സുവർണ മല്ലിക

സി​നി​മാ ജീ​വി​ത​ത്തി​ന്‍റെ സു​വ​ർ​ണ​ ജൂ​ബി​ലി വ​ർ​ഷ​ത്തി​ൽ പി​ന്നി​ട്ട വ​ഴി​ക​ളെ​യും വ​ഴി​ത്തി​രി​വു​ക​ളെ​യും കു​റി​ച്ച്, വെ​ല്ലു​വി​ളി​ക​ളെ​ക്കു​റി​ച്ച്, പു​തി​യ കാ​ല​ത്തെ സി​നി​മ​യെ​ക്കു​റി​ച്ച് മ​ല്ലി​ക മ​ന​സ്സുതു​റ​ക്കു​ന്നു

‘ഉ​ത്ത​രാ​യ​നം’ മു​ത​ൽ ‘ക്വീൻ എ​ലി​സ​ബ​ത്ത്’ വ​രെ നീ​ളു​ന്ന അ​ര​നൂ​റ്റാ​ണ്ടി​ൽ 150ന​ടു​ത്ത് ചി​ത്ര​ങ്ങ​ൾ. 30ല​ധി​കം പ​ര​മ്പ​ര​ക​ൾ. സി​നി​മ​ക​ളു​ടെ എ​ണ്ണ​ത്തി​ല​ല്ല ക​ഥാ​പാ​ത്ര​ങ്ങ​ളു​ടെ ക​രു​ത്തി​ലാ​ണ് ത​ന്നി​ലെ ന​ടി​യു​ടെ ശ​ക്തി താ​ൻ തി​രി​ച്ച​റി​യു​ന്ന​തെ​ന്നാ​ണ് മ​ല്ലി​ക​യു​ടെ പ​ക്ഷം. ഇ​ക്കാ​ല​ത്തി​നി​ടെ മ​ല​യാ​ള​ത്തി​ലെ പ്ര​മു​ഖ സം​വി​ധാ​യക​രോ​ടൊ​പ്പ​മെ​ല്ലാം പ്ര​വ​ർ​ത്തി​ച്ചു. സ​ത്യ​ൻ ഒ​ഴി​കെ പ്ര​ധാ​ന താ​ര​ങ്ങ​ൾ​ക്കൊ​പ്പം അ​ഭി​ന​യി​ച്ചു. ര​ണ്ടാ​മ​ത്തെ ചി​ത്ര​ത്തി​ൽത​ന്നെ മി​ക​ച്ച ര​ണ്ടാ​മ​ത്തെ ന​ടി​ക്കു​ള്ള സം​സ്ഥാ​ന അ​വാ​ർ​ഡ് സ്വ​ന്ത​മാ​ക്കി. പി​ന്നെ​യും ചെ​റു​തും വ​ലു​തു​മാ​യ നി​ര​വ​ധി വേ​ഷ​ങ്ങ​ൾ, പു​ര​സ്കാ​ര​ങ്ങ​ൾ. അ​ഭി​ന​യ​ത്തി​ന് പു​റ​മെ സ​ഹ സം​വി​ധാ​നം, പ്രൊ​ഡ​ക്ഷ​ൻ ക​ൺ​ട്രോ​ള​ർ, ഡ​ബിങ്, ആ​ലാ​പ​നം എ​ന്നി​ങ്ങ​നെ സി​നി​മ​യി​ലെ മ​റ്റ് വേ​ഷ​ങ്ങ​ളി​ലും മ​ല്ലി​ക തി​ള​ങ്ങി.

അ​ഭി​ന​യ ജീ​വി​ത​ത്തി​ൽ അ​മ്പ​ത് വ​ർ​ഷം പി​ന്നി​ടു​ക​യാ​ണ് മല്ലിക സുകുമാരൻ. സിനിമാ ലോകത്തുനിന്നും റീ ടേക്കുകളില്ലാത്ത യഥാർഥ ജീവിതത്തിലേക്കെത്തുമ്പോൾ നടൻ സുകുമാരന്റെ ജീവിത പങ്കാളിയായും താര സഹോദരങ്ങളായ പൃഥ്വിരാജിന്റെയും ഇന്ദ്രജിത്തിന്റെയും അമ്മയായും മല്ലിക മാറുന്നു. ആരെയും കൂസാത്ത അമ്മവേഷങ്ങൾ മല്ലിക സുകുമാരൻ അഭ്രപാളിയിൽ കുറിച്ചുവെച്ചു. അതേ അഭിനയംകൊണ്ടു തന്നെ ചിലപ്പോഴൊക്കെ പ്രേ​ക്ഷ​ക​രെ മ​ന​സ്സ​റി​ഞ്ഞ് ചി​രി​പ്പി​ച്ചു.

