ആതുരാലയത്തിന് ആത്മവിശ്വാസത്തിന്‍റെ മുഖം; ഡോ. ഷാഹിന ചുമതലയേറ്റു

പെ​രു​മ്പ​ട​പ്പ്: സ​മൂ​ഹ​ത്തി​ന്റെ മി​ഥ്യാ​ധാ​ര​ണ​ക​ളെ പൊ​ളി​ച്ചെ​ഴു​തി​യ ഡോ. ​ഷാ​ഹി​ന പെ​രു​മ്പ​ട​പ്പ് ഹോ​മി​യോ ഡി​സ്പെ​ൻ​സ​റി​യി​ലെ മെ​ഡി​ക്ക​ൽ ഓ​ഫി​സ​റു​ടെ ക​സേ​ര​യി​ലെ​ത്തി. ന​ഴ്സ​റി വി​ദ്യാ​ർ​ഥി​യാ​യി​രു​ന്ന കാ​ല​ത്ത് ജീ​വി​ത​ത്തി​ൽ ക​രി​നി​ഴ​ൽ വീ​ഴ്ത്തി​യ സം​ഭ​വ​ത്തെ ആ​ത്മ​വി​ശ്വാ​സം കൊ​ണ്ടും പ​ഠ​ന മി​ക​വ് കൊ​ണ്ടും നേ​രി​ട്ടാ​ണ് ഷാ​ഹി​ന ഉ​യ​ർ​ച്ച​യു​ടെ പ​ട​വു​ക​ൾ ക​യ​റി​യ​ത്. അ​ഞ്ചാം വ​യ​സ്സി​ൽ ഷാ​ഹി​ന​യു​ടെ മു​ഖ​ത്തി​ന്റെ 70 ശ​ത​മാ​ന​ത്തോ​ളം ഭാ​ഗ​ത്തി​ന് പൊ​ള്ള​ലേ​ൽ​ക്കു​ക​യാ​യി​രു​ന്നു. ഉ​മ്മ സു​ഹ​റ​യു​ടെ ക​രു​ത​ലും സ്നേ​ഹ​വും സ​മൂ​ഹ​ത്തി​നു മു​ന്നി​ൽ ത​ല​യു​യ​ർ​ത്തി നി​ൽ​ക്കാ​ൻ ഷാ​ഹി​ന​ക്ക് പ്രാ​പ്ത​യാ​ക്കി.

പ​ഠ​ന​ത്തി​ൽ മി​ടു​ക്കി​യാ​യ ഷാ​ഹി​ന എ​ൻ​ട്ര​ൻ​സ് പ​രീ​ക്ഷ​യി​ൽ മി​ക​ച്ച മാ​ർ​ക്ക് നേ​ടി​യാ​ണ് ഹോ​മി​യോ മെ​ഡി​സി​ന് ചേ​ർ​ന്ന​ത്. വീ​ട്ടു​കാ​രു​ടെ നി​റ​ഞ്ഞ പി​ന്തു​ണ​യും സ​ഹ​പാ​ഠി​ക​ളു​ടെ ചേ​ർ​ത്തു​പി​ടി​ക്ക​ലും അ​വ​ൾ​ക്ക് ക​രു​ത്താ​യി.

പ​ഠ​ന​ശേ​ഷം കോ​ട്ട​യം പാ​ല കു​ട​ക്ക​ച്ചി​റ​യി​ലെ സ​ർ​ക്കാ​ർ മെ​ഡി​ക്ക​ൽ ഓ​ഫി​സ​റാ​യ ഷാ​ഹി​ന പി​ന്നീ​ട് തൃ​പ്പൂ​ണി​ത്ത​റ ഗ​വ. ഡി​സ്പെ​ൻ​സ​റി​യി​ൽ അ​തേ പ​ദ​വി​യി​ലെ​ത്തി. ഇ​തി​നി​ടെ ഷാ​ഹി​ന​യു​ടെ താ​മ​ര​പ്പൂ​ക്ക​ൾ​ക്കി​ട​യി​ലെ ഫോ​ട്ടോ ഷൂ​ട്ട് നാ​ട് ഏ​റ്റെ​ടു​ക്കു​ക​യും ച​ല​ച്ചി​ത്ര ന​ട​ൻ മ​മ്മൂ​ട്ടി​യു​ടെ ശ്ര​ദ്ധ​യാ​ക​ർ​ഷി​ക്കു​ക​യും ചെ​യ്തു. മ​മ്മൂ​ട്ടി ഡ​യ​റ​ക്ട​റാ​യ പ​ത​ഞ്ജ​ലി ഹെ​ർ​ബ​ൽ​സ് ഷാ​ഹി​ന​യു​ടെ ചി​കി​ത്സ ഏ​റ്റെ​ടു​ത്ത് ന​ട​ത്തി.

പി​ന്നീ​ട് മാ​റ​ഞ്ചേ​രി സ്വ​ദേ​ശി നി​യാ​സി​ന്റെ വ​ധു​വാ​യി കൊ​ച്ചി​യി​ൽ​നി​ന്ന് മാ​റ​ഞ്ചേ​രി​യി​ലെ​ത്തി​യ ഡോ. ​ഷാ​ഹി​ന ഭ​ർ​തൃ​ഗൃ​ഹ​ത്തി​ന​ടു​ത്ത ഹോ​മി​യോ ഡി​സ്പെ​ൻ​സ​റി​യി​ൽ മെ​ഡി​ക്ക​ൽ ഓ​ഫി​സ​റാ​യി ചു​മ​ത​ല​യേ​ൽ​ക്കു​ക​യാ​യി​രു​ന്നു.