വെള്ളാരംകല്ലുകളിൽ വർണരാജി

ഇരിട്ടി ഹയർസെക്കൻഡറി സ്‌കൂൾ എട്ടാം ക്ലാസ് വിദ്യാർഥിനി ഹൃദ്യ രഞ്ജിത്ത് വെള്ളാരം കല്ലുകളിൽ വർണരാജി വിരിയിക്കുകയാണ്​. പുഴക്കരകളിൽ നിന്ന്​ ലഭിക്കുന്ന വെള്ളാരംകല്ലുകൾ ത​െൻറ സർഗാത്മകത പ്രദർശിപ്പിക്കാനുള്ള മാധ്യമമാക്കി ഈ കൊച്ചുമിടുക്കി മാറ്റുകയായിരുന്നു.

വീടിനു മുന്നിലൂടെ ഒഴുകുന്ന ബാവലിപ്പുഴക്കരയിൽ നിന്നും ശേഖരിക്കുന്ന വിവിധയിനം കല്ലുകളാണ് ഹൃദ്യ ഇതിനായി ഉപയോഗിച്ചത്. കൂടാതെ വിവിധയിനം കുപ്പികളിലും ചിത്രരചനാപാടവം തെളിയിച്ചിട്ടുണ്ട്​.

ഈർക്കിളിൽ മെഴുകുകൊണ്ട് തീർത്ത പൂക്കളും കുപ്പികളിൽ മുട്ടത്തോട് കൊണ്ടും വിവിധയിനം കടലാസുകൾ, ക്ലേ എന്നിവ കൊണ്ടും നിർമിച്ച കലാസൃഷ്​ടികളും ഈ 12 വയസ്സുകാരിയുടെ സർഗാത്മകതക്ക് മിഴിവേകുന്നു. ഇരിട്ടി കീഴൂർ മഹാദേവ - മഹാവിഷ്ണു ക്ഷേത്രത്തിനു സമീപം ദീപ രഞ്ജിത്ത് ലൈറ്റ് ആൻഡ്​ സൗണ്ട് ഉടമ പയ്യൻ വീട്ടിൽ രഞ്ജിത്തി​െൻറയും സൗമ്യയുടെയും മകളാണ്.