അ​ഭി​മാ​നം, അ​നു​ഭ​വം, മോ​ഹി​നി​യാ​ട്ടം, ഞാ​വ​ൽ​പ്പ​ഴ​ങ്ങ​ൾ, സി​ന്ദൂ​രം, അ​വ​ൾ ഒ​രു ദേ​വാ​ല​യം, മ​ദ​നോ​ത്സ​വം, ഏ​തോ ഒ​രു സ്വ​പ്നം, വ​യ​നാ​ട​ൻ ത​മ്പാ​ൻ, ഉ​ത്രാ​ട​രാ​ത്രി, മ​ക​ൻ എ​ന്‍റെ മ​ക​ൻ, മേ​ഘ​സ​ന്ദേ​ശം, അ​മ്മ​ക്കി​ളി​ക്കൂ​ട്, റോ​മി​യോ, ഛോട്ടാ ​മും​ബൈ, കു​ട്ട​നാ​ട​ൻ മാ​ർ​പ്പാ​പ്പ, ബ്രോ ​ഡാ​ഡി... ​സ്വ​ത​ഃസി​ദ്ധ​മാ​യ അ​ഭി​ന​യംകൊ​ണ്ട് മ​ല്ലി​ക ശ്ര​ദ്ധേ​യ​മാ​ക്കി​യ വേ​ഷ​ങ്ങ​ളും ഈ ​ചി​ത്ര​ങ്ങ​ളു​ടെ പ്ര​ത്യേ​ക​ത​യാ​യി​രു​ന്നു. 70ലെ​ത്തി​യ മ​ല്ലി​ക​യു​ടെ അ​മ്മ വേ​ഷ​ങ്ങ​ളെ​യും അ​മ്മാ​യി​യ​മ്മ വേ​ഷ​ങ്ങ​ളെ​യും തേ​ടി സി​നി​മ​ക​ളും സീ​രി​യ​ലു​ക​ളും ഇ​പ്പോ​ഴും എ​ത്തു​ന്നു. ചെ​റു​തെ​ങ്കി​ലും പ്രേ​ക്ഷ​ക​ർ ഓ​ർ​ത്തു​വെ​ക്കു​ന്ന ക​ഥാ​പാ​ത്ര​ങ്ങ​ളെ അ​വ​ത​രി​പ്പി​ക്കു​ക. അ​താ​ണ് ആ​ഗ്ര​ഹം. സി​നി​മാ ജീ​വി​ത​ത്തി​ന്‍റെ സു​വ​ർ​ണ​ ജൂ​ബി​ലി വ​ർ​ഷ​ത്തി​ൽ പി​ന്നി​ട്ട വ​ഴി​ക​ളെ​യും വ​ഴി​ത്തി​രി​വു​ക​ളെ​യും വെ​ല്ലു​വി​ളി​ക​ളെ​യും പു​തി​യ കാ​ല​ത്തെ സി​നി​മ​യെ​യും കുറി​ച്ച് മ​ല്ലി​ക മ​ന​സ്സ് തു​റ​ക്കു​ന്നു...

സി​നി​മ​യി​ലേ​ക്ക്

സാ​ഹി​ത്യ, ക​ലാ രം​ഗ​ങ്ങ​ളി​ൽ പ്ര​വ​ർ​ത്തി​ച്ചി​രു​ന്ന കൈ​നി​ക്ക​ര കു​മാ​ര​പി​ള്ള​യു​ടെ​യും കൈ​നി​ക്ക​ര പ​ത്മ​നാ​ഭ പി​ള്ള​യു​ടെ​യും ഇ​ള​യ സ​ഹോ​ദ​ര​നാ​ണ് എ​ന്‍റെ അ​ച്ഛ​ൻ കൈ​നി​ക്ക​ര മാ​ധ​വ​ൻ പി​ള്ള. സ്കൂ​ളി​ലും കോ​ള​ജി​ലും പ​ഠി​ക്കു​മ്പോ​ൾ ഞാ​ൻ നാ​ട​ക​ത്തി​ലും ക​ഥാ​പ്ര​സം​ഗ​ത്തി​ലു​മെ​ല്ലാം പ​ങ്കെ​ടു​ത്ത് സ​മ്മാ​ന​ങ്ങ​ൾ വാ​ങ്ങി​യി​ട്ടു​ണ്ട്. പി​ന്നീ​ട് ആ ​സ​മ​യ​ത്തെ അ​പ​ക്വ​മാ​യ ചി​ല തീ​രു​മാ​ന​ങ്ങൾമൂ​ലം ജീ​വി​ത​ത്തി​ൽ പ്ര​തി​സ​ന്ധി​യു​ടെ ഒ​രു ഘ​ട്ടം വ​ന്നു​ചേ​ർ​ന്നു. ഒ​റ്റ​പ്പെ​ട്ടു​പോ​യ അ​വ​സ്ഥ. ആ​രെ​യും കു​റ്റ​പ്പെ​ടു​ത്താ​നി​ല്ല. അ​ന്ന് ഞാ​ൻ കോ​ഴി​ക്കോ​ടാ​ണ് താ​മ​സം. മ​റ്റു​ള്ള​വ​രെ ആ​ശ്ര​യി​ച്ച് ക​ഴി​യ​ണ​മാ​യി​രു​ന്നു. ആ ​പ്ര​ത്യേ​ക സ​മ​യ​ത്ത് ജീ​വി​ക്കാ​ൻ ഒ​രു വ​രു​മാ​ന​മാ​ർ​ഗം ആ​വ​ശ്യ​മാ​ണെ​ന്ന് തോ​ന്നി.

