മാ​ജി​ക്ക​ൽ ​കാൻ​വാ​സ്

‘വ​ല്ല​ഭ​ന് പു​ല്ലും ആ​യു​ധം..’ എ​ന്ന​തുപോ​ലെ​യാ​ണ് ആ​ശ​യ ഗാം​ഭീ​ര്യ​വും അ​പാ​ര​മാ​യ കൈ​യൊ​തു​ക്ക​വു​മു​ള്ള ദോ​ഹ​യു​ടെ ക​ല​ാകാ​രി ന​സീ​മ ഷു​ക്കൂ​ർ. ​​കൈ​യി​ൽ കി​ട്ടു​ന്ന​തെ​ന്തും ന​സീ​മ​യു​ടെ മു​ന്നി​ലെ കാ​ൻ​വാ​സി​ൽ അ​ത്ഭു​ത ര​ച​ന​ക​ളാ​യി ക​ളം നി​റ​യും. പ​ഞ്ച് ചെ​യ്ത് എ​റി​യു​ന്ന ക​ട​ലാ​സ് തു​ണ്ടും, ബ​ട്ട​ൺ​സും, മു​ത്തും, ക​ല്ലും, നൂ​ലും ഉ​ൾ​പ്പെ​ടെ എ​ന്തും ഇ​വി​ടെ കാ​ൻ​വാ​സി​നെ മ​നോ​ഹ​ര​മാ​യ ദൃ​ശ്യ​ങ്ങ​ളാ​ക്കി മാ​റ്റാ​നു​ള്ള മീ​ഡി​യ​മാ​ണ്. അ​ങ്ങ​നെ ആ​റ് ല​ക്ഷ​ത്തോ​ളം ചെ​റു പേ​പ്പ​ർ തു​ണ്ടു​ക​ൾ പ​ല​നി​റ​ങ്ങ​ളി​ലാ​യി ചേ​ർ​ന്ന് മൂ​ന്ന് മീ​റ്റ​റി​ല​ധി​കം വ​ലു​പ്പ​മു​ള്ള വ​ലി​യ ക്യാ​ൻ​വാ​സി​ൽ നി​റ​ഞ്ഞ​പ്പോ​ൾ കാ​ഴ്ച​ക്കാ​ര​ന്റെ ക​ൺ​മു​ന്നി​ലെ​ത്തി​യ​ത് ജ​ന​ല​ക്ഷ​ങ്ങ​ളാ​ൽ ചു​റ്റ​പ്പെ​ട്ട വി​ശു​ദ്ധ ക​അ​ബ​യു​ടെ​യും മ​സ്ജി​ദു​ൽ ഹ​റ​മി​ന്റെ​യും രാ​ത്രി​കാ​ല ദൃ​ശ്യ​മാ​യി​രു​ന്നു.

