‘സ്നേ​ഹി​ത’​യി​ലൂ​ടെ സ്നേ​ഹം തു​ന്നി ലൈ​ല

മ​ഞ്ചേ​രി: സ്വ​ന്ത​മാ​യി സം​രം​ഭം തു​ട​ങ്ങി​യ​തി​നോ​ടൊ​പ്പം ഭി​ന്ന​ശേ​ഷി​ക്കാ​രാ​യ പെ​ൺ​കു​ട്ടി​ക​ളെ കൂ​ടി ചേ​ർ​ത്തു​പി​ടി​ച്ച് മു​ന്നോ​ട്ടു​പോ​കു​ന്ന ഒ​രാ​ളെ പ​രി​ച​യ​പ്പെ​ടാം -ആ​ന​ക്ക​യം പെ​രി​മ്പ​ലം സ്വ​ദേ​ശി​നി ലൈ​ല ന​സീ​ർ. ‘Laila succeeds in a mattress manufacturing company called 'Yellow Cloud Pillows'. മാ​ത്ര​മ​ല്ല ഇ​ത്. ആ​ന​ക്ക​യം പാ​ണാ​യി​യി​ൽ പ്ര​വ​ർ​ത്തി​ക്കു​ന്ന ‘സ്നേ​ഹി​ത ക​മ്മ്യൂ​ണി​റ്റി റി​ഹാ​ബി​ലി​റ്റേ​ഷ​ൻ സെ​ന്റ​റി’​ലെ പെ​ൺ​കു​ട്ടി​ക​ളു​ടെ സ്വ​പ്ന​ങ്ങ​ൾ​ക്ക് കൂ​ടി​യാ​ണ് ലൈ​ല നി​റം തു​ന്നു​ന്ന​ത്.

2022 ജൂ​ൺ 21 നാ​ണ് യൂ​നി​റ്റ് പ്ര​വ​ർ​ത്ത​നം ആ​രം​ഭി​ച്ച​ത്. കു​ടും​ബ​​ശ്രീ പി​ന്തു​ണ​യോ​ടെ​യാ​ണ്​ സം​രം​ഭം വി​ജ​യ​ക​ര​മാ​യി മു​​ന്നോ​ട്ടു ​പോ​വു​ന്ന​ത്. സ്വ​ന്ത​മാ​യി സം​രം​ഭം എ​ന്ന സ്വ​പ്ന​ത്തി​ന​പ്പു​റം ഭി​ന്ന​ശേ​ഷി​ക്കാ​ർ​ക്ക് ജോ​ലി ചെ​യ്യാ​ൻ സാ​ധി​ക്കു​ന്ന ഒ​രു യൂ​നി​റ്റാ​യി​രു​ന്നു ലൈ​ല​യു​ടെ ആ​ഗ്ര​ഹം. ലൈ​ല​യു​ടെ ര​ണ്ടാ​മ​ത്തെ മ​ക​ൾ ഫാ​ത്തി​മ ബി​ൻ​സി ഭി​ന്ന​ശേ​ഷി​ക്കാ​രി​യാ​ണ്.

മ​ക​ളെ നോ​ക്കു​ന്ന​തി​നോ​ടൊ​പ്പം ഇ​ത്ത​ര​ത്തി​ലെ മ​റ്റു കു​ട്ടി​ക​ൾ​ക്ക് കൂ​ടി സം​ര​ക്ഷ​ണം ന​ൽ​കു​ക​യാ​യി​രു​ന്നു ല​ക്ഷ്യം. 18 വ​യ​സ്സി​ന് മു​ക​ളി​ലു​ള്ള മാ​ന​സി​ക വെ​ല്ലു​വി​ളി നേ​രി​ടു​ന്ന​വ​രു​ടെ ഡേ ​കെ​യ​ർ സെ​ന്റ​റാ​ണ് സ്നേ​ഹി​ത. അ​വി​ട​ത്തെ കു​ട്ടി​ക​ൾ​ക്കാ​യാ​ണ് ഇ​ങ്ങ​നെ ഒ​രു യൂ​നി​റ്റ് ആ​രം​ഭി​ച്ച​ത്.