തി​ക്കോ​ടി​യ​ന്‍റെ തി​ര​ക്ക​ഥ​യി​ൽ ‘ഉ​ത്ത​രാ​യ​നം’ എ​ന്ന സി​നി​മ​യെ​ടു​ക്കു​ന്ന​താ​യി അ​റി​ഞ്ഞു. തി​ക്കോ​ടി​യ​ൻ സാ​റി​ന് എ​ന്നെ​യും വ​ല്യ​ച്ഛ​ൻ​മാ​രെ​യു​മെ​ല്ലാം അ​റി​യാ​മാ​യി​രു​ന്നു. അ​ദ്ദേ​ഹ​മാ​ണ് എ​ന്നെ അ​ര​വി​ന്ദ​ൻ സാ​റി​ന് പ​രി​ച​യ​പ്പെ​ടു​ത്തി​യ​ത്. സി​നി​മ​യു​ടെ ബാ​ല​പാ​ഠംപോ​ലും അ​റി​യി​ല്ല. എ​ങ്കി​ലും ഞാ​ൻ അ​ഭി​ന​യി​ച്ചു. അ​തു​ക​ഴി​ഞ്ഞ് മ​ദ്രാ​സി​ലെ​ത്തി. തു​ട​ർ​ന്ന്, ഹ​മീ​ദ് കാ​ര​ശ്ശേ​രി​യു​ടെ കാ​ർ​ത്തി​ക​വി​ള​ക്ക്, കെ.​ജി. ജോ​ർ​ജി​ന്‍റെ ‘സ്വ​പ്നാ​ട​നം’ തു​ട​ങ്ങി​യ ചി​ത്ര​ങ്ങ​ളി​ൽ വേ​ഷ​മി​ട്ടു.

‘സ്വ​പ്നാ​ട​ന’​ത്തി​ലെ അ​ഭി​ന​യ​ത്തി​ന് റാ​ണി ച​ന്ദ്ര​ക്ക് മി​ക​ച്ച ന​ടി​ക്കും എ​നി​ക്ക് ര​ണ്ടാ​മ​ത്തെ ന​ടി​ക്കു​മു​ള്ള അ​വാ​ർ​ഡ് ല​ഭി​ച്ചു. അ​തോ​ടെ, ഞാ​ൻ ശ്ര​ദ്ധി​ക്ക​പ്പെ​ട്ടു. ന​ല്ല വേ​ഷ​ങ്ങ​ൾ ല​ഭി​ച്ച് തു​ട​ങ്ങി. പ്ര​ശ​സ്ത​രാ​യ പ​ല സം​വി​ധാ​യ​ക​രും അ​വ​സ​ര​ങ്ങ​ൾ ത​ന്നു.

ജീ​വി​ത​ത്തി​ലേ​ക്ക് സു​കു​മാ​ര​ൻ

സു​കു​മാ​ര​ൻ എ​ന്ന വ്യ​ക്തി ഇ​ല്ലാ​യി​രു​ന്നെ​ങ്കി​ൽ എ​ന്‍റെ ജീ​വി​തംത​ന്നെ മ​റ്റൊ​ന്നാ​കു​മാ​യി​രു​ന്നു. വീ​ട്ടു​കാ​രു​ടെ ഇ​ഷ്ട​ത്തി​ന് വി​രു​ദ്ധ​മാ​യ തീ​രു​മാ​നം എ​ടു​ക്കേ​ണ്ടി​വ​ന്ന​തി​നാ​ൽ ഞാ​ൻ അ​ഞ്ച് വ​ർ​ഷ​ത്തോ​ളം സി​നി​മ​യു​മാ​യി അ​വ​രി​ൽനി​ന്ന് അ​ക​ന്നു​നി​ൽ​ക്കു​ക​യാ​യി​രു​ന്നു.

