മോഷ്​ടാവിനെ സ്​കൂട്ടറിൽ പിന്തുടർന്നു; നഗരത്തിലെ ആശുപത്രിയിൽ വച്ച്​ 'പൊക്കി' വീട്ടമ്മയും മകളും

ആ​ലു​വ: വീ​ട്ട​മ്മ​യും മ​ക​ളും സി​നി​മ സ്​​റ്റൈ​ലി​ൽ സ്‌​കൂ​ട്ട​റി​ൽ പി​ന്തു​ട​ർ​ന്ന് മൊ​ബൈ​ൽ മോ​ഷ്​​ടാ​വി​നെ പി​ടി​കൂ​ടി. ഇ​ത​ര സം​സ്‌​ഥാ​ന​ക്കാ​ർ​ക്ക് വാ​ട​ക​ക്ക് ന​ൽ​കി​യ കെ​ട്ടി​ട​ത്തി​ൽ​നി​ന്ന് മോ​ഷ​ണം ന​ട​ത്തി​യ മാ​റ​മ്പി​ള്ളി ക​ല്ലാ​യ​ത്ത് പ​റ​മ്പി​ൽ ശ്രീ​കു​ട്ടനെയാ​ണ്​ (25) ആ​ലു​വ ജി​ല്ല ആ​ശു​പ​ത്രി വ​ള​പ്പി​ൽ​നി​ന്നും വീ​ട്ടു​ട​മ​യാ​യ യു​വ​തി പി​ടി​കൂ​ടി​യ​ത്.

എ​ട​യ​പ്പു​റം മു​സ്‌​ലിം പ​ള്ളി​ക്ക് സ​മീ​പം മാ​നാ​പ്പു​റ​ത്ത് വീ​ട്ടി​ൽ അ​ബ്​​ദു​ൽ റ​ഹ്മാ‍െൻറ ഭാ​ര്യ ഷൈ​ല റ​ഹ്മാ​ൻ, മ​ക​ൾ സൈ​റ സു​ൽ​ത്താ​ന എ​ന്നി​വ​രാ​ണ് മോ​ഷ്​​ടാ​വി​നെ കു​ടു​ക്കി​യ​ത്.

ഷൈ​ല താ​മ​സി​ക്കു​ന്ന കെ​ട്ടി​ട​ത്തോ​ട് ചേ​ർ​ന്ന് 20 ഓ​ളം ഇ​ത​ര സം​സ്‌​ഥാ​ന​ക്കാ​ർ താ​മ​സി​ക്കു​ന്നു​ണ്ട്. തി​ങ്ക​ളാ​ഴ്​​ച രാ​വി​ലെ ഏ​ഴ് മ​ണി​യോ​ടെ അ​പ​രി​ചി​ത​നാ​യ ഒ​രാ​ൾ വാ​ട​ക കെ​ട്ടി​ട​ത്തി​ൽ നി​ന്നും ഇ​റ​ങ്ങി ഓ​ടു​ന്ന​ത് ഷൈ​ല​യു​ടെ ശ്ര​ദ്ധ​യി​ൽ​പ്പെ​ട്ടു. ഈ ​സ​മ​യം ഉ​റ​ക്ക​ത്തി​ലാ​യി​രു​ന്ന മ​ക​ൻ സ​ൽ​മാ​നെ വി​ളി​ച്ചെ​ങ്കി​ലും ഉ​ണ​ർ​ന്നി​ല്ല. തു​ട​ർ​ന്നാ​ണ് ഒ​ൻ​പ​താം ക്ലാ​സു​കാ​രി​യാ​യ മ​ക​ളു​മാ​യി ഷൈ​ല സ്‌​കൂ​ട്ട​റി​ൽ പി​ന്തു​ട​ർ​ന്ന​ത്. കെ.​എ​സ്.​ആ​ർ.​ടി.​സി സ്‌​റ്റാ​ൻ​ഡി​ൽ വ​ച്ച് ആ​ളെ ക​ണ്ടെ​ങ്കി​ലും മ​ക​ൻ സ​ൽ​മാ​ൻ എ​ത്താ​ൻ കാ​ത്തു​നി​ൽ​ക്കു​ന്ന​തി​നി​ട​യി​ൽ പ്ര​തി ജി​ല്ല ആ​ശു​പ​ത്രി​യി​ലേ​ക്ക് നീ​ങ്ങി. ഷൈ​ല​യും പി​ന്തു​ട​ർ​ന്നു.

ആ​ശു​പ​ത്രി​യി​ൽ ​െവ​ച്ച് പ്ര​തി​യെ പി​ടി​കൂ​ടാ​ൻ ശ്ര​മി​ച്ചെ​ങ്കി​ലും കു​ത​റി​യോ​ടി. 15 മി​നി​റ്റി​ന് ശേ​ഷം പ്ര​സ​വ വാ​ർ​ഡി​ന് സ​മീ​പ​ത്തു​നി​ന്നും പ്ര​തി ഇ​റ​ങ്ങി​വ​ന്ന​പ്പോ​ൾ മാ​റി നി​ന്നി​രു​ന്ന ഷൈ​ല​യും മ​ക​ളും ഇ​തി​നി​ടെ എ​ത്തി​യ മ​ക​ൻ സ​ൽ​മാ​നും ചേ​ർ​ന്ന് പ്ര​തി​യെ വ​ള​ഞ്ഞു. തു​ട​ർ​ന്ന് ആ​ശു​പ​ത്രി പ​രി​സ​ര​ത്തു​ണ്ടാ​യി​രു​ന്ന​വ​രു​ടെ സ​ഹാ​യ​ത്തോ​ടെ പി​ടി​കൂ​ടി പൊ​ലീ​സി​ന് കൈ​മാ​റി. പ്ര​തി​യി​ൽ നി​ന്നും മോ​ഷ്​​ടി​ച്ച മൊ​ബൈ​ൽ ഫോ​ണും ക​ണ്ടെ​ത്തി. പ്ര​തി​യെ ആ​ലു​വ കോ​ട​തി റി​മാ​ൻ​ഡ് ചെ​യ്ത​താ​യി ആ​ലു​വ സി.​ഐ പി.​എ​സ്.​രാ​ജേ​ഷ് അ​റി​യി​ച്ചു. പ്ര​തി​ക്കെ​തി​രെ വി​വി​ധ സ്​​റ്റേ​ഷ​നു​ക​ളി​ൽ ക​ഞ്ചാ​വ്, മോ​ഷ​ണ കേ​സു​ക​ളു​ണ്ടെ​ന്നും പൊ​ലീ​സ് പ​റ​ഞ്ഞു.