ലിയാന ഫാത്തിമ; നീന്തൽക്കുളത്തിലെ അഭിമാനം

നീ​ലേ​ശ്വ​രം: ജി​ല്ല ഒ​ളി​മ്പി​ക്​ മേ​ള നീ​ലേ​ശ്വ​രം ഇ.​എം.​എ​സ്​ സ്​​​റ്റേ​ഡി​യ​ത്തി​ൽ ന​ട​ക്കു​മ്പോ​ൾ ഇ​ന്ത്യ​ൻ ഒ​ളി​മ്പി​ക്​​സി​ലെ സു​വ​ർ​ണ പ്ര​തീ​ക്ഷ​യാ​യി മാ​റു​ക​യാ​ണ് മേ​ൽ​പ​റ​മ്പി​ലെ ഉ​മ്മ​ർ നി​സാ​റി​ന്‍റെ​യും റാ​ഹി​ല​യു​ടെ​യും മ​ക​ൾ പ്ല​സ് ടു ​വി​ദ്യാ​ർ​ഥി​നി​യാ​യ ലി​യാ​ന ഫാ​ത്തി​മ. ദു​ബൈ​യി​ലാ​യി​രി​ക്കു​മ്പോ​ൾ ത​ന്നെ നീ​ന്ത​ലി​നോ​ട് വ​ലി​യ അ​ഭി​നി​വേ​ശ​മാ​യി​രു​ന്നു ലി​യാ​ന​ക്ക്. ഒ​ന്നാം ക്ലാ​സി​ൽ പ​ഠി​ക്കു​മ്പോ​ൾ ക്ലാ​സ് ടീ​ച്ച​റാ​ണ് മാ​താ​പി​താ​ക്ക​ളെ വി​ളി​ച്ച് ലി​യാ​ന​ക്ക് നീ​ന്ത​ലി​ൽ താ​ൽ​പ​ര്യ​മു​ണ്ടെ​ന്ന് അ​റി​യി​ക്കു​ന്ന​ത്.

തു​ട​ർ​ന്ന് നീ​ന്ത​ൽ പ​രി​ശീ​ല​നം ആ​രം​ഭി​ച്ചു. ആ ​വ​ർ​ഷം സ​മ്മാ​നം നേ​ടി. 2012ൽ ​ജി​ല്ല​ത​ല നീ​ന്ത​ൽ മ​ത്സ​ര​ത്തി​ൽ ഒ​ന്നാം സ​മ്മാ​നം നേ​ടി​യ​തോ​ടെ​യാ​ണ് ലി​യാ​ന ശ്ര​ദ്ധി​ക്ക​പ്പെ​ട്ട​ത്. കേ​ര​ള​ത്തി​ൽ പാ​ല​ക്കാ​ട്ടെ നീ​ന്ത​ൽ പ​രി​ശീ​ല​ക​ൻ ആ​ർ. സ​ന്തോ​ഷ് കു​മാ​റാ​ണ് ലി​യാ​ന​യു​ടെ ഗു​രു. തു​ട​ർ​ന്ന​ങ്ങോ​ട്ട് ജി​ല്ല​ത​ല​ത്തി​ലും സം​സ്ഥാ​ന​ത​ല​ത്തി​ലും ചാ​മ്പ്യ​നാ​യി. എ​റ​ണാ​കു​ളം ഗ്ലോ​ബ​ൽ സ്കൂ​ളി​ൽ സി.​ബി.​എ​സ്.​ഇ ദേ​ശീ​യ അ​ത്​​ല​റ്റി​ക് മീ​റ്റി​ൽ അ​ഞ്ച് ത​വ​ണ തു​ട​ർ​ച്ച​യാ​യി ചാ​മ്പ്യ​ൻ​പ​ട്ടം നേ​ടി​യ​തി​ന്‍റെ റെ​ക്കോ​ഡ്​ ലി​യാ​ന​യു​ടെ പേ​രി​ലാ​ണ്. 2016ൽ ​ദേ​ശീ​യ നീ​ന്ത​ൽ ചാ​മ്പ്യ​ൻ​ഷി​പ്പി​ൽ 30 വ​ർ​ഷ​ത്തി​ന് ശേ​ഷം കേ​ര​ള​ത്തി​ൽ നീ​ന്ത​ലി​ൽ സ്വ​ർ​ണം സ​മ്മാ​നി​ച്ച സു​വ​ർ​ണ​താ​രം കൂ​ടി​യാ​ണ് ലി​യാ​ന. 2018ൽ ​സീ​നി​യ​ർ നാ​ഷ​ന​ൽ നീ​ന്ത​ൽ ചാ​മ്പ്യ​ൻ​ഷി​പ്പി​ൽ കേ​ര​ള​ത്തി​ന് ഒ​രേ​യൊ​രു മെ​ഡ​ലും ഈ ​മിടു​ക്കി​യു​ടെ പേ​രി​ലാ​യി​രു​ന്നു.

50, 100, 200 ബ​ട്ട​ർ​ഫ്ലൈ സ്റ്റെ​യി​ൽ 50,100 ഫ്രീ ​സ്റ്റെ​യി​ൽ എ​ന്നീ അ​ഞ്ചി​ന​ങ്ങ​ളി​ലാ​ണ് ലി​യാ​ന മാ​റ്റു​ര​ക്കു​ന്ന​ത്. എ​റ​ണാ​കു​ളം ജി​ല്ല​ക്ക് വേ​ണ്ടി​യാ​ണ് സാ​ധാ​ര​ണ മ​ത്സ​രി​ക്കാ​റു​ള്ള​തെ​ങ്കി​ലും ദേ​ശീ​യ നീ​ന്ത​ൽ താ​രം എം.​ടി.​പി. സൈ​ഫു​ദ്ദീ​ന്‍റെ നി​ർ​ദേ​ശ പ്ര​കാ​ര​മാ​ണ് ഇ​ത്ത​വ​ണ കാ​സ​ർ​കോ​ട്​ ജി​ല്ല​ക്കു​വേ​ണ്ടി മ​ത്സ​രി​ക്കു​ന്ന​ത്. പ​രി​ശീ​ല​ക​രോ​ടൊ​പ്പം നാ​ട്ടു​കാ​രു​ടെ​യും കൂ​ട്ടു​കാ​രു​ടെ​യും കു​ടും​ബ​ത്തി​ന്‍റെ​യു​മെ​ല്ലാം പി​ന്തു​ണ​യും പ്രോ​ത്സാ​ഹ​ന​വും നി​റ​യു​മ്പോ​ൾ രാ​ജ്യ​ത്തി​നാ​യി ഒ​രു ഒ​ളി​മ്പി​ക്സ്​ മെ​ഡ​ൽ എ​ന്ന സ്വ​പ്ന​മാ​ണ്​ ലി​യാ​നു​ടെ മ​ന​സ്സു​നി​റ​യെ.