വീ​ട്ടി​ൽ പോ​ക​ണം, അ​ച്ഛ​നെ​യും അ​മ്മ​യെ​യും കാ​ണ​ണം, ഇ​ങ്ങ​നെ ഒ​റ്റ​ക്ക് ജീ​വി​ച്ചാ​ൽ ശ​രി​യാ​വി​ല്ല എ​ന്നെ​ല്ലാം ഉ​പ​ദേ​ശി​ച്ച​ത് സു​കു​മാ​ര​നാ​ണ്. അ​ദ്ദേ​ഹ​ത്തി​ന്‍റെ കാ​റി​ലാ​ണ് വ​ർ​ഷ​ങ്ങ​ൾ​ക്കുശേ​ഷം അ​പ്ര​തീ​ക്ഷി​ത​മാ​യി വീ​ട്ടി​ൽ പോ​യി അ​ച്ഛ​നെ​യും അ​മ്മ​യെ​യും ക​ണ്ട​ത്. ശ്രീ​കു​മാ​ര​ൻ ത​മ്പി​യു​ടെ സി​നി​മ​യി​ൽ അ​ഭ​ിന​യി​ക്കു​ന്ന സ​മ​യ​മാ​യി​രു​ന്നു. ത​മ്പി​ച്ചേ​ട്ട​ൻ ഞ​ങ്ങ​ളു​ടെ നാ​ട്ടു​കാ​ര​ൻകൂ​ടി​യാ​ണ്. പ്ര​തി​സ​ന്ധി ഘ​ട്ട​ത്തി​ലെ​ല്ലാം അ​ദ്ദേ​ഹം കൂ​ടെനി​ന്നി​ട്ടു​ണ്ട്.

‘അ​വ​ളു​ടെ രാ​വു​ക​ളു’​ടെ സെ​റ്റി​ൽവെ​ച്ചാ​ണ് സു​കു​വേ​ട്ട​നെ അ​ടു​ത്ത് പ​രി​ച​യ​പ്പെ​ട്ട​ത്. കാ​ര്യ​ങ്ങ​ൾ പ​ര​സ്പ​രം തു​റ​ന്നു സംസാരിച്ചു. ‘കാ​ത്തി​രു​ന്ന നി​മി​ഷം’, ‘നി​ഴ​ലേ നീ ​സാ​ക്ഷി’, ‘കു​ടും​ബം ന​മു​ക്ക് ശ്രീ​കോ​വി​ൽ’ തു​ട​ങ്ങി​യ ചി​ത്ര​ങ്ങ​ളി​ൽ ഒ​രു​മി​ച്ച് അ​ഭി​ന​യി​ച്ചു. സു​കു​വേ​ട്ട​ന്‍റെ സ​ഹോ​ദ​രി എ​ന്‍റെ കൂ​ട്ടു​കാ​രി​യാ​യി​രു​ന്നു. കോ​ട്ട​ൺ​ഹി​ൽ സ്കൂ​ളി​ൽ ഞ​ങ്ങ​ൾ ഒ​രു​മി​ച്ചാ​ണ് പ​ഠി​ച്ച​ത്. സുകുമാരൻ വി​വാ​ഹ​ത്തെ​ക്കു​റി​ച്ച് എ​ന്‍റെ അ​ച്ഛ​നും അ​മ്മ​യു​മാ​യി നേ​രി​ട്ട് സം​സാ​രിക്കുകയായിരുന്നു. അ​വ​ർ​ക്കും എ​തി​ർ​പ്പു​ണ്ടാ​യി​രു​ന്നി​ല്ല.