31 കു​ട്ടി​ക​ളാ​ണ് ഇ​വി​ടെ​യു​ള്ള​ത്. ഇ​തി​ൽ ഒ​മ്പ​ത് കു​ട്ടി​ക​ളു​ടെ സേ​വ​ന​മാ​ണ് ത​ല​യ​ണ നി​ർ​മാ​ണ​ത്തി​ന് ല​ഭി​ക്കു​ന്ന​ത്. ത​ല​യ​ണ​യി​ലേ​ക്ക് സാ​ധ​ന​ങ്ങ​ൾ നി​റ​ക്കു​ക, സ്റ്റി​ക്ക​ർ ഒ​ട്ടി​ക്കു​ക, തൂ​ക്കം നോ​ക്കു​ക, പാ​ക്ക് ചെ​യ്യു​ക എ​ന്നീ ജോ​ലി​ക​ളാ​ണ് കു​ട്ടി​ക​ൾ ചെ​യ്യു​ന്ന​ത്. ഈ ​ഒ​മ്പ​ത് പേ​ർ​ക്ക് പു​റ​മെ ആ​റ് പേ​ർ​ക്ക് കൂ​ടി പ​രി​ശീ​ല​നം ന​ൽ​കു​ന്നു​ണ്ട്. ആ​റ് ടീ​ച്ച​ർ​മാ​രും വി​ദ്യാ​ർ​ഥി​ക​ളെ സ​ഹാ​യി​ക്കാ​ൻ സ​ദാ​സ​മ​യം ഒ​പ്പ​മു​ണ്ട്.

150 രൂ​പ​ക്കാ​ണ് വി​ൽ​പ​ന. കി​ട​ക്ക നി​ർ​മി​ക്കു​ന്ന ക​മ്പ​നി​ക്കാ​രെ​ല്ലാം ത​ല​യ​ണ വ​ന്ന് വാ​ങ്ങാ​റു​ണ്ട്. ഭ​ർ​ത്താ​വ് കൂ​രി​മ​ണ്ണി​ൽ മേ​ലേ​മ​ണ്ണി​ൽ ന​സീ​ർ ഹു​സൈ​ൻ പി​ന്തു​ണ​യു​മാ​യി ഒ​പ്പ​മു​ണ്ട്. നാ​ജി​ഹ, ഫാ​ത്തി​മ ബി​ൻ​സി, ന​സ് ല, ​ന​സ്റി​ൻ, മു​ഹ​മ്മ​ദ് സു​ൽ​ത്താ​ൻ, ന​ജാ​ദ് ഹു​സൈ​ൻ എ​ന്നി​വ​ർ മ​ക്ക​ളാ​ണ്.

‘വി​ജ​യ​ത്തി​ന് പി​ന്നി​ൽ കു​ടും​ബ​ശ്രീ’

കു​ടും​ബ​ശ്രീ​യു​ടെ പി​ന്തു​ണ കൊ​ണ്ട് മാ​ത്ര​മാ​ണ് ഇ​ത്ത​രം സം​രം​ഭം വി​ജ​യ​ക​ര​മാ​യി മു​ന്നോ​ട്ട് പോ​കാ​ൻ സാ​ധി​ക്കു​ന്ന​തെ​ന്ന് ലൈ​ല പ​റ​ഞ്ഞു. ജി​ല്ല മി​ഷ​നും സം​സ്ഥാ​ന മി​ഷ​നും ന​ല്ല രീ​തി​യി​ൽ പി​ന്തു​ണ ന​ൽ​കു​ക​യും സ​ഹാ​യ സ​ഹ​ക​ര​ണ​ങ്ങ​ൾ ചെ​യ്യു​ക​യും ചെ​യ്തു.

കു​ടും​ബ​ശ്രീ​യു​ടെ ത​ണ​ലി​ലാ​ണ് ഭി​ന്ന​ശേ​ഷി​ക്കാ​രാ​യ 31 കു​ട്ടി​ക​ളെ ചേ​ർ​ത്തു​പി​ടി​ക്കാ​ൻ സാ​ധി​ച്ച​ത്. ഒ​രു സ്ത്രീ ​എ​ന്ന നി​ല​യി​ൽ കു​ടും​ബ​ശ്രീ യൂ​നി​റ്റ് തു​ട​ങ്ങി​യാ​ൽ താ​ങ്ങാ​യും ത​ണ​ലാ​യും കു​ടും​ബ​ശ്രീ ഒ​പ്പ​മു​ണ്ടാ​കു​മെ​ന്നും ലൈ​ല കൂ​ട്ടി​ച്ചേ​ർ​ത്തു.