ഇ​ത് മ​നു​ഷ്യ​സാ​ധ്യ​മാ​യൊ​രു സൃ​ഷ്ടി​യോ എ​ന്നും പ​റ​ഞ്ഞ് കാ​ഴ്ച​ക്കാ​ര​ൻ അ​ൽ​ഭു​തം കൂ​റു​മ്പോ​ൾ ചെ​റു ചി​രി​യോ​ടെ തൃ​ശൂ​ർ വാ​ടാ​ന​പ്പ​ള്ളി ക​രു​വ​ന്നൂ​ർ സ്വ​ദേ​ശി​നി​യാ​യ ഈ ​വീ​ട്ട​മ്മ മ​റ്റൊ​രു അ​തി​ശ​യ കാ​ഴ്ച​യി​ലേ​ക്ക് ന​യി​ക്കും. അ​വി​ടെ, നീ​ല​യും ക​റു​പ്പും വെ​ളു​പ്പും പ​ച്ച​യും നി​റ​ങ്ങ​ളെ മു​ത്തു​ക​ളി​ൽ നി​ന്നാ​ണ് അ​തി​ശ​യ​ക​ര​മാ​യ ദൃ​ശ്യ​ത്തി​ലേ​ക്ക് ന​യി​ക്കു​ന്ന​ത്. ഒ​രു ചു​മ​രി​നോ​ളം വ​ലി​പ്പ​ത്തി​ൽ തൂ​ങ്ങി നി​ൽ​ക്കു​ന്ന മ​ദീ​ന മു​ന​വ്വ​റ​യു​ടെ അ​ത്ഭു​ത​ക്കാ​ഴ്ച. മു​ന്നി​ലെ കാ​ൻ​വാ​സി​ലെ കാ​ഴ്ച​യു​ടെ മ​നോ​ഹാ​രി​ത​ക്ക​പ്പു​റം അ​വ ര​ചി​ച്ചെ​ടു​ക്കാ​ൻ ഉ​പ​യോ​ഗി​ച്ച മീ​ഡി​യം കൂ​ടി​യാ​ണ് ഈ ​ക​ലാ​കാ​രി​യെ വ്യ​ത്യ​സ്ത​യാ​ക്കു​ന്ന​ത്. ഇ​ങ്ങ​നെ ഒ​രു​കൂ​ട്ടം സൃ​ഷ്ടി​ക​ൾ ത​ന്നെ ഇ​വ​രു​ടെ കൈ​യൊ​തു​ക്ക​ത്തി​ലു​ടെ കാ​ഴ്ച​ക്കാ​ര​നെ അ​ത്ഭു​ത​പ്പെ​ടു​ത്തു​ന്ന സൃ​ഷ്ടി​ക​ളാ​യി ചു​മ​രു​ക​ൾ നി​റ​യു​ന്നു​ണ്ട്.

ബ്ലാ​ക്ക് ആ​ൻ​ഡ് വൈ​റ്റ് കാ​മ​റ ചി​ത്ര​ത്തി​ൽ പ​തി​യു​ന്ന തെ​രു​വി​നെ അ​തേ ഭം​ഗി​യോ​ടെ ക​റു​പ്പും വെ​ളു​പ്പും മു​ത്തി​ൽ തീ​ർ​ത്ത ദൃ​ശ്യം, പെ​യി​ന്റി​ങ്ങു​ക​ളി​ലെ​യും പെ​ൻ​സി​ൽ വ​ര​ക​ളി​ലെ​യും കാ​ഴ്ച​ക​ളെ മു​റി​ച്ചെ​ടു​ത്ത ക​ട​ലാ​സും, പ​ഞ്ച് ചെ​യ്ത ക​ഷ്ണ​ങ്ങ​ളും മു​ത്തു​ക​ളും ഉ​ൾ​പ്പെ​ടെ പ​ല മീ​ഡി​യ​ങ്ങ​ളി​ലൂ​ടെ ന​സീ​മ കാ​ൻ​വാ​സി​ൽ പ​ക​ർ​ത്തു​മ്പോ​ൾ ജീ​വ​ൻ തു​ടി​ക്കു​ന്ന​വ​യാ​യി അ​വ കാ​ഴ്ച​ക്കാ​ര​നോ​ട് സം​വ​ദി​ക്കും.