അ​ഭി​ന​യ​ത്തി​ന് ഒ​രു ഇ​ട​വേ​ള

സു​കു​വേ​ട്ട​നു​മാ​യു​ള്ള വി​വാ​ഹ​ത്തി​നുശേ​ഷ​മാ​ണ് ഞാ​ൻ സി​നി​മ​യി​ൽനി​ന്ന് താ​ൽ​ക്കാ​ലി​ക​മാ​യി വി​ട്ടു​നി​ന്ന​ത്. ഭ​ർ​ത്താ​വി​ന്‍റെ​യും കു​ടും​ബ​ത്തി​ന്‍റെ​യും കാ​ര്യ​ങ്ങ​ൾ നോ​ക്കി കു​ടും​ബ​ത്തി​ൽ ഒ​തു​ങ്ങി. ന​ന്നാ​യി ജീ​വി​ച്ച് കാ​ണി​ച്ചു​കൊ​ടു​ക്ക​ണ​മെ​ന്ന വാ​ശി എ​നി​ക്കു​ണ്ടാ​യി​രു​ന്നു. സു​കു​വേ​ട്ട​ൻ മ​രി​ച്ച​പ്പോ​ൾ ജീ​വി​തം തീ​ർ​ന്നെ​ന്ന് വി​ചാ​രി​ച്ചു. പ​ക്ഷേ, ആ​ത്മ​ഹ​ത്യ​യെ​ക്കു​റി​ച്ചൊ​ന്നും ചി​ന്തി​ക്കു​ന്ന ആ​ള​ല്ല ഞാ​ൻ. മു​മ്പും ഭീ​ഷ​ണി​ക​ൾ​ക്കു മു​ന്നി​ലൊ​ന്നും ത​ള​ർ​ന്നി​ട്ടി​ല്ല. സാ​മ്പ​ത്തി​ക​മാ​യി സു​കു​വേ​ട്ട​ന് വ​ള​രെ ക​രു​ത​ലു​ണ്ടാ​യി​രു​ന്നു.

ആ​രെ​യും ആ​ശ്ര​യി​ക്കേ​ണ്ട അ​വ​സ്ഥ അ​ദ്ദേ​ഹം ഉ​ണ്ടാ​ക്കി​വെ​ച്ചി​രു​ന്നി​ല്ല. ജീ​വി​ത​ത്തി​ന്‍റെ പ്ര​ത്യേ​ക ഘ​ട്ട​ത്തി​ൽ ഒ​രു​പാ​ടു പേ​ർ മ​ന​സ്സ​റി​ഞ്ഞ് സ​ഹാ​യി​ച്ചു. ഒ​ട്ടേ​റെ പ്ര​തി​സ​ന്ധി​ക​ളു​ണ്ടാ​യി. അ​തി​ൽ​നി​ന്നെ​ല്ലാം ക​ര​ക​യ​റ​ണ​മെ​ന്ന് ആ​ഗ്ര​ഹി​ച്ചു. മ​ക്ക​ളെ ന​ന്നാ​യി വ​ള​ർ​ത്തു​മെ​ന്ന് അ​ദ്ദേ​ഹ​ത്തി​ന് ഞാ​ൻ കൊ​ടു​ത്ത വാ​ക്കാ​ണ്. അ​വ​രെ ന​ന്നാ​യി പ​ഠി​പ്പി​ക്കാ​ൻ ക​ഴി​ഞ്ഞു. അ​തി​ലെ​ല്ലാം ചാ​രി​താ​ർ​ഥ്യമു​ണ്ട്.

തി​രി​ച്ചു​വ​രു​ന്നു

‘മേ​ഘ​സ​ന്ദേ​ശം’ എ​ന്ന സി​നി​മ​യി​ലൂ​ടെ​യും ‘പെ​യ്തൊ​ഴി​യാ​തെ’ എ​ന്ന സീ​രി​യ​ലി​ലൂ​ടെ​യു​മാ​ണ് 15 വ​ർ​ഷ​ത്തി​നു ശേ​ഷ​മു​ള്ള തി​രി​ച്ചു​വ​ര​വ്. തി​ല​ക​നും ജ​യ​ഭാ​ര​തി​യു​മെ​ല്ലാം ആ ​സീ​രി​യ​ലി​ൽ ഉ​ണ്ടാ​യി​രു​ന്നു. ഓ​രോ​ന്ന് ആ​ലോ​ചി​ച്ച് വെ​റു​തെ വീ​ട്ടി​ലി​രു​ന്നാ​ൽ അ​സു​ഖം വ​രു​മെ​ന്നും ഇ​തൊ​രു ന​ല്ല ഓ​പ​ണി​ങ് ആ​ണെ​ന്നും പ​റ​ഞ്ഞ​ത് മ​ക്ക​ളാ​ണ്. അ​വ​രു​ടെ നി​ർ​ബ​ന്ധ​വും തി​രി​ച്ചു​വ​ര​വി​ന് കാ​ര​ണ​മാ​യി. പി​ന്നീ​ട് ഒ​ട്ടേ​റെ സീ​രി​യ​ലു​ക​ളി​ലേ​ക്കും സി​നി​മ​ക​ളി​ലേ​ക്കും ഓ​ഫ​ർ വ​ന്നു.

