എഴുത്തിൽ മിന്നിച്ച്​ റഈസ

കോവിഡ്​ ലോക്​ഡൗണിൽ വീട്ടിലിരുന്ന്​ വെറുപ്പിക്കുന്ന പിള്ളേർക്കൂട്ടത്തിൽ എന്തായാലും എറണാകുളം ഇടപ്പള്ളിക്കാരി റഇൗസ അബ്​ദുൽ ഖാദർ പെട്ടില്ല. ഉമ്മ താഹിറ പിന്നാലെകൂടി മകളെക്കൊണ്ട്​ പഠിപ്പിച്ചെടുത്തത്​ ടിക്​ടോക്കിലെ ജനപ്രിയ ഇനങ്ങളുമല്ല. പകരം അറബിക്​ കാലിഗ്രഫി​. സംഗതി ക്ലിക്കായപ്പോൾ ആറേഴുമാസത്തെ ലോക്​ഡൗൺകൊണ്ട്​ അറബിക്​ കാലിഗ്രഫിയിൽ ഇൻറർനാഷനൽ താരമായി ഈ ഒന്നാം വർഷ എം.ബി.എ വിദ്യാർഥിനി.

ഇടപ്പള്ളി പത്തടിപ്പാലം ചങ്ങമ്പുഴ നഗറിൽ പാലക്കമറ്റം റഈസ അബ്​ദുൽ ഖാദറിന്​ ബാല്യം മുതൽ സ്​റ്റേജ്​ ഒരു വീക്​നസാണ്​. പ്രസംഗമോ പാ​ട്ടോ തുടങ്ങി പരിപാടികൾ ആങ്കർ ചെയ്യാൻ വരെ മുമ്പന്തിയിൽ. ചിത്രകലയോട്​ മകളുടെ ഇഷ്​ടംകണ്ട്​ വാപ്പ അബ്​ദുൽ ഖാദർ വിവിധതരം പെയിൻറുകൾ വാങ്ങി നൽകി. പെൻസിൽ ആർട്ടിലാണ്​ തുടക്കം. ഡൂഡ്​ൽ ആർട്ട്​, പെയിൻറിങ്, പോസ്​റ്റർ ഡിസൈനിങ് തുടങ്ങി കൈവെക്കാത്തത്​ ഒന്നുമില്ല. കട്ടസപ്പോർട്ടുമായി വാപ്പ കൂടെയും.

ഉമ്മ കൈപിടിച്ചത്​ കാലിഗ്രഫിയിൽ

പ്ലസ് ​ടു പഠനകാലത്താണ്​​ വാപ്പയുടെ മരണം. എന്തിനും കൂട്ടുനിന്ന വാപ്പയുടെ കുറവ്​ പ​േക്ഷ, ഉമ്മ റഈസ ഉൾപ്പെടെ നാലു പെൺമക്കളെയും അറിയിച്ചില്ല. എവിടെയെങ്കിലും മനോഹരമായ അറബിക്​ കാലിഗ്രഫി കണ്ടാൽ നോക്കിനിന്നിരുന്ന ഉമ്മ റഈസയോട്​ അത്​ പരിശീലിക്കാൻ ഇടക്കിടെ ആവശ്യപ്പെട്ടുകൊണ്ടിരുന്നു. 2017 മുതൽ പറച്ചിൽ സീരിയസായി. കാര്യമായ താൽപര്യം ഇല്ലെങ്കിലും ഉമ്മയുടെ നിർബന്ധത്തിൽ പരിശീലിച്ചുതുടങ്ങി. ആദ്യമൊക്കെ ശരിയാകാതെ വന്നതോടെ മനസ്സിൽ വാശിയായി.

ഈ വർഷമാദ്യം പുതിയ വീടിനുവേണ്ടി ഖുർആൻ വാചകം എഴുതണമെന്ന്​ ഉമ്മ ആവശ്യപ്പെട്ടു. തുടർന്ന്​ യൂട്യൂബിലും മറ്റും നോക്കി പഠിക്കാൻ ആരംഭിച്ചു. കാലിഗ്രഫി എഴുതാൻ പ്രത്യേകമായി ഒരു എഴുത്തുപകരണം​ 'കലം' എന്ന പേരിലുണ്ട്​. മരത്തി​െൻറ കഷണംവെച്ച് ഉണ്ടാക്കുന്നത്​.​ അത്​ മഷിയിൽ മുക്കി എഴുതണം. സ്​കെച്ചിനും മാർക്കറിനും കിട്ടാത്ത പെർഫക്​ഷനാണ്​ കലംവെച്ച്​ എഴുതിയാൽ ലഭിക്കുക. അത്​ ലഭിക്കാതായതോടെ മുളകൊണ്ട്​ ഉണ്ടാക്കാനും ശ്രമങ്ങൾ നടത്തി.