30 വ​ർ​ഷ​ത്തോ​ള​മാ​യി ഖ​ത്ത​ർ പ്ര​വാ​സി​യാ​യ ന​സീ​മ​യു​ടെ സ​ജീ​വ​മാ​യ ക​ലാ​ജീ​വി​തം 20 വ​ർ​ഷ​ത്തി​ല​ധി​കം പി​ന്നി​ട്ടു ക​ഴി​ഞ്ഞു. അ​തി​നി​ട​യി​ൽ നി​ര​വ​ധി പ്ര​ദ​ർ​ശ​ന​ങ്ങ​ളി​ലൂ​ടെ ഖ​ത്ത​റി​ലും കേ​ര​ള​ത്തി​ലു​മാ​യി ഇ​വ​ർ വാ​ർ​ത്ത​ക​ളി​ൽ ഇ​ടം നേ​ടി​യി​രു​ന്നു. ഏ​റ്റ​വും ഒ​ടു​വി​ലാ​യി മേ​യ് ആ​ദ്യ വാ​ര​ത്തി​ൽ ഖ​ത്ത​റി​ന്റെ സാം​സ്കാ​രി​ക കേ​ന്ദ്ര​മാ​യ ക​താ​റ ക​ൾ​ചറൽ വി​ല്ലേ​ജ് വീ​ണ്ടും ഇ​വ​രു​ടെ പ്ര​ദ​ർ​ശ​ന​ത്തി​ന് വേ​ദി​യാ​യി. ഖ​ത്ത​രി​ക​ൾ ഉ​ൾ​പ്പെ​ടെ വി​വി​ധ രാ​ജ്യ​ക്കാ​ർ സ​ന്ദ​ർ​ശ​ക​രാ​യെ​ത്തി​യ​പ്പോ​ൾ മ​ദീ​ന പ​ള്ളി​യു​ടെ ചി​ത്രം​ക​ണ്ട് അ​തി​ശ​യ​ത്തോ​ടെ അ​വ​ർ ക​ലാ​കാ​രി​യെ അ​ഭി​ന​ന്ദി​ക്കാ​നെ​ത്തും. ചി​ത്ര​ത്തെ കു​റി​ച്ചും, അ​വ പൂ​ർ​ത്തി​യാ​ക്കി​യ​തി​ന്റെ ര​ഹ​സ്യ​ങ്ങ​ളു​മെ​ല്ലാം ചോ​ദി​ച്ച​റി​ഞ്ഞാ​ണ് ഓ​രോ സ​ന്ദ​ർ​ശ​ക​രും മ​ട​ങ്ങി​പ്പോ​കു​ന്ന​ത്.

എ​ട്ടു​മാ​സം വ​രെ എ​ടു​ത്താ​ണ് മ​ദീ​ന മു​ന​വ്വ​റ​യു​ടെ നി​ർ​മാ​ണം പൂ​ർ​ത്തി​യാ​ക്കി​യ​തെ​ന്ന് ന​സീ​മ ‘ഗ​ൾ​ഫ് മ​ധ്യ​മ’​ത്തോ​ട് പ​റ​ഞ്ഞു. 220,000 ത്തോ​ളം മു​ത്തു​ക​ൾ പ​ല​നി​റ​ങ്ങ​ൾ ഇ​ട​ചേ​ർ​ന്ന് ചെ​യി​നി​ൽ കോ​ർ​ത്തെ​ടു​ത്ത് കാ​ൻ​വാ​സി​ൽ ഒ​ട്ടി​ച്ചു​വെ​ച്ചു​കൊ​ണ്ടാ​യി​രു​ന്നു ദൃ​ശ്യം ത​യാറാ​ക്കി​യ​ത്. 2015ൽ ​പൂ​ർ​ത്തി​യാ​ക്കി​യ മ​സ്ജി​ദു​ൽ ഹ​റ​മി​നെ പ​ക​ർ​ത്തി​യെ​ടു​ക്കാ​ൻ ര​ണ്ടു വ​ർ​ഷ​മെ​ടു​ത്തു. പ​ക​ർ​ത്താ​ൻ മാ​തൃ​ക​ക​ളോ, ക​ണ്ടു പ​രി​ച​യ​മോ ഇ​ല്ലാ​തെ സ്വ​ന്തം ആ​ശ​യ​ങ്ങ​ളി​ലാ​യി​രു​ന്നു മ​ക്ക​യു​ടെ​യും മ​ദീ​ന​യു​ടെ​യും ര​ച​ന​ക​ൾ തു​ട​ങ്ങി​യ​തെ​ന്ന് ന​സീ​മ പ​റ​യു​ന്നു. മ​ന​സ്സി​ൽ ഏ​ക​ദേ​ശം കു​റി​ച്ചി​ട്ട കാൻ​വാ​സി​നൊ​പ്പം പേ​പ്പ​റും മു​ത്തു​ക​ളും ചേ​ർ​ത്തു​വെ​ച്ചാ​യി​രു​ന്നു ക്ഷ​മ​യോ​ടെ പ​ണി​ക​ൾ പൂ​ർ​ത്തി​യാ​ക്കി​യ​ത്.

