വൈകല്യം വളർത്തിയത് ആത്മവിശ്വാസം; സുമയുടെ ജീവിതം മാതൃക

നേ​മം: കു​ട്ടി​ക്കാ​ല​ത്ത് പോ​ളി​യോ രോ​ഗം വി​ല്ല​നാ​യെ​ത്തി​യെങ്കി​ലും ആ​ത്മ​വി​ശ്വാ​സ​ത്തി​ന്‍റെ മാ​തൃ​ക​യാ​യി മാ​റി​യി​രി​ക്കു​ക​യാ​ണ് തി​രു​മ​ല വ​ലി​യ​വി​ള മൈ​ത്രി ന​ഗ​റി​ൽ വാ​ട​ക​ക്ക്​ താ​മ​സി​ക്കു​ന്ന 31 വ​യ​സ്സു​കാ​രി സു​മ. കു​ണ്ട​മ​ൺ​ക​ട​വ് പൈ​തൃ​ക പാ​ല​ത്തി​ന് സ​മീ​പം പാ​ത​യോ​ര​ത്തെ മ​ത്സ്യ​വി​ൽ​പ​ന​യാ​ണ്​ സു​മ​യു​ടെ നി​ല​വി​ലെ ജീ​വി​ത​മാ​ർ​ഗം.

ത്രി​ഡി ആ​നി​മേ​ഷ​നി​ൽ ഡി​പ്ലോ​മ, ക​മ്പ്യൂ​ട്ട​ർ പ​രി​ജ്ഞാ​നം എ​ന്നി​വ​യു​ണ്ട്. ​ജോ​ലി​ക്ക്​ ശ്ര​മി​ച്ചെ​ങ്കി​ലും കാ​ലി​ന്റെ വൈ​ക​ല്യം ത​ട​സ്സ​മാ​യി. ഭ​ർ​ത്താ​വ് ശ​ങ്ക​റി​ന്​ സ്വ​കാ​ര്യ​സ്ഥാ​പ​ന​ത്തി​ൽ ജോ​ലി​യു​ണ്ടെ​ങ്കി​ലും ജീ​വി​തം മു​ന്നോ​ട്ടു കൊ​ണ്ടു​പോ​കാ​ൻ അ​ദ്ദേ​ഹ​ത്തി​ന്‍റെ കു​റ​ഞ്ഞ ശ​മ്പ​ളം തി​ക​യാ​തെ വ​ന്നു. ഒ​ടു​വി​ൽ സ​ർ​ട്ടി​ഫി​ക്ക​റ്റു​ക​ളെ​ല്ലാം പെ​ട്ടി​യി​ൽ​വെ​ച്ച്​ മ​ത്സ്യ​വി​ൽ​പ​ന​ക്കി​റ​ങ്ങു​ക​യാ​യി​രു​ന്നു സു​മ. വാ​യ്പ​യി​ലെ​ടു​ത്ത ഒ​മ്നി വാ​നി​ൽ പു​ല​ർ​ച്ചെ അ​ഞ്ചി​ന് സു​മ പൂ​ന്തു​റ ക​ട​പ്പു​റ​ത്തെ​ത്തും.

മീ​നു​മെ​ടു​ത്ത് കു​ണ്ട​മ​ൺ​ക​ട​വി​ലേ​ക്ക്. രാ​വി​ലെ ഏ​ഴി​ന്​ ക​ച്ച​വ​ടം തു​ട​ങ്ങും. ഉ​ച്ച​വെ​യി​ൽ ക​ടു​ത്ത് ച​ക്ര​ക്ക​സേ​ര​യു​ടെ ലോ​ഹ​ഭാ​ഗ​ങ്ങ​ൾ ചു​ട്ടു​പൊ​ള്ളി​യാ​ലും സു​മ എ​ല്ലാം വി​റ്റു​തീ​ർ​ത്തു​മാ​ത്ര​മേ വീ​ട്ടി​ലേ​ക്ക്​ മ​ട​ങ്ങൂ. വീ​ൽ​ച്ചെ​യ​റി​ന്‍റെ സ​ഹാ​യ​ത്തോ​ടെ ജീ​വി​ക്കു​ന്ന​വ​രു​​​ടെ സം​ഘ​ട​ന​യാ​യ എ.​കെ.​ഡ​ബ്ല്യു.​ആ​ർ.​എ​ഫി​ൽ അം​ഗ​മാ​ണ്. മ​ക​ൻ എ​യ്ഡ​ൺ.