല​ഘ​ട്ട​ത്തി​ൽ ഇ​ത്ത​രം പ്ര​ദ​ർ​ശ​ന​ങ്ങ​ളും ബോ​ധ​വ​ത്ക​ര​ണ​വും ഏ​റെ ഉ​പ​കാ​ര​പ്പെ​ടു​മെ​ന്നാ​ണ് ഐ.​എ​സ്.​കെ മു​ഖ്യ പ​രി​ശീ​ല​ക​രാ​യ സാ​ജി​ത​യും മു​ഹ​മ്മ​ദ​ലി​യും അ​വ​കാ​ശ​പ്പെ​ടു​ന്ന​ത്.