അ​മ്മി​ണി കാ​യ​ലി​ൽ​നി​ന്ന്​ വാ​രി​യെ​ടു​ക്കു​ന്ന​ത്​ ജീ​വി​തം

ജീ​വി​ത​ത്തി​ന്‍റെ ര​ണ്ട​റ്റം മു​ട്ടി​ക്കാ​ൻ വേ​മ്പ​നാ​ട് കാ​യ​ലി​നോ​ട് മ​ല്ല​ടി​ക്കു​ക​യാ​ണ് പാ​ണാ​വ​ള്ളി പ​ഞ്ചാ​യ​ത്ത് മൂ​ന്നാം വാ​ർ​ഡ് മു​ണ്ടു​ത​റ അ​മ്മി​ണി​യെ​ന്ന 54 കാ​രി. 15 വ​യ​സ്സ്​ മു​ത​ൽ അ​മ്മ ക​റു​മ്പി​ക്കൊ​പ്പം തു​ട​ങ്ങി​യ​താ​ണ് കാ​യ​ലി​ലെ ക​ക്ക വാ​ര​ൽ. അ​ന്ന് അ​മ്മ​യെ സ​ഹാ​യി​ക്കാ​നാ​യി​രു​ന്നെ​ങ്കി​ൽ ഇ​ന്ന് അ​മ്മി​ണി കാ​യ​ലി​ൽ മു​ങ്ങി​ത്ത​പ്പു​ന്ന​ത് ഉ​പ​ജീ​വ​ന​ത്തി​ന്​ ചി​ല്ലി​ക്കാ​ശ്​ ല​ക്ഷ്യ​മി​ട്ടാ​ണ്.

പെ​രു​മ്പ​ള​ത്തേ​ക്ക് വി​വാ​ഹം ക​ഴി​ച്ച്​ അ​യ​ച്ചെ​ങ്കി​ലും ര​ണ്ട​ര​വ​ർ​ഷ​ത്തെ ക​യ്പ്​ നി​റ​ഞ്ഞ ജീ​വി​താ​നു​ഭ​വ​ങ്ങ​ൾ​ക്ക് ശേ​ഷം ഇ​ള​യ സ​ഹോ​ദ​ര​നോ​ടൊ​പ്പം മു​ണ്ടു​ത​റ​യി​ൽ ഏ​ക മ​ക​ൾ ലാ​ലി​മോ​ളു​മാ​യി താ​മ​സി​ക്കു​ക​യാ​ണ്. വീ​ട് പ​ണി​യാ​നും മ​ക​ളെ കെ​ട്ടി​ച്ച​യ​ക്കാ​നും പെ​ടാ​പ്പാ​ട്​ പെ​ടു​ക​യാ​ണ്​ അ​മ്മി​ണി.

മ​ഞ്ഞും മ​ഴ​യും വെ​യി​ലും വ​ക​വെ​ക്കാ​തെ ദി​നേ​ന രാ​വി​ലെ അ​ഞ്ച​ര​ക്ക്​ വ​ഞ്ചി​യു​മാ​യി വേ​മ്പ​നാ​ട്ട് കാ​യ​ലി​ന്‍റെ ഓ​ള​ങ്ങ​ളെ കീ​റി​മു​റി​ച്ച് ആ​ഴ​ക്കാ​യ​ലി​ലേ​ക്ക് തു​ഴ​ഞ്ഞെ​ത്തും. സ​ഹോ​ദ​ര​ൻ വാ​ങ്ങി ന​ൽ​കി​യ വ​ഞ്ചി​യും യ​ന്ത്ര​വു​മാ​യ​തോ​ടെ തു​ഴ​യ​ലി​ന് ആ​ശ്വാ​സ​മാ​യി.

ക​ക്ക​ക​ളു​മാ​യി പ​തി​നൊ​ന്ന​ര മ​ണി​യാ​കു​മ്പോ​ൾ ക​ര​യി​ലെ​ത്തും. പി​ടി​ച്ച ക​ക്ക​ക​ൾ പു​ഴു​ങ്ങി തൊ​ണ്ടു​ക​ൾ വേ​ർ​പെ​ടു​ത്തി പി​ന്നീ​ട് വീ​ടു​വീ​ടാ​ന്ത​രം ക​യ​റി​യി​റ​ങ്ങി​യു​ള്ള വി​ൽ​പ​ന​യാ​ണ്. പ​തി​വാ​യി എ​ത്തു​ന്ന​തി​നാ​ൽ അ​മ്മി​ണി​യേ​യും കാ​ത്ത് ധാ​രാ​ളം വീ​ട്ടു​കാ​ർ ഇ​രി​ക്കു​ന്നു​ണ്ടാ​കും.

എ​ല്ലാം ക​ഴി​ഞ്ഞ് വീ​ട്ടി​ലെ​ത്തു​മ്പോ​ഴേ​ക്ക് സ​ന്ധ്യ മ​യ​ങ്ങും. ക​ക്ക​യു​ടെ ല​ഭ്യ​ത​ക്കു​റ​വും കാ​യ​ൽ മ​ലി​നീ​ക​ര​ണ​വും കാ​ര​ണം പ​ല​രും ഈ ​തൊ​ഴി​ൽ ഉ​പേ​ക്ഷി​ക്കു​മ്പോ​ൾ അ​മ്മി​ണി ജീ​വി​ത​ത്തോ​ട് ചേ​ർ​ത്ത് നി​ർ​ത്തു​ക​യാ​ണ് ഈ ​തൊ​ഴി​ലി​നെ.