അ​ന്നും ഇ​ന്നും സി​നി​മ

കാ​ലാ​നു​സൃ​ത​മാ​യ മാ​റ്റം അ​ഭി​രു​ചി​ക​ളി​ലും ചി​ന്ത​ക​ളി​ലും വ​ന്നി​ട്ടു​ണ്ട്. അ​ന്ന് സി​നി​മ​യി​ൽ ഉ​ണ്ടാ​യി​രു​ന്ന കൂ​ട്ടാ​യ്മ​യും അ​ടു​പ്പ​വും ഇ​ന്നി​ല്ല. ന​സീ​ർ സാ​ർ വീ​ട്ടി​ൽനി​ന്ന് കൊ​ണ്ടു​വ​രു​ന്ന ഭ​ക്ഷ​ണം സെ​റ്റി​ൽ എ​ല്ലാ​വ​രും പ​ങ്കി​ട്ട് ക​ഴി​ക്കു​ന്ന​തൊ​ക്കെ ന​ല്ല ഓ​ർ​മ​ക​ളാ​ണ്. അ​ന്ന് സി​നി​മ ഒ​രു കു​ടും​ബംപോ​ലെ​യാ​യി​രു​ന്നു. സി​നി​മ സ്വ​ന്തം ചോ​റാ​ണെ​ന്ന ചി​ന്ത​യു​ണ്ടാ​യി​രു​ന്നു. പ​ഴ​യ നാ​യി​ക​മാ​രു​ടെ ക​മി​റ്റ്മെ​ന്‍റ് ഇ​ന്ന് പ​ല​ർ​ക്കു​മി​ല്ല. പെ​ട്ടെ​ന്ന് പ​ണ​മു​ണ്ടാ​ക്കാ​നു​ള്ള മാ​ർ​ഗ​മാ​യാ​ണ് ചി​ല​ർ സി​നി​മ​യെ കാ​ണു​ന്ന​ത്.

നാ​യി​ക​യാ​കാ​ൻ ന​ട​ക്കു​ന്ന​വ​രാ​ണ് വി​വേ​ച​നം നേ​രി​ട്ടെ​ന്നൊ​ക്കെ പ​റ​യു​ന്ന​ത്. എ​നി​ക്ക് അ​ങ്ങ​നെ ഉ​ണ്ടാ​യി​ട്ടി​ല്ല. അ​വാ​ർ​ഡ് കി​ട്ടി​യി​ല്ലെ​ന്ന് ക​രു​തി സ​ങ്ക​ട​പ്പെ​ടേ​ണ്ട കാ​ര്യ​മി​ല്ല. അ​ത് ജ​ഡ്ജി​ങ് ക​മ്മി​റ്റി​യി​ലെ ഏ​ഴോ എ​ട്ടോ പേ​രു​ടെ തീ​രു​മാ​ന​മാ​ണ്. കേ​ര​ള​ത്തി​ലെ മു​ഴു​വ​ൻ പ്രേ​ക്ഷ​ക​രു​ടെ​യും തീ​രു​മാ​ന​മ​ല്ല. മ​ല​യാ​ളം ന​ന്നാ​യി സം​സാ​രി​ക്കാ​ൻ അ​റി​യാ​ത്ത​വ​ർ​ക്ക് മി​ക​ച്ച ന​ടി​ക്കു​ള്ള അ​വാ​ർ​ഡ് ന​ൽ​ക​രു​തെ​ന്ന അ​ഭി​പ്രാ​യംത​ന്നെ​യാ​ണ് എ​നി​ക്ക്. ചി​ല​ർ പ​റ​യു​ന്ന​ത് മ​ല​യാ​ള​മാ​ണോ ഇം​ഗ്ലീ​ഷാ​ണോ എ​ന്നുപോ​ലും തി​രി​ച്ച​റി​യാ​നാ​വു​ന്നി​ല്ല. സൂ​പ്പ​ർതാ​ര​ങ്ങ​ളു​ടെ ആ​ധി​പ​ത്യ​മെ​ന്ന് പ​റ​യു​ന്ന​തി​ലൊ​ന്നും കാ​ര്യ​മി​ല്ല. ജ​നം അം​ഗീ​ക​രി​ക്കു​ന്നി​ട​ത്തോ​ളം അ​വ​ർ സൂ​പ്പ​ർതാ​ര​ങ്ങ​ളാ​ണ്. അ​തി​നെ കു​റ്റ​പ്പെ​ടു​ത്താ​നാ​വി​ല്ല.

