കു​വൈ​ത്ത് വ​നി​ത ദി​നം; സ്ത്രീ​ക​ൾ വ​ഹി​ക്കു​ന്ന നി​ർ​ണാ​യ​ക പ​ങ്കി​ന് ആ​ദ​ര​വ്

കു​വൈ​ത്ത് സി​റ്റി: കു​വൈ​ത്ത് വി​ക​സ​ന​ത്തി​ൽ സ്ത്രീ​ക​ൾ വ​ഹി​ക്കു​ന്ന നി​ർ​ണാ​യ​ക പ​ങ്കി​നെ ആ​ദ​രി​ച്ച് മേ​യ് 16 ന് ​കു​വൈ​ത്ത് വ​നി​ത ദി​നം ആ​ഘോ​ഷി​ച്ചു. 2005 ൽ ​അ​ന്ത​രി​ച്ച അ​മീ​ർ ശൈ​ഖ് ജാ​ബി​ർ അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹ് കു​വൈ​ത്ത് സ്ത്രീ​ക​ൾ​ക്ക് പൂ​ർ​ണ രാ​ഷ്ട്രീ​യ അ​വ​കാ​ശ​ങ്ങ​ൾ അ​നു​വ​ദി​ച്ച ദി​നം കൂ​ടി​യാ​ണ് മേ​യ് 16ന്. ​വൈ​വി​ധ്യ​മാ​യ മേ​ഖ​ല​ക​ളി​ൽ ശ്ര​ദ്ധേ​യ​മാ​യ സ്ഥാ​ന​ങ്ങ​ളി​ൽ ഇ​ന്ന് കു​വൈ​ത്ത് വ​നി​ത​ക​ളു​ടെ സാ​ന്നി​ധ്യം ഉ​ണ്ട്.

2006 ൽ ​ദേ​ശീ​യ അ​സം​ബ്ലി തെ​ര​ഞ്ഞെ​ടു​പ്പി​ൽ പ​ങ്കാ​ളി​ക​ളാ​യി കു​വൈ​ത്ത് രാ​ഷ്ര​ടീ​യ ച​രി​ത്ര​ത്തി​ൽ വ​നി​ത​ക​ൾ ശ്ര​ദ്ധേ​യ​മാ​യ ചു​വ​ടു​വെ​പ്പ് ന​ട​ത്തി. 2009 ൽ ​കു​വൈ​ത്ത് ച​രി​ത്ര​ത്തി​ൽ ആ​ദ്യ​മാ​യി നാ​ല് സ്ത്രീ​ക​ൾ ദേ​ശീ​യ അ​സം​ബ്ലി​യി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട്ടു. തെ​ര​ഞ്ഞെ​ടു​പ്പി​ൽ മ​ത്സ​രി​ച്ച 17 വ​നി​ത സ്ഥാ​നാ​ർ​ഥി​ക​ളി​ൽ നി​ന്നാ​ണ് ഡോ. ​മ​സൂ​മ അ​ൽ മു​ബാ​റ​ക്, ഡോ. ​അ​സീ​ൽ അ​ൽ അ​വാ​ദി, ഡോ.​റോ​ള ദ​ഷ്തി, ഡോ.​സ​ൽ​വ അ​ൽ ജാ​സ​ർ എ​ന്നി​വ​ർ ദേ​ശീ​യ അ​സം​ബ്ലി​യി​ലെ​ത്തി​യ​ത്.

പി​ന്നീ​ട് വി​വി​ധ ഘ​ട്ട​ങ്ങ​ളി​ലാ​യി നി​ര​വ​ധി വ​നി​ത​ക​ൾ ദേ​ശീ​യ അ​സം​ബ്ലി​യി​ലെ​ത്തി. ഇ​ന്ന് കു​വൈ​ത്ത് മ​ന്ത്രി​സ​ഭ​യി​ൽ പൊ​തു​മ​രാ​മ​ത്ത് മ​ന്ത്രി ഡോ.​നൂ​റ അ​ൽ മ​ഷാ​ൻ, സാ​മൂ​ഹി​ക കാ​ര്യ-​കു​ടും​ബ-​ബാ​ല്യ​കാ​ര്യ മ​ന്ത്രി ഡോ. ​അം​താ​ൽ അ​ൽ ഹു​വൈ​ല, ധ​ന​കാ​ര്യ സ​ഹ​മ​ന്ത്രി​യും സാ​മ്പ​ത്തി​ക കാ​ര്യ-​നി​ക്ഷേ​പ മ​ന്ത്രി​യു​മാ​യ നൂ​റ അ​ൽ ഫ​സാ​ൻ എ​ന്നി​ങ്ങ​നെ മൂ​ന്ന് വ​നി​ത മ​ന്ത്രി​മാ​രു​ണ്ട്.