നേ​ര​ത്തേ രാ​ജാ​ര​വി​വ​ർ​മ​യു​ടെ വി​ശ്വ​പ്ര​സി​ദ്ധ ചി​ത്രം മു​ത്തു​ക​ളി​ൽ തീ​ർ​ത്തി​രു​ന്നു. ആ​റു മാ​സം​കൊ​ണ്ട് 1.50 ലക്ഷം മു​ത്തു​ക​ൾ ഉ​പ​യോ​ഗി​ച്ചാ​യി​രു​ന്നു ഈ ​ര​ച​ന പൂ​ർ​ത്തി​യാ​ക്കി​യ​ത്. ചി​ത്ര​കാ​രി​യാ​യ മാ​താ​വ് ഫാ​ത്തി​മ ബീ​വി​യി​ൽ നി​ന്ന് പ​ക​ർ​ന്നു​കി​ട്ടി​യ​താ​ണ് ത​ന്റെ ക​ലാമി​ക​വെ​ന്ന് ന​സീ​മ പ​റ​യു​ന്നു. 40 വ​ർ​ഷ​ത്തോ​ള​മാ​യി ഖ​ത്ത​ർ ​പ്ര​വാ​സി​യാ​യ ഭ​ർ​ത്താ​വ് അ​ബ്ദു​ൽ ഷു​ക്കൂ​റി​ന്റെ നി​റ​ഞ്ഞ പി​ന്തു​ണ കൂ​ടി​യാ​യ​തോ​ടെ കാ​ൻ​വാ​സു​ക​ളി​ൽ അ​ത്ഭു​ത​ക്കാഴ്ച​ക​ൾ വി​രി​ഞ്ഞു തു​ട​ങ്ങി. മ​ക്ക​ളാ​യ ഖ​ത്ത​റി​ൽ ത​ന്നെ ജോ​ലി ചെ​യ്യു​ന്നു മ​ക്ക​ളാ​യ മു​ഹ​മ്മ​ദ് ആ​സി​ഫും മു​ഹ​മ്മ​ദ് ഹാ​ഫി​സും ഉ​മ്മ​ക്ക് ഒ​പ്പം സ​ജീ​വ​മാ​യു​ണ്ട്.

ക​താ​റ ക​ൾ​ച​റ​ൽ വി​ല്ലേ​ജി​ൽ ഇ​ത് ര​ണ്ടാ​മ​ത്തെ പ്ര​ദ​ർ​ശ​ന​മാ​ണ്. നേ​ര​ത്തേ ശൈ​ഖ് ഫൈ​സ​ൽ മ്യൂ​സി​യ​ത്തി​ലെ ഉ​ദ്ഘാ​ട​ന പ്ര​ദ​ർ​ശ​ന​ത്തി​ലും, ഫ​യ​ർ സ്റ്റേ​ഷ​നി​ലു​മെ​ല്ലാം ഇ​വ​രു​ടെ ര​ച​ന​ക​ൾ എ​ത്തി​യി​രു​ന്നു. കേ​ര​ള​ത്തി​ൽ കൊ​ച്ചി​യി​ലും കോ​ഴി​ക്കോ​ടു​മെ​ല്ലാം ഇ​തി​ന​കം പ്ര​ദ​ർ​ശ​ന​ങ്ങ​ൾ ന​ട​ത്തി കൈ​യ​ടി നേ​ടി.