പൃ​ഥ്വി​യു​ടെ ആ​ടു​ജീ​വി​തം

സി​നി​മ​ക്കുവേ​ണ്ടി അ​വ​ൻ ശ​രീ​ര​ഭാ​രം 30 കി​ലോ കു​റ​ച്ച​തൊ​ക്കെ അ​വ​സാ​ന​മാ​ണ് ഞാ​ൻ അ​റി​ഞ്ഞ​ത്. എ​ന്നോ​ടൊ​ന്നും പ​റ​ഞ്ഞി​രു​ന്നി​ല്ല. ലൊ​ക്കേ​ഷ​നി​ൽനി​ന്ന് ഫോ​ട്ടോ​ക​ളൊ​ന്നും എ​നി​ക്ക​യ​ക്കാ​തി​രി​ക്കാ​ൻ ശ്ര​ദ്ധി​ച്ചു. വ​ലി​യൊ​രു റി​സ്കാ​ണ് അ​വ​ൻ എ​ടു​ത്ത​ത്. ഡോ​ക്ട​ർ​മാ​ർ പ​റ​ഞ്ഞി​ട്ടുപോ​ലും കേ​ട്ടി​ല്ല.

സു​കു​മാ​ര​ന്റെ ഇ​ട​തു​പ​ക്ഷം; മ​ല്ലി​ക​യു​ടെ രാ​ഷ്ട്രീ​യം

എ​ന്‍റെ അ​ച്ച​നും അ​ച്ഛ​ന്‍റെ കു​ടും​ബ​വും ഗാ​ന്ധി​യ​ൻ​മാ​രാ​യി​രു​ന്നു. എ​നി​ക്ക് രാ​ഷ്ട്രീ​യ​ത്തി​ലി​റ​ങ്ങാ​നൊ​ന്നും താ​ൽ​പ​ര്യ​മി​ല്ല. ന​ല്ല കാ​ര്യ​ങ്ങ​ൾ ആ​ര് ചെ​യ്താ​ലും ഞാ​ൻ ന​ല്ല​ത് പ​റ​യും. പാ​ർ​ട്ടി തീ​രു​മാ​ന​ങ്ങ​ൾ മു​ഴു​വ​ൻ സ​ർ​ക്കാ​ർ ന​ട​പ്പാ​ക്ക​ണ​മെ​ന്ന് പ​റ​യു​ന്ന​ത് അം​ഗീ​ക​രി​ക്കാ​നാ​വി​ല്ല. ഇ​പ്പോ​ൾ എ​ല്ലാ​ത്തി​ലും രാ​ഷ്ട്രീ​യ​മാ​ണ്. ഇ​ക്കാ​ര്യ​ത്തി​ൽ ക​രു​ണാ​ക​ര​ൻ സാ​റി​നെ ന​മ്മ​ൾ ക​ണ്ടു പ​ഠി​ക്ക​ണം. ഇ​ത്ര​യും പൊ​ളി​റ്റി​ക്ക​ൽ ക​രി​സ്മ​യു​ള്ള​ നേ​താ​വ് വേ​റെ​യി​ല്ല. സു​കു​മാ​ര​ൻ എ​ന്ന പ​ഴ​യ എ​സ്.​എ​ഫ്.​ഐ​ക്കാ​ര​നെ ച​ല​ച്ചി​ത്ര വി​ക​സ​ന കോ​ർ​പ​റേ​ഷ​ൻ ചെ​യ​ർ​മാ​നാ​ക്കാ​ൻ അ​ദ്ദേ​ഹം ആ​രെ​യും പേ​ടി​ച്ചി​ല്ല. പാ​ർ​ട്ടി പ​ഴ​യ​തി​ൽനി​ന്ന് വ്യ​തി​ച​ലി​ച്ചു​പോ​കു​ന്നു എ​ന്നൊ​ക്കെ സു​കു​മാ​ര​ൻ ഇ​ട​ക്ക് പ​റ​യു​മാ​യി​രു​ന്നു.