ഗ​വ​ൺ​മെ​ന്റി​ന്റെ ഉ​ന്ന​ത പ​ദ​വി​ക​ളി​ൽ 28 ശ​ത​മാ​നം സ്ത്രീ​ക​ളാ​ണ്. ന​യ​ത​ന്ത്ര മേ​ഖ​ല, സു​ര​ക്ഷ, എ​ണ്ണ, നീ​തി തു​ട​ങ്ങി​യ മേ​ഖ​ല​ക​ളി​ൽ സ്ത്രീ​ക​ളു​ടെ എ​ണ്ണം കൂ​ടു​ത​ലാ​ണ്. കു​വൈ​ത്ത് സെ​ൻ​ട്ര​ൽ ബാ​ങ്കി​ൽ നേ​തൃ പ​ദ​വി​ക​ളി​ൽ 41 ശ​ത​മാ​നം സ്ത്രീ​ക​ളാ​ണ്. ബാ​ങ്കി​ങ് മേ​ഖ​ല​യി​ൽ തൊ​ഴി​ൽ ശ​ക്തി​യു​ടെ 35 ശ​ത​മാ​ന​വും വ​നി​ത​ക​ൾ പ്ര​തി​നി​ധീ​ക​രി​ക്കു​ന്നു. പൊ​തു​മേ​ഖ​ല​യി​ലെ ദേ​ശീ​യ തൊ​ഴി​ൽ സേ​ന​യു​ടെ 60 ശ​ത​മാ​ന​വും സ്വ​കാ​ര്യ മേ​ഖ​ല​യി​ൽ ഏ​ക​ദേ​ശം 48 ശ​ത​മാ​ന​വും സ്ത്രീ​ക​ളാ​ണ്. രാ​ജ്യ​ത്തെ മു​തി​ർ​ന്ന നേ​തൃ​സ്ഥാ​ന​ങ്ങ​ളി​ൽ 28 ശ​ത​മാ​ന​വും വ​നി​ത​ക​ൾ വ​ഹി​ക്കു​ന്നു.

വൈ​ദ്യ​ശാ​സ്ത്രം, എ​ൻജിനീ​യ​റി​ങ്, ബ​ഹി​രാ​കാ​ശ ശാ​സ്ത്രം, സാ​ങ്കേ​തി​ക​വി​ദ്യ എ​ന്നീ മേ​ഖ​ല​ക​ളി​ലും കു​വൈ​ത്ത് വ​നി​ത​ക​ൾ മു​ന്നേ​റു​ന്നു. ഫോ​ർ​ബ്‌​സി​ന്റെ മി​ഡി​ൽ ഈ​സ്റ്റി​ലെ ഏ​റ്റ​വും ശ​ക്ത​രാ​യ 100 ബി​സി​ന​സ് വ​നി​ത​ക​ളി​ൽ അ​ടു​ത്തി​ടെ ആ​റ് കു​വൈ​ത്ത് സ്ത്രീ​ക​ൾ ഇ​ടം നേ​ടി. സൈ​ബ​ർ സു​ര​ക്ഷ, ആ​രോ​ഗ്യ സം​ര​ക്ഷ​ണം, ബ​ഹി​രാ​കാ​ശം എ​ന്നി​വ​യി​ൽ പ​ല​രും ആ​ഗോ​ള അം​ഗീ​കാ​രം നേ​ടി​യി​ട്ടു​ണ്ട്.സ്ത്രീ ​ശാ​ക്തീ​ക​ര​ണ മേ​ഖ​ല​യി​ലും കു​വൈ​ത്ത് മു​ൻ​നി​ര രാ​ജ്യ​മാ​ണ്. സ്ത്രീ ​സം​രം​ഭ​ക​രെ​യും ഉ​ൽ​പാ​ദ​ന​ക്ഷ​മ​മാ​യ കു​ടും​ബ​ങ്ങ​ളെ​യും പി​ന്തു​ണ​ക്കു​ന്ന​തി​നു​ള്ള വി​വി​ധ സം​രം​ഭ​ങ്ങ​ളും നി​ല​വി​ലു​ണ്ട്. ലിം​ഗ​സ​മ​ത്വ​ത്തി​നാ​യു​ള്ള കു​വൈ​ത്തി​ന്റെ പ്ര​തി​ബ​ദ്ധ​ത​ക്കു തെ​ളി​വാ​ണ് ഈ ​​നേ​ട്ട​ങ്ങ​ൾ.