അ​ക്ഷ​ര വെ​ളി​ച്ചം വി​ത​റി സ്ത്രീ കൂ​ട്ടാ​യ്മ​യി​ൽ ഒ​രു ലൈ​ബ്ര​റി

സ്ത്രീ​ക​ൾ മാ​ത്രം കൈ​കാ​ര്യം ചെ​യ്ത് നേ​ട്ട​ങ്ങ​ളു​ടെ നെ​റു​ക​യി​ൽ ജി​ല്ല​യി​ൽ ഒ​രു ലൈ​ബ്ര​റി​യും. പെ​രി​ന്ത​ൽ​മ​ണ്ണ​യി​ലെ ക്യാ​പ്റ്റ​ൻ ല​ക്ഷ്മി സ്മാ​ര​ക ലൈ​ബ്ര​റി​യും വാ​യ​ന​ശാ​ല​യു​മാ​ണ് ഈ ​രം​ഗ​ത്ത് വേ​റി​ട്ട് നി​ൽ​ക്കു​ന്ന​ത്. 2012ൽ ​തു​ട​ങ്ങി ഒ​രു​വ​ർ​ഷം കൊ​ണ്ട് ലൈ​ബ്ര​റി കൗ​ൺ​സി​ലി​ന്റെ അം​ഗീ​കാ​രം നേ​ടാ​നാ​യി.

ക​ഴി​ഞ്ഞ പ​ത്തു​വ​ർ​ഷം കൊ​ണ്ട് സ്ത്രീ​ക​ളു​ടെ ശാ​ക്തീ​ക​ര​ണ​ത്തി​നും പു​രോ​ഗ​തി​ക്കും ഒ​ട്ടേ​റെ പ്ര​വ​ർ​ത്ത​ന​ങ്ങ​ൾ ന​ട​ത്തി​യി​ട്ടു​ണ്ടെ​ന്ന് ഭാ​ര​വാ​ഹി​ക​ൾ പ​റ​ഞ്ഞു. എം. ​അ​മ്മി​ണി പ്ര​സി​ഡ​ൻ​റും എം. ​സൈ​ഫു​ന്നീ​സ സെ​ക്ര​ട്ട​റി​യു​മാ​യ എ​ക്സി​ക്യൂ​ട്ടി​വ് ക​മ്മി​റ്റി​ക്കാ​ണ് ചു​മ​ത​ല. 5244 പു​സ്ത​ക​ങ്ങ​ളു​ള്ള ലൈ​ബ്ര​റി​ക്ക് ന​ഗ​ര​സ​ഭ സ്വ​ന്ത​മാ​യി കെ​ട്ടി​ടം നി​ർ​മി​ച്ച് ന​ൽ​കി​യി​ട്ടു​ണ്ട്.

പെ​രി​ന്ത​ൽ​മ​ണ്ണ ഗ​വ. എ​ൽ.​പി സ്കൂ​ളി​ൽ (പ​ഞ്ച​മ സ്കൂ​ൾ) പ്ര​ത്യേ​കം അ​നു​വ​ദി​ക്ക​പ്പെ​ട്ട സ്ഥ​ല​ത്താ​ണ് ലൈ​ബ്ര​റി പ്ര​വ​ർ​ത്ത​നം. 321 അം​ഗ​ങ്ങ​ളു​ള്ള ലൈ​ബ്ര​റി​യി​ൽ എ​ക്സി​ക്യൂ​ട്ടി​വ് ക​മ്മി​റ്റി​യി​ൽ സ്ത്രീ​ക​ൾ മാ​ത്ര​മാ​ണ്. 50 അം​ഗ​ങ്ങ​ളു​ള്ള വ​നി​ത വേ​ദി​യും 28 പേ​രു​ള്ള യു​വ​തി​ക​ളു​ടെ വേ​ദി​യും 65 അം​ഗ​ങ്ങ​ളു​ള്ള ബാ​ല​വേ​ദി​യു​മാ​ണ് ക​രു​ത്ത്.

വാ​യ​ന​യി​ൽ പി​ന്നി​ലാ​യ സ്ത്രീ​ക​ളെ​യും വീ​ട്ട​മ്മ​മാ​രെ​യും അ​ക്ഷ​ര​ലോ​ക​ത്തേ​ക്ക് അ​ടു​പ്പി​ക്കാ​നാ​യ​താ​ണ് മി​ക​വ്. കാ​ഴ്ച പ​രി​മി​തി​യു​ള്ള​വ​ർ​ക്കും വ​യോ​ധി​ക​ർ​ക്കും ഓ​ഡി​യോ ലൈ​ബ്ര​റി എ​ന്ന പ​ദ്ധ​തി ആ​ലോ​ച​ന​യി​ലു​ണ്ടെ​ന്ന് പ്ര​സി​ഡ​ൻ​റ് പ​റ​യു​ന്നു. മ​ല​പ്പു​റ​ത്ത് ഇ​വ​രെ കൂ​ടാ​തെ മ​ക്ക​ര​പ​റ​മ്പ് കാ​ച്ചി​നി​ക്കാ​ട് ഇ​ത്ത​ര​ത്തി​ൽ വ​നി​ത​ക​ളു​ടെ ലൈ​ബ്ര​റി​യു​ണ്ട്.