അ​മ്പ​ത് വ​ർ​ഷം, തി​രി​ഞ്ഞു​നോ​ട്ടം

മു​ൻനി​ര സം​വി​ധാ​യ​ക​രു​ടെ ചി​ത്ര​ങ്ങ​ളി​ലെ​ല്ലാം അ​ഭി​ന​യി​ക്കാ​ൻ ക​ഴി​ഞ്ഞ​ത് ഭാ​ഗ്യ​മാ​യി. നാ​യി​ക​യാ​കാ​ൻ ഞാ​ൻ ഓ​ടിന​ട​ന്നി​ട്ടി​ല്ല. ന​ല്ല ക​ഥാ​പാ​ത്ര​ങ്ങ​ൾ ചെ​യ്യു​ക എ​ന്ന​ത് മാ​ത്ര​മാ​യി​രു​ന്നു ല​ക്ഷ്യം. അ​ധി​ക വ​രു​മാ​ന​മാ​കു​മ​ല്ലോ എ​ന്ന് ക​രു​തി​യാ​ണ് അ​ക്കാ​ല​ത്ത് അ​സി​സ്റ്റ​ന്‍റ് ഡ​യ​റ​ക്ട​റാ​യും പ്രൊ​ഡ​ക്ഷ​ൻ ക​ൺ​ട്രോ​ള​റാ​യും ഡ​ബിങ് ആ​ർ​ട്ടി​സ്റ്റാ​യു​മൊ​ക്കെ പ്ര​വ​ർ​ത്തി​ച്ച​ത്. സി​നി​മ​യെ​ക്കു​റി​ച്ച് കൂ​ടു​ത​ൽ പ​ഠി​ക്കാ​നും അ​ത് സ​ഹാ​യി​ച്ചു.

എ​ന്‍റെ വേ​ഷ​ങ്ങ​ൾ പ്രേ​ക്ഷ​ക​ർ ഇ​പ്പോ​ഴും ഓ​ർ​ത്തി​രി​ക്കു​ന്നു എ​ന്ന​ത് സ​ന്തോ​ഷ​മു​ള്ള കാ​ര്യ​മാ​ണ്. പ​ത്ത് സീ​നാ​ണെ​ങ്കി​ലും ക​ഥാ​പാ​ത്രം പ്രേ​ക്ഷ​ക​ന്‍റെ മ​ന​സ്സി​ലു​ണ്ടാ​ക​ണം. ‘സ്വ​പ്നാ​ട​നം’, ‘അ​നു​ഭ​വം’, ‘വ​യ​നാ​ട​ൻ ത​മ്പാ​ൻ’ എ​ന്നി​വ​യി​ലൊ​ക്കെ മി​ക​ച്ച വേ​ഷ​ങ്ങ​ളാ​യി​രു​ന്നു. എ​ങ്കി​ലും ന​ല്ല വേ​ഷ​ങ്ങ​ൾ കു​റ​ച്ചു​കൂ​ടി കി​ട്ടാ​മാ​യി​രു​ന്നു എ​ന്ന് തോ​ന്നി​യി​ട്ടു​ണ്ട്. മ​മ്മൂ​ട്ടി നാ​യ​ക​നാ​യ ‘ട​ർ​ബോ’​യി​ലേ​ക്ക് ഒ​രു മാ​സ​ത്തെ ഡേ​റ്റ് ചോ​ദി​ച്ചി​രു​ന്നു. കാ​ലി​ന് നീ​രും പ്ര​ശ്ന​ങ്ങ​ളു​മാ​യ​തി​നാ​ൽ പോ​കാ​നാ​യി​ല്ല. അ​തൊ​രു വ​ലി​യ നി​രാ​ശ​യാ​ണ്.

എ​ന്നെ​ക്കു​റി​ച്ച് സ​മൂ​ഹ മാ​ധ്യ​മ​ങ്ങ​ളി​ൽ ട്രോ​ളു​ക​ളും ആ​ക്ഷേ​പ​ങ്ങ​ളു​മെ​ല്ലാം കാ​ണാ​റു​ണ്ട്. അ​തി​ലൊ​ന്നും വി​ഷ​മ​മി​ല്ല. പ്ര​ള​യ​കാ​ല​ത്ത് ചെ​മ്പു​പാ​ത്ര​ത്തി​ൽ പോ​യ​ത് ചി​ല​ർ മൊ​ബൈ​ലി​ൽ പ​ക​ർ​ത്തി ട്രോ​ളു​ക​ളാ​ക്കി ആ​ഘോ​ഷി​ച്ചു. അ​ന്ന് തി​രു​വ​ന​ന്ത​പു​ര​ത്ത് ഞാ​ൻ താ​മ​സി​ച്ചി​രു​ന്ന സ്ഥ​ല​ത്തെ സാ​ഹ​ച​ര്യം അ​താ​യി​രു​ന്നു. ഞാ​ൻ നി​മി​ത്തം അ​തി​നൊ​രു മാ​റ്റ​മു​ണ്ടാ​യി. രാ​ഷ്ട്രീ​യ​ത്തി​ലും സി​നി​മ​യി​ലും ആ​രോ​പ​ണ​ങ്ങ​ൾകൊ​ണ്ട് മൂ​ടാ​നാ​ണ് എ​ല്ലാ​വ​ർ​ക്കും ഇ​ഷ്ടം. ന​ല്ല​ത് ആ​രും കാ​ണി​ല്ല.