കരീംഗ്രഫിയുടെ ശിഷ്യ

ഒരു ബന്ധു വഴി കേരളത്തിൽ അറബിക്​ കാലിഗ്രഫിയുടെ അവസാന വാക്കായ കരീംഗ്രഫിയുടെ നമ്പർ ലഭിച്ചതോടെ പുത​ുലോകത്തേക്ക്​ വഴിതുറന്നു. അദ്ദേഹത്തി​െൻറ വാക്കുകൾ വലിയ പ്രചോദനമായി. 'കലം' എവിടെയാണ്​ ലഭിക്കുകയെന്നും വിവരം ലഭിച്ചു. അത്​ വാങ്ങി എഴുതി പരിശീലിച്ചു. എഴുതിയ ഒന്ന്​ അനുജത്തി ഐഷ സ്​റ്റാറ്റസ്​ ഇട്ടപ്പോൾ അതുകണ്ട്​ അവളുടെ ലെക്​ചറർ ആദ്യ ഓർഡർ നൽകി. ഖുർആനിലെ മരണത്തെ വിശേഷിപ്പിക്കുന്ന ഒരു വാചകം​ എഴുതാൻ പറഞ്ഞു​. കാൻവാസിൽ ആദ്യമായി തൊട്ടത്​ അത്​ എഴുതാനാണ്​. സംഗതി​ ക്ലിക്കായതോടെ മൂത്ത സഹോദരി റീഹാമി​െൻറ ഭർത്താവ്​ ബിസ്​മിൽ റഹ്​മാൻ വഴി ​ദുബൈയിൽനിന്ന്​ ഓർഡറുകൾ വന്നു. മറ്റൊരു സഹോദരി ഷാഹിനയും ഭർത്താവ്​ ഷെഫീക്കും പിന്തുണച്ചു.

ഇൻസ്​റ്റ അക്കൗണ്ടിലൂടെ ക്ലിക്ക്​

പിന്നീടാണ്​ കാലിഗ്രഫി ഇമേജുകൾ പ്രദർശിപ്പിച്ച്​ 'റയലിൻ' എന്ന പേരിൽ ഇൻസ്​റ്റഗ്രാം അക്കൗണ്ട്​ തുടങ്ങുന്നത്​. നോബിൾ ലേഡി എന്ന അർഥം വരുന്നതാണ്​ പേര്​​. ഇതോടെ വലിയ പിന്തുണയായി​. തമിഴ്​നാട്ടിൽനിന്നും ഉത്തരേന്ത്യയിൽ നിന്നുമൊക്കെ ഓർഡറുകൾ കിട്ടി. ആവശ്യപ്പെടുന്നവ കാലിഗ്രഫിയിൽ എഴുതി ഫ്രെയിം ചെയ്​തും അല്ലാതെയും കൊറിയർ വഴിയാണ്​ അയക്കുക. ജർമനിയിൽ തുടങ്ങുന്ന ഒരു സംരംഭത്തിന്​ 'ഊദ്​' എന്ന അറബി വാക്ക്​ ഡിസൈൻ ചെയ്യാൻ ആവശ്യപ്പെട്ട്​ ലഭിച്ച ഓർഡർ വലിയൊരു ചുവടുവെപ്പായി. കാനഡയിൽനിന്ന്​ അറബിക്​ ടാറ്റൂ ആർട്ട്​ ആവശ്യപ്പെട്ടും വിളിയെത്തി. പിന്നാലെ സ്​പെയിനിൽനിന്നും.

മോഡേൺ ഫ്രീസ്​​െറ്റെൽ കാലിഗ്രഫിറ്റി

ദിയാൽ ആലം, ആദിൽ അബ്​ദി എന്നീ അന്തർദേശീയ കാലിഗ്രഫേഴ്​സി​െൻറ രചനകളെ പിന്തുടർന്ന്​ ​മോഡേൺ ഫ്രീസ്​െ​റ്റെൽ കാലിഗ്രഫിറ്റി റഈസ പഠിക്കുകയാണ്​. ഒരുപാട്​ നാളത്തെ പ്രയത്​നത്തിനുശേഷം സ്വന്തമായി ഫ്രീസ്​​െറ്റെൽ അറബിക്​ കാലിഗ്രഫിറ്റി തന്നെ ഉണ്ടാക്കി. പുതിയ ടൂളുകൾ കണ്ടെത്താനും പ്രദർശനം നടത്താനും ശ്രമങ്ങൾ നടത്തുന്നു​. ഈയിടെ വരച്ചതാണ്​ മോഡേൺ കാലിഗ്രഫിറ്റി ഫ്രീസ്​റ്റൈൽ ആർട്ടിലൂടെ സ്​ത്രീയുടെ രൂപം​. സ്വബാവുൽ ഹക്കീം എന്ന ആധുനിക ഇറാനിയൻ കവയിത്രി എഴുതിയ കവിതയാണ് ഹൈലൈറ്റ്​ ചെയ്​തത്​​. അറബി ഭാഷയുടെ മഹത്ത്വം പറയുന്ന വരികൾ മനോഹരമായി ഉൾ​ച്ചേർത്തിരിക്കുന്നു.

നബിദിന വൈറൽ സ്​റ്റാറ്റസ്​

നവംബറിൽ നബിദിനത്തിൽ മുഹമ്മദ്​ നബിയുടെ പേര്​ കാലിഗ്രഫിയിൽ എഴുതി വിഡിയോ ചെയ്​തു. അഞ്ചു ദിവസംെകാണ്ട്​ അതു കണ്ടത്​ 10 ലക്ഷം ​േപരാണ്​. മൊറോക്കോ, അൽജീരിയ, തുർക്കി തുടങ്ങി ആ വിഡിയോ മെസേജ്​​ സ്​റ്റാറ്റസാക്കിയവരുടെ അഭിനന്ദന സന്ദേശങ്ങൾ ഇൻസ്​റ്റഗ്രാമിൽ കുന്നുകൂടി. മകൾ ഇൻറർനാഷനൽ ആയതോടെ വീട്ടുകാർക്കും സന്തോഷം. ഇപ്പോൾ അറബി ഭാഷയുടെ വിവിധ സ്ക്രിപ്​റ്റുകളായ തുളുത്ത്​, തിവാനി, നശ്​ക്​, കുഫിക്​ എന്നിവയിൽ ഗവേഷണവും തുടങ്ങി റഈസ.