വി​ദ്യാ​ർ​ഥി​കാ​ല​ത്തേക്ക് ‘തി​രി​കെ’ ന​ട​ന്ന് ഐ​ഷാ​ബി ടീ​ച്ച​ർ

കൊ​ടു​ങ്ങ​ല്ലൂ​ർ: സ്കൂ​ൾ വി​ദ്യാ​ർ​ഥി കാ​ല​ത്തി​ന്റെ ക​ളി​ര​സ​ങ്ങ​ളി​ലേ​ക്ക് തി​രി​കെ ന​ട​ന്ന് സം​സ്ഥാ​ന അ​ധ്യാ​പ​ക അ​വാ​ർ​ഡ് ജേ​താ​വ് ഐ​ഷാ​ബി ടീ​ച്ച​ർ (77). കു​ടും​ബ​ശ്രീ​യു​ടെ ‘തി​രി​കെ’​യി​ലൂ​ടെ​യാ​ണ് ഇ​വ​ർ വീ​ണ്ടും സ്കൂ​ളി​ന്റെ പ​ടി​ക​യ​റി​യെ​ത്തി​യ​ത്.

സ്ക​ർ​ട്ടും ഷ​ർ​ട്ടും ധ​രി​ച്ച് മു​ടി മെ​ട​ഞ്ഞ് റി​ബ​ൺ കെ​ട്ടി ക​ഴു​ത്തി​ൽ വാ​ട്ട​ർ​ബോ​ട്ടി​ലും കൈ​യി​ൽ പു​സ്ത​കം വ​ഹി​ക്കു​ന്ന അ​ലൂ​മി​നി​യം പെ​ട്ടി​യും പി​ടി​ച്ച് ചു​റു​ചു​റു​ക്കോ​ടെ​യാ​ണ് ഇ​വ​ർ സ്കൂ​ളി​ലേ​ക്ക് ക​ട​ന്നു​വ​ന്ന​ത്. ശ്രീ​നാ​രാ​യ​ണ​പു​രം ആ​മ​ണ്ടൂ​രി​ൽ താ​മ​സി​ക്കു​ന്ന ഐ​ഷാ​ബി ടീ​ച്ച​ർ പ​ഞ്ചാ​യ​ത്തി​ലെ 14ാം വാ​ർ​ഡി​ലെ ‘ക​ന​വ്’ അ​യ​ൽ​ക്കൂ​ട്ട അം​ഗ​മാ​യാ​ണ് ശാ​ന്തി​പു​രം എം.​എ.​ആ​ർ.​എം സ്കൂ​ളി​ലെ​ത്തി​യ​ത്.

സ്കൗ​ട്ട്സ് ആ​ൻ​ഡ് ഗൈ​ഡ്സ് അ​ധ്യാ​പി​ക​യാ​യി ന​ൽ​കി​യ സേ​വ​നം പ​രി​ഗ​ണി​ച്ച് കേ​ന്ദ്ര സ​ർ​ക്കാ​റി​ന്റെ സി​ൽ​വ​ർ സ്റ്റാ​ർ അ​വാ​ർ​ഡ് ക​ര​സ്ഥ​മാ​ക്കി​യ ഇ​വ​ർ ഏ​താ​നും വ​ർ​ഷം മു​മ്പ് നൃ​ത്ത​ത്തി​ലും അ​ര​ങ്ങേ​റ്റം കു​റി​ച്ചി​രു​ന്നു. മി​ക​ച്ച ജൈ​വ ക​ർ​ഷ​ക​ക്കു​ള്ള പ​ഞ്ചാ​യ​ത്തു​ത​ല അ​വാ​ർ​ഡ് ര​ണ്ടു​ത​വ​ണ സ്വ​ന്ത​മാ​ക്കി.

വ​ള​രെ​ക്കാ​ല​മാ​യി രം​ഗ​ശ്രീ​യി​ൽ പ്ര​വ​ർ​ത്തി​ച്ചു​വ​രു​ന്നു. കു​ടും​ബ​ശ്രീ​യു​ടെ ‘അ​ര​ങ്ങ്’ മെ​ഗാ തി​രു​വാ​തി​ര, നാ​ട​കം, ക്രി​യേ​റ്റി​വ് അ​സ്മാ​ബി​യ​ൻ​സ് നൃ​ത്ത ഗ്രൂ​പ് തു​ട​ങ്ങി എ​ല്ലാ മേ​ഖ​ല​യി​ലും ടീ​ച്ച​ർ സ​ജീ​വ സാ​ന്നി​ധ്യ​മാ​ണ്. മ​ക​ൾ ജാ​സ്മി​ൻ കാ​വ്യ​യും ക​ഴി​ഞ്ഞ വ​ർ​ഷം അ​ധ്യാ​പ​ന ജീ​വി​ത​ത്തി​ൽ​നി​ന്ന് പ​ടി​യി​റ​ങ്ങി​യി​രു​ന്നു.