Begin typing your search above and press return to search.
proflie-avatar
Login
exit_to_app
exit_to_app
Homechevron_rightLIFEchevron_rightWomanchevron_rightഅ​തി​ജീ​വ​ന​ത്തി​ന്‍റെ...

അ​തി​ജീ​വ​ന​ത്തി​ന്‍റെ ആ​ൽ​ഫി​ക്ക്​ ആ​ഗ്ര​ഹം​ പോ​ലൊ​രു ജോ​ലി

text_fields
bookmark_border
അ​തി​ജീ​വ​ന​ത്തി​ന്‍റെ ആ​ൽ​ഫി​ക്ക്​ ആ​ഗ്ര​ഹം​ പോ​ലൊ​രു ജോ​ലി
cancel
camera_alt

ആ​ൽ​ഫി​യ ജെ​യിം​സ്

ദു​ബൈ: ചെ​റി​യൊ​രു പ​നി വ​ന്നാ​ൽ ത​ള​ർ​ന്ന് വീ​ണു​പോ​കു​ന്ന​വ​ർ​ക്ക്​ ആ​ൽ​ഫി​യ ജെ​യിം​സ്​ എ​ന്ന മാ​തൃ​ക​യെ പ​ക​ർ​ത്തി​യെ​ഴു​താം. അ​പ്ര​തീ​ക്ഷി​ത​മാ​യു​ണ്ടാ​യ അ​പ​ക​ട​ത്തി​ൽ അ​ര​ക്കു​ താ​ഴെ ത​ള​ർ​ന്നി​ട്ടും സ്വ​പ്ന​ജോ​ലി തേ​ടി മു​ന്നോ​ട്ടു​കു​തി​ച്ച അ​വ​ളു​ടെ യാ​ത്ര​ക്ക്​ പ്ര​വാ​സ​ലോ​ക​ത്ത്​ സാ​ക്ഷാ​ത്​​കാ​രം.

ദു​ബൈ​യി​ലെ എ​ലൈ​റ്റ്​ ഗ്രൂ​പ് ഫി​നാ​ൻ​സ്​ വി​ഭാ​ഗ​ത്തി​ലാ​ണ് ഇ​ന്ത്യ​ൻ പാ​രാ ബാ​ഡ്​​മി​ന്‍റ​ൺ താ​രം കൂ​ടി​യാ​യ​ ആ​ൽ​ഫി ജെ​യിം​സി​ന് ആ​ഗ്ര​ഹി​ച്ച ജോ​ലി ല​ഭി​ച്ച​ത്. വൈ​ക​ല്യ​ത്തി​ന്‍റെ പേ​രി​ൽ മാ​റ്റി​നി​ർ​ത്തി​യ​വ​ർ​ക്കു മു​ന്നി​ൽ അ​വ​ളി​നി ത​ല​യു​യ​ർ​ത്തി ജോ​ലി ചെ​യ്യും, ഒ​പ്പം അ​ന്താ​രാ​ഷ്ട്ര ബാ​ഡ്​​മി​ന്‍റ​ണി​ൽ ഇ​ന്ത്യ​ക്കാ​യി പൊ​രു​താ​നി​റ​ങ്ങും. മാ​ർ​ച്ച്​ ഒ​ന്നു​ മു​ത​ലാ​ണ് മൂ​വാ​റ്റു​പു​ഴ സ്വ​ദേ​ശി​യാ​യ​ ആ​ൽ​ഫി​യ ജോ​ലി​യി​ൽ പ്ര​വേ​ശി​ച്ച​ത്.

ദേ​ശീ​യ ബാ​സ്ക​റ്റ്ബാ​ൾ കോ​ർ​ട്ടി​ൽ പാ​റി​പ്പ​റ​ന്ന്​ ന​ട​ന്ന കാ​ല​ത്താ​ണ് ആ​ൽ​ഫി​യു​ടെ ജീ​വി​ത​ത്തി​ൽ ക​രി​നി​ഴ​ൽ വീ​ഴ്ത്തി​യ അ​പ​ക​ട​മു​ണ്ടാ​യ​ത്. ആ​റു വ​ർ​ഷം മു​മ്പ് പ്ല​സ് വ​ണി​ന് പ​ഠി​ക്കു​ന്ന കാ​ല​ത്താ​ണ് ഹോ​സ്റ്റ​ൽ കെ​ട്ടി​ട​ത്തി​നു മു​ക​ളി​ൽ​നി​ന്ന് കാ​ൽ​വ​ഴു​തി വീ​ണ​ത്. നെ​ഞ്ചി​നു​ താ​ഴെ ത​ള​ർ​ന്നു​പോ​യ ആ​ൽ​ഫി​ക്ക്​ ഒ​രി​ക്ക​ലും എ​ഴു​ന്നേ​ൽ​ക്കാ​ൻ ക​ഴി​യി​ല്ല എ​ന്നു​പോ​ലും മെ​ഡി​ക്ക​ൽ ലോ​കം വി​ധി​യെ​ഴു​തി.

ആ​രും മാ​ന​സി​ക​മാ​യി ത​ള​ർ​ന്നു​പോ​കു​ന്നി​ട​ത്തു​നി​ന്നാ​യി​രു​ന്നു ആ​ൽ​ഫി​യ​യു​ടെ ഉ​യി​ർ​പ്പ്. വീ​ൽ​ചെ​യ​റി​ൽ ജീ​വി​തം ച​ലി​ക്കാ​ൻ തു​ട​ങ്ങി​യ​തോ​ടെ അ​വ​ൾ വീ​ണ്ടും സ്വ​പ്ന​ങ്ങ​ൾ നെ​യ്തു​കൂ​ട്ടി. വീ​ട്ടി​ൽ​പോ​ലു​മ​റി​യാ​തെ വീ​ൽ​ചെ​യ​ർ ബാ​സ്ക​റ്റ്ബാ​ൾ പ​രി​ശീ​ല​നം തു​ട​ങ്ങി. പ​വ​ർ​ലി​ഫ്​​റ്റി​ങ്ങും ബാ​ഡ്​​മി​ന്‍റ​ണും പ​രി​ശീ​ലി​ച്ചു. ചെ​റു​പ്പ​ത്തി​ലേ അ​ച്ഛ​ൻ മ​രി​ച്ച​തി​നാ​ൽ കു​ടും​ബം പോ​റ്റാ​ൻ ജോ​ലി തേ​ടി​യി​റ​ങ്ങി. എ​ന്നാ​ൽ, വൈ​ക​ല്യ​ത്തി​ന്‍റെ പേ​രി​ൽ ജോ​ലി​യി​ൽ​നി​ന്ന്​ മാ​റ്റി​നി​ർ​ത്ത​പ്പെ​ട്ടു.

‘ഈ ​അ​വ​സ്ഥ​യി​ൽ എ​ങ്ങ​നെ​യാ​ണ്​ ജോ​ലി ചെ​യ്യു​ക’ എ​ന്നാ​യി​രു​ന്നു പ​ല​രു​ടെ​യും ചോ​ദ്യം. ജോ​ലി തേ​ടി കൊ​ച്ചി​യി​ലെ ഹോ​ട്ട​ലു​ക​ളി​ൽ ക​യ​റി​യി​റ​ങ്ങി. ചി​ല സ്ഥ​ല​ങ്ങ​ളി​ൽ പാ​ർ​ട്ട്​ ടൈ​മാ​യി ജോ​ലി ചെ​യ്തു. ഹോ​സ്റ്റ​ൽ മു​റി​ക​ളും ഫ്ലാ​റ്റു​ക​ളും വാ​ട​ക​ക്ക്​ ന​ൽ​കു​ന്ന​വ​രു​ടെ ഇ​ട​നി​ല​ക്കാ​രി​യാ​യി നി​ന്നു. അ​മ്മ​യെ ബു​ദ്ധി​മു​ട്ടി​ക്കാ​തെ സ്വ​ന്തം​നി​ല​യി​ൽ സാ​ധാ​ര​ണ​ക്കാ​രെ പോ​ലെ ജീ​വി​ക്ക​ണ​മെ​ന്ന ആ​ഗ്ര​ഹ​മാ​ണ്​ ആ​ൽ​ഫി​യെ​ക്കൊ​ണ്ട്​ ഇ​തെ​ല്ലാം ചെ​യ്യി​ച്ച​ത്.

ഇ​ങ്ങ​നെ കി​ട്ടു​ന്ന പ​ണം ഉ​പ​യോ​ഗി​ച്ച്​ ആ​ൽ​ഫി​യ ​കാ​യി​ക ലോ​ക​ത്ത്​ സ​ജീ​വ​മാ​യി. ദേ​ശീ​യ പാ​രാ​ലി​ഫ്റ്റി​ങ്ങി​ൽ വെ​ള്ളി​മെ​ഡ​ലോ​ടെ വ​ര​വ​റി​യി​ച്ചു. ബാ​ഡ്​​മി​ന്‍റ​ണി​ൽ പ​ങ്കെ​ടു​ത്ത ആ​ദ്യ ചാ​മ്പ്യ​ൻ​ഷി​പ്പി​ൽ ത​ന്നെ ഇ​ര​ട്ട സ്വ​ർ​ണം നേ​ടി. സു​ഹൃ​ത്തു​ക്ക​ളോ​ടൊ​ത്ത് മ​ണാ​ലി​യി​ലും ഹി​മാ​ച​ലി​ലു​മെ​ല്ലാം പോ​യി. പാ​രാ ബാ​സ്ക​റ്റ്ബാ​ളി​ൽ ഇ​ന്ത്യ​ൻ ജ​ഴ്സി​യി​ൽ ക​ള​ത്തി​ലി​റ​ങ്ങി. ഒ​ടു​വി​ൽ ഇ​ന്ത്യ​യെ പ്ര​തി​നി​ധാ​നം​ചെ​യ്ത് ഫ​സ ബാ​ഡ്മി​ന്‍റ​ണി​ൽ പ​ങ്കെ​ടു​ക്കാ​ൻ ദു​ബൈ​യി​ലു​മെ​ത്തി. വി​ദേ​ശ​ത്ത്​ ന​ല്ലൊ​രു ജോ​ലി നേ​ട​ണ​മെ​ന്ന ആ​ൽ​ഫി​യു​ടെ ആ​ഗ്ര​ഹ​ത്തി​ലേ​ക്ക്​ വ​ഴി​ത്തി​രി​വാ​യ​ത്​ ഈ ​ദു​ബൈ യാ​ത്ര​യാ​ണ്. ആ​ൽ​ഫി​യെ പ​രി​ച​യ​പ്പെ​ട്ട എ​ലൈ​റ്റ്​ എം.​ഡി ആ​ർ.

ഹ​രി​കു​മാ​ർ ത​ന്‍റെ സ്ഥാ​പ​ന​ത്തി​ൽ ജോ​ലി വാ​ഗ്ദാ​നം ചെ​യ്യു​ക​യാ​യി​രു​ന്നു. ക​ഴി​ഞ്ഞ ദി​വ​സം ഓ​ഫ​ർ ലെ​റ്റ​ർ കൈ​മാ​റി. ആ​ൽ​ഫി​ക്ക്​ ഇ​ഷ്ട​മു​ള്ള​പ്പോ​ൾ ക​ളി​ക്കാ​ൻ പോ​കാ​നും ജോ​ലി ചെ​യ്യാ​നു​മു​ള്ള സ്വാ​ത​ന്ത്ര്യ​വും സൗ​ക​ര്യ​വും ഹ​രി​കു​മാ​ർ അ​നു​വ​ദി​ച്ചി​ട്ടു​ണ്ട്. ഒ​ളി​മ്പി​ക്സ്​ എ​ന്ന സ്വ​പ്ന​​ത്തി​ലേ​ക്ക്​ ബാ​റ്റേ​ന്തു​ന്ന ആ​ൽ​ഫി ഈ ​മാ​സം ല​ഖ്​​നോ​യി​ലും മെ​യി​ൽ താ​യ്​​ല​ൻ​ഡി​ലും ബ​ഹ്​​റൈ​നി​ലും ക​ളി​ക്കാ​നി​റ​ങ്ങും.

എ​ല്ലാ മ​ത്സ​ര​ങ്ങ​ളു​ടെ​യും സ്​​പോ​ൺ​സ​ർ ഹ​രി​കു​മാ​റാ​ണ്. എ​ലൈ​റ്റി​നാ​യി മെ​ഡ​ൽ കൊ​ണ്ടു​വ​രു​ക എ​ന്ന​താ​ണ്​ മ​റ്റൊ​രു ല​ക്ഷ്യം. ഭി​ന്ന​ശേ​ഷി സൗ​ഹൃ​ദ ന​ഗ​ര​മാ​ണ്​ ദു​ബൈ​യെ​ന്നും അ​താ​ണ്​ ത​ന്നെ ഇ​വി​ടേ​ക്ക്​ ആ​ക​ർ​ഷി​ച്ച മു​ഖ്യ​ഘ​ട​ക​മെ​ന്നും ആ​ൽ​ഫി​യ പ​റ​യു​ന്നു. ഒ​റ്റ​ക്ക്​ എ​വി​ടെ വേ​ണ​മെ​ങ്കി​ലും എ​പ്പോ​ൾ വേ​ണ​മെ​ങ്കി​ലും സ​ഞ്ച​രി​ക്കാം. ന​മ്മു​ടെ പ​രി​മി​തി​ക​ളെ കു​റി​ച്ച്​ ചി​ന്തി​ക്കാ​തെ ആ​രെ​യും ​ആ​ശ്ര​യി​ക്കാ​തെ ജീ​വി​ക്കാ​നാ​ണ്​ ഓ​രോ സ്ത്രീ​യും ശ്ര​മി​ക്കേ​ണ്ട​തെ​ന്നും ആ​ൽ​ഫി​യ വ​നി​താ​ദി​ന സ​ന്ദേ​ശ​മാ​യി പ​റ​യു​ന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:womens day 2023Alphia James
News Summary - Alphia